Македонија
Сервер – Ќе ги нарекувам Македонците – Македонци
Ќе ги нарекувам граѓаните на Македонија, како што сакаат да се нарекуваат, а тоа е Македонци
Ќе ги нарекувам граѓаните на Македонија, како што сакаат да се нарекуваат, а тоа е Македонци.
Ова во интервју за гласот на Америка на македонски јазик го изјави Даниел Сервер од Американскиот институт за мир, кој со години се занимава со Балканот.
„Секое решение на кое обете страни може да се согласат е чесно решение. Како што реков навистина не ми е битно што е на парче хартија во ОН. Ќе ги нарекувам Македонците-Македонци се додека не побараат да престанат“, рече Сервер, коментирајќи го предлогот Северна Македонија.
Мислам дека САД треба да извршат поголем притисок врз обете страни за обострана спогодба, смета Сервер, додавајќи дека факт е оти Грците имаат сила преговарачка позиција затоа што се членка на НАТО и на ЕУ и Македонците треба тоа да го имаат предвид.
Одговарајќи на прашањето зошто компромисот за името и натаму се чини далечен, рече „Навистина не знам. Мислев дека ова одамна ќе беше решено. Почна и да ми станува неважно“, рече Сервер во интервју за гласот на Америка на македонски јазик./крај/воа/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.