Македонија
Благ пад на сите три индекси на берзата
Берзанскиот индекс МБИ-10 на крајот на денешното тргување на македонска берза се намали за 0,52%, достигнувајќи вредност од 2.532,43 индексни поени
Берзанскиот индекс МБИ-10 на крајот на денешното тргување на македонска берза се намали за 0,52%, достигнувајќи вредност од 2.532,43 индексни поени.
МБИД оствари пад од 0,79% и се спушти на ниво од 2.300,59 индексни поени. Вредноста на индексот ОМБ изнесуваше 106,30 индексни поени со намалување од 0,12%.
Остварениот промет од денешното тргување на македонската берза за хартии од вредност изнесуваше 22.490.514,66 денари.
Официјалниот Пазар преку 77 трансакции оствари промет од 19.325.631,66 денари, а на редовниот Пазар прометот изнесуваше 3.164.883,00 денари остварени преку 26 трансакции.
Со државните обврзници за денационализација се оствари вкупен промет од 16.845.411,66 денари. Од нив најтргувани беа државните обврзници од осмата, четвртата и шестата емисија. Најмногу се тргуваше со државната обврзница за денационализација од осмата емисија со која беше остварен промет од 7.755.835,80 денари при истргувани 161.415 обврзници. Просечната цена беше 78,56% а намалувањето изнесуваше 0,02%.
Прометот со државната обврзница за денационализација од четвртата емисија изнесуваше 5.049.181,47 денари. Остварената просечна цена беше 85,10% од номиналната вредност а ценовниот пораст изнесуваше 0,12%. Вкупно се истргуваа 97.005 обврзници.
Државната обврзница за денационализација од шестата емисија оствари промет од 3.982.018,79 денари со просечна цена од 81,50% и незначителен пораст од 0,03%. Се истргуваа 79.884 обврзници.
Од редовниот пазар најтргувана акција беше ЗИМ Скопје со промет од 2.245.100,00 денари. Просечната цена изнесуваше 1.100,00 денари со остварен промет од 18,28%. Вкупно беа истргувани 2.041 акции.
ФЗЦУ 11 Октомври оствари промет од 376.500,00 денари со истргувани 300 акции. Просечната цена изнесуваше 1.255,00 денари со остар пад од 16,33%.
Макотекс експорт-импорт АД Скопје донесе одлука со која нето добивката за 2008 година во висина од 39.190.712,00 денари се распределува за покривање на загубите од минатите години.
Пет најтргувани хартии од вредност
1. Р.Македонија – Денационализација 08
2. Р.Македонија – Денационализација 04
3. Р.Македонија – Денационализација 06
4. ЗИМ Скопје
5. Алкалоид Скопје
Хартии од вредност со најголем пораст
1. ЗИМ Скопје 18,28%
2. Арцелормиттал (ЦРМ) Скопје 12,87%
3. Винарска Визба Тиквеш Скопје 7,67%
4. Македонски Телеком 1,66%
5. Гранит Скопје 0,47%
Хартии од вредност со најголем пад
1. ФЗЦ 11 Октомври Куманово 16,33%
2. Арцелормиттал (ХРМ) Скопје 6,09%
3. Комерцијална Банка Скопје 2,95%
4. Р.Македонија – Девизни Влогови 1,06%
5. Стопанска Банка Скопје 0,40%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука