Македонија
МБИ10 оствари благ пораст
Индексот МБИ-10 на деншното тргување на Македонска берза порасна за 0,46% со остварена вредност од 2.506,89 индексни поени
Индексот МБИ-10 на деншното тргување на Македонска берза порасна за 0,46% со остварена вредност од 2.506,89 индексни поени.
МБИД се намали за 0,73%, односно опадна на ниво од 2.230,61 индексни поени, додека ОМБ достигна вреност од 103,66 индексни поени, а порастот изнесуваше 0,18%.
Вкупниот промет берзата за хартии од вредност денеска изнесуваше 9.570.088,32 денари.
На официјалниот пазар беше остварен промет од 8.742.635,32 денари, а како дел од тој пазар, државните обврзници за денационализација и старото девизно штедење остварија промет од 4.433.443,32 денари.
На редовниот пазар прометот изнесуваше 827.453,00 денари при реализирани 20 трансакции
Најактивно се тргуваше со државната обврзница за денационализација од четвртата емисија со која се оствари промет од 2.195.255,29 денари. Просечната цена изнесуваше 82,94% од номиналната вредност, а нејзиниот пораст изнесуваше 0,53%. Вкупно се истргуваа 43.229 обврзници.
Како втора хартија од вредност според обемот на промет од официјалниот пазар беше акцијата на Комерцијална Банка Скопје со промет од 1.310.700,00 денари. Се оствари просечна цена од 2.550,00 денари при пораст од 0,40%. Истргувани беа вкупно 514 акции.
При тргувањето со државната обврзница за денационализација од седмата емисија се оствари промет од 1.300.034,75 денари. Дневната просечна цена изнесуваше 76,75% од номиналната вредност, а порастот изнесуваше 0,99%. Вкупно се истргуваа 27.665 обврзници.
Од редовниот пазар најтргувана беше акцијата на Раде Кончар Скопје со промет од 423.200,00 денари. Порастот беше 4,55% при просечна цена од 1.150,00 денари. Вкупно се истргуваа 368 акции.
Промет од 161.995,00 денари се постигна со акцијата на Македонски Телеком, при истргувани 441 акции. Постигната беше просечна цена од 367,34 денари, а порастот изнесуваше 0,36%.
Макстил објави ценовно чувствителна информација, според која на ден 13.07.2009 г. преку блок трансакција на Македонската берза, акционерот Репро Оне Лимитед ги продаде своите 2.833.247 обични акции издадени од Макстил А.Д. Скопје и повеќе не поседува акции од истоименото акционесрско друштво. На истиот ден Минѕорк Оверсеас Инц. купи 2.833.247 обични акции издадени од Макстил А.Д. и стана сопственик на повеќе од 5% од обичните акции на Макстил А.Д. Скопје.
Пет најтргувани хартии од вредност
1. Р.Македонија – Денационализација 04
2. Комерцијална Банка Скопје
3. Р.Македонија – Денационализација 07
4. Макпетрол Скопје
5. Стопанска Банка Битола
Хартии од вредност со најголем пораст
1. Попова Кула Демир Капија 10,72%
2. Раде Кончар Скопје 4,55%
3. Стопанска Банка Скопје 2,50%
4. ЗК Пелагонија Битола 2,26%
5. Гранит Скопје 1,46%
Хартии од вредност со најголем пад
1. Јака 80 Радовиш 40,00%
2. Стопанска Банка Скопје Приоритетни 19,69%
3. Комуна Скопје 9,45%
4. Арцелормиттал (ХРМ) Скопје 7,44%
5. Р.Македонија – Денационализација 01 3,26%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Променливо облачно и посвежо време со повремени врнежи од дожд, максимални температури до 18 степени
Променливо облачно и посвежо со повремени врнежи од дожд, претежно во јужните делови. Ќе дува слаб до умерен ветер од северен правец. Минималната температура ќе биде во интервал од 0 до 6, а максималната ќе достигне од 10 до 18 степени.
Во Скопје променливо облачно и посвежо со слаб до умерен ветер од северен правец. Минималната температура ќе се спушти до 4, а максималната ќе достигне 17 степени.
За време на викендот ќе се задржи променливо облачно и посвежо време. Во недела на повеќе места ќе има врнежи од дожд кои повремено ќе бидат пообилни и услови за појава на изолирана нестабилност со грмежи. Поради спуштање на постудена воздушна маса на планините врнежите повремено ќе преминуваат во снег и на повисоките планини ќе се формира нова снежна покривка.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.