Македонија
НБМ- Индустриското производство паднало за 9,9 насто
Индустриското производство во Македонија во април годинава пораснало за 1,3 насто во однос на претходниот месец, но кумулативниот пад во првите
Индустриското производство во Македонија во април годинава пораснало за 1,3 насто во однос на претходниот месец, но кумулативниот пад во првите четири месеци од годинава изнесува 9,9 насто.
Според месечната информација на Народната банка на Македонија, индустриското производство во април 2009 на годишно ниво се намалило за 7,7 насто, што најмногу се должи на намаленото производство на основни метали.
НБМ оцени дека податоците за инфлацијата укажуваат на стабилизирање на потрошувачките цени, при што годишната стапка на инфлација во мај изнесувала 0,4 насто, а во првите пет месеци од годината 0,5 проценти.
Во перидот јануари-мај евидентирано е намалување на девизните резерви на НБМ и на 31.05 тие изнесувале 1,16 милијарди евра. НБМ соопшти дека во првите три месеци од годината поради вложување на трговското салдо во услови на намалени приливи од приватни трансфери и капитални приливи, интервенирала со нето продажба на девизни средства.
Банката додава дека во јуни дојде до промена на девизниот пазар, по што таа почна да откупува девизи, и девизните резерви до 24 јуни се зголемиле за 41,8 милиони евра.
Овие движења даваат позитивен сигнал, но според НБМ, се уште е рано да се зборува за промена на трендовите.
Во банкарскиот сектор во мај годинава е забележано забавување на годишниот растеж на вкупните депозити. Во мај тие се зголемиле за 2,9 насто, наспроти 6,3 проценти регистрирани во април. Од друга страна кредитирањето од страна на банкарскиот сектор на годишно ниво се зголемила за 18,5 насто (21,4% во април) и поинтензивно е забавена стапката на раст на кредитите за домаќинствата, се наведува во месечната информација на Народната банка на Македонија.
НБМ на денешната седница усвоила и Одлука за начинот и постапката за воспоставување и примена на програмата на банките за спречување перење пари и финансирање на тероризмот/крај/со/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тренчевска: Најемотивна сум кога зборувам со пензионерите, креаторите на државата денес
Коносителката на листата за пратеници на Изборна единица 4 од Социјалдемократскиот сојуз на Македонија, Јованка Тренчевска денес им се обрати на пензионерите во Општина Струмица и ја објасни изборната програма на која според неа столб е грижата за пензионерите.
„Да се потсетиме на се она што го имаме направено за вас пензионерите и да ве информираме за се она кое се обврзуваме како партија во наредниот период. Како помлади генерации сме обврзани да ви обезбедиме спокојни пензионерски денови, затоа во изминатиот период ја донесовме методологијата со која гарантираме постојан раст на пензиите. Пред нашиот мандат најниската пензија која изнесуваше околу 8000 денари, денес е покачена на скоро 14.000 денари“ изјави Тренчевска.
Таа посочи дека покрај континуираното покачување на пензиите продолжува да се исплаќа и финансиската поддршка која е директно на терет на буџетот на Министерството за труд и социјална политика и дека истата не ја загрозува исплата на пензиите.
„Најголем дел од вас се сеќаваат дека ги добивавте пензиите во 6 групи на пензионери, затоа што системот на пензиско и инвалидско осигурување на бил стабилен. Денес сите вие секој први во месецот пензиите ги имате на вашите сметки, системот е стабилен и гарантира долгорочна сигурност“ истакна Тренчевска.
Таа рече дека никогаш повеќе нема да дозволи фондот да биде нестабилен, затоа што сите предвидени мерки и политики кои се предвидуваат не се на терет на фондот, туку ќе бидат на централниот буџет.
„Се обврзуваме на минимална пензија од 20.000 денари и просечна пензија од 30.000 денари. Воведуваме новогодишен пакет за секој пензионер во висина од 6000 денари како, картичка за пензионерите со попуст од 30% на прехранбени производи како и изградба на најмалку 12 нови домови за стари лица“ рече Тренчевска.
Македонија
Костадиновска-Стојчевска: Како што ветив, платите се за 12% повисоки за културните работници
Вработените во култура ја добија мартовската плата покачена за 12 проценти. Министерката за култура, Бисера Костадиновска-Стојчевска изјави дека со тоа, таа го исполни своето ветување.
„Како што ветив, платите на културните работници од денеска се покачени за 12 проценти.
Овааа Влада предводена од СДСМ се грижи подеднакво за сите. Од 2019 година до денес, покачувањето на платите во Секторот култура се искачи на 52 отсто, со потпишувањето на Колективниот договор“, изјави министерката за култура.
Костадиновска-Стојчевска додаде дека веќе две години се бори за повисоки плати за вработените во културата и успехот не може никој да го порекне. Платите пораснаа и повторно ќе растат.
„Не постои ниту еден чинител кој е против повисоки плати, особено кога Законот за кој оваа Влада се избори е на страната на културните работници“, вели министерката.
Таа, како предизборна игранка и манипулација ги оцени реакциите и протестите на СКРМ.
Вчерашниот состанок во Министерство за финансии, вели министерката за култура, „не беше свикан со намерата која Синдикатот за култура им ја презентираше на своите членови, нути пак за некаква игра, денес тоа се докажа“.
Пред две недели од Министерството за култура кажаа дека нема промени во општиот колективен договор, ниту во колективниот договор на Синдикатот за култура. Единствена промена била внесувањето на минималната плата во диспозитивот на договорот.
Македонија
Спасовски: Минимална пензија од 20.000 денари и просечна пензија од 30.000 денари
Носителот на листа на кандидати за пратеници од Изборна единица 2, предводена од СДСМ и Коалицијата за европска иднина, Оливер Спасовски, оствари средба со пензионерите од Куманово.
„Во спектарот на еднаквите можности за сите е и грижата за нашите највозрасни граѓани – пензионерите. Токму затоа, не се откажуваме! Продолжуваме со подобрување на животниот стандард на пензионерите. Во следниот мандат предвидуваме минимална пензија од 20.000 денари и просечна пензија од 30.000 денари. СДСМ и коалицијата “За европска иднина” продолжуваат да вложуваат на вистинскиот пат, патот кон Европа каде нашата земја ќе продолжи да се развива со нови работни места, повисоки плати, повисоки пензии и подобар животен стандард за сите”, истакна Спасовски.