Македонија
МБИ 10 оствари раст од 1,48 отсто, при низок промет
Клучниот индекс на македонска берза МБИ 10 денеска оставри раст од 1,48 отсто, додека прометот изнесуваше 5.504.480,10 денари
Клучниот индекс на македонска берза МБИ 10 денеска оставри раст од 1,48 отсто, додека прометот изнесуваше 5.504.480,10 денари.
На официјалниот пазар се оствари промет од 4.653.195,10 денари при реализирани 65 трансакции. Редовниот пазар оствари промет од 851.485,00 денари со реализирани 22 трансакции
МБИД незначително се намали за 0,01%, а вредноста му изнесуваше 2.193,24 индексни поени. ОМБ изгуби 0,17% од својата вредност и се намали на ниво од 105,66 индексни поени.
Убедливо најтргувана беше акцијата на Алкалоид со промет од 2.153.402,00 денари при истргувани 502 акции. Се постигна просечна цена од 4.289,65 денари со пораст од 1,22%.
Државната обврзница за денационализација од осмата емисија оствари промет од 557.937.,69 денари. Просечната цена изнесуваше 78,18% од номиналната вредност што предизвика опаѓање од 0,47%. Вкупно се истргуваа 11.636 обврзници.
Акцијата на Топлификација го оствари третиот промет по обем од официјалниот пазар, а тој изнесуваше 533.100,00 денари. Просечната цена беше 3.626,53 денари со зголемување кое изнесуваше 0,74%. Вкупно 147 акции беа истргувани.
Од редовниот пазар најтргувана беше акцијата на ЗИМ Скопје со промет од 297.000,00 денари. Просечната цена од 1.100,00 денари која се постигна не оствари никакви промени. Предмет на тргување беа 270 акции.
Акцијата на Македонски Телеком оствари промет од 246.000,00 денари со вкупно истргувани 695 акции. Просечната цена од 355,07 денари изврши промена со пораст од 0,40%.
РЖ Услуги АД Скопје на својата седница одржана на 08.07.2009 година донесе одлука со која утврдената нето добивка за 2008 г. во износ од 1.729.511,00 денари се пренесува за законски резерви на друштвото. Исто така донесена е и одлука за усвојување на годишната сметка, финансиските извештаи, консолидирана годишна сметка, консолидирани финансиски извештаи и годишниот извештај за работата за деловната 2008 година, како и за одредување на овластен ревизор на годишна сметка и финансиски извештај за 2009 година. Донесена е и одлука за избор на членови на одбор на директори. Објавени се и консолидираните и неконсолидираните ревидирани финансиски извештаи за 2008 г.
АД ОХИС објави јавен повик за учество на годишно собрание на друштвото кое ќе се одржи на 31.07.2009 г.
На интернет страната на Македонската Берза за хартии од вредност е објавен шестмесечниот билтен за период Јануари-Јуни 2009 година.
Пет најтргувани хартии од вредност
1. Алкалоид Скопје
2. Р.Македонија – Денационализација 08
3. Топлификација Скопје
4. Комерцијална Банка Скопје
5. Макпетрол Скопје
Хартии од вредност со најголем пораст
1. Факом Скопје 6,24%
2. Комерцијална Банка Скопје 4,30%
3. Гранит Скопје 2,26%
4. Алкалоид Скопје 1,22%
5. Топлификација Скопје 0,74%
Хартии од вредност со најголем пад
1. РЖ Интер-Трансшпед Скопје 19,70%
2. Хотели Метропол Охрид 9,50%
3. Кјуби Македонија Скопје 9,29%
4. Арцелормиттал (ХРМ) Скопје 1,05%
5. Р.Македонија – Денационализација 08 0,47%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Николоски: Како носител на ИЕ 4 за мене најдрага е победата на ВМРО-ДПМНЕ во Струмица, во следните две недели ќе продолжиме да работиме уште поинтензивно
Денес продолжуваме со кампањата за парламентарните и претседателските избори, денеска се спојуваат повторно двете кампањи. Продолжуваме тука од Струмица каде што планираме големи проекти по формирање на влада предводена од ВМРО-ДПМНЕ. Повикувам сите граѓани да ја прочитаат нашата програма Платформа 1198 каде што нудиме решенија за најкрупните проблеми на граѓаните, пред се во делот на владеење на правото и воспоставување на функционален систем на владеење на правото и правна држава, понатаму економскиот развој, решенија за состојбите во образованието и во здравството, поддршка за пензионерите, но и за најмладите преку проектот „Купи куќа“ и бројни други проекти кои што ги имаме во Платформата 1198, порача Александар Николоски, потпретседател на ВМРО-ДПМНЕ и носител на изборна единица 4.
„За нас е огромна привилегија поддршката која што ја добивме вчера, сметаме дека резултатот кој што вчера го постигна Гордана Силјановска Давкова и ВМРО-ДПМНЕ е обврска во следните две недели уште поинтензивно да се среќаваме со сите кои што сакаат да се сретнат со нас, да го објасниме нашиот концепт и визија и да ја побараме поддршката. Очекувам на 8 мај да има убедлива победа за Гордана Силјановска Давкова и најмногу пратеници за ВМРО-ДПМНЕ кој што ќе овозможат стабилна влада која што нема да биде уценува од никого и кој што ќе овозможат во опозиција да одат и СДСМ, но и политичката партија ДУИ“, кажа тој.
Додаде дека е среќен како носител во ИЕ 4 што имаат победа во Струмица.
„Тоа мислам дека е голем сигнал не само за Струмица, не само за струмичката околија туку за цела Македонија. Победата за Струмица за мене е најдрага од сите победи вчера, сакам да се заблагодарам на тимот позади мене, во следните две недели ќе работиме уште поинтензивно за да имаме уште поубедлива победа и Струмица конечно да го добие она што го заслужува, а тоа е економски развој и воведување на функционална правна држава каде што ќе има јасно владеење на правото, а не она што се случуваше во годините наназад“, рече Николоски.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.