Македонија
Тупурковски:Судот да ме прогласи за невин!
Васил Тупурковски побара денеска судот да го прогласи за невин, за случајот „Тајвански кредити“, јавува Макфакс
Васил Тупурковски побара денеска судот да го прогласи за невин, за случајот „Тајвански кредити“, јавува Макфакс.
Ова денеска на прес конференција го соопшти Тупурковски, откако обелодени документи за „драматични промени“ на ставовите и наодите од обвинителниот акт со кој беше осуден на три години затвор од страна на Јавниот обвинител Вилма Русковска.
Тупурковски цитираше наводи од одговорот на Јавниот обвинител, на неговата жалба против првостепената пресуда во која Русковска прецизира дека „банката навистина ги префрлата средствата на крајните корисници“ во случајот со Тајванските кредити.
Тупурковски исто така, изнесе нови елементи во врска со случајот со кредитот даден на „Алмако Вино Био“.
„Ова е драматичен момент во овој судски процес. Јас денеска побарав да се поништи пресудата и да бидам прогласен за невин врз основа на драматичните промени во правните квалификации на сопствените ставови и наводи од обвинителниот акт на обвинителот Русковска“, изјави Тупурковски на прес конференција.
Тој побара од Апелациониот суд да ја прогласи за ништовна жалбата која Основното јавно обвинителство за гонење на организиран криминал и корупција ја поднесе до Основниот суд Скопје 1 барајќи повисока казна за поранешниот директор на Агенцијата за обнова и развој.
Тупурковски рече дека е убеден оти ќе биде прогласен за невин и најави дека нема да бара отштета. /крај/ег
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.