Македонија
Реализирана блок трансакција на Охридска банка
Блок трансакција со акцијата на Охридска Банка Охрид се реализираше денеска на македонска берза, при која се оствари промет од 7.308.000,00 денари
Блок трансакција со акцијата на Охридска Банка Охрид се реализираше денеска на македонска берза, при која се оствари промет од 7.308.000,00 денари.
При блок трансакцијата се реализираше количина од 4.176 акции по цена од 1.750,00 денари. Се истргува 1,29% од основната главнина на Охридска Банка
Вкупниот промет на берзата денеска изнесуваше 11.983.965,15 денари, од што на Официјалниот пазар се истргуваната сума изнесуваше 9.139.336,15 денари со вкупно 34 реализирани трансакции.
Редовниот пазар оствари промет од 2.844.629,00 денари при реализирани 29 трансакции.
МБИ-10 забележа пад од 0,72%, а вредноста му изнесуваше 2.467,17 индексни поени, МБИД оствари пораст од 0,74% и се покачи на ниво од 2.248,16 индексни поени, a ОМБ се намали за 0,47% и се позиционираше на ниво од 102,67 индексни поени.
Акцијата на Алкалоид Скопје оствари промет од 450.090,00 денари, при истргувани 103 трансакции. Просечната цена изнесуваше 4.369,81 денари, а намалувањето беше 1,56%.
Промет од 167.500,00 денари се оствари со акцијата на Гранит Скопје, а се истргуваа вкупно 280 акции. Просечната цена во апсолутен износ беше 598,21 денари и се зголеми за 0,98% во однос на тргувањето од претходниот ден.
Од редовниот пазар најмногу се тргуваше со акцијата на Стопанска Банка Скопје. Прометот од тргувањето со оваа акција изнесуваше 2.385.879,00 денари при истргувани 11.375 акции. Постигната беше просечна цена од 209,75 денари, а порастот изнесуваше 4,35%.
Со акцијата на Македонски Телеком Скопје се оствари промет од 169.500,00 денари, а беа истргувани 460 акции. Просечната цена изнесуваше 368,48 денари со пад од 2,06% на дневна основа.
РЖ Интер-Трансшпед објави ревидирани финансиски извештаи за 2008 година. За 2008 година компанијата остварила нето добивка од 2.528.000,00 денари, за разлика од ланската година кога работела со загуба.
Пет најтргувани хартии од вредност
1. Охридска Банка Охрид
2. Стопанска Банка Скопје
3. Р.Македонија – Денационализација 08
4. Алкалоид Скопје
5. Македонски Телеком Скопје
Хартии од вредност со најголем пораст
1. ИЦН-Фарм АД Скопје 17,50%
2. Скопски Пазар Скопје 5,00%
3. Стопанска Банка Скопје 4,35%
4. Арцелормиттал (ЦРМ) Скопје 3,90%
5. Тутунска Банка Скопје 2,00%
Хартии од вредност со најголем пад
1. ЗК Пелагонија Битола 4,52%
2. Македонски Телеком 2,06%
3. Макстил Скопје 1,70%
4. Р.Македонија – Денационализација 08 1,58%
5. Алкалоид Скопје 1,56%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ќе го оставиме срцето на терен за интересот на Македонија, рече Мицкоски и најави позитивна кампања
Ние водиме позитивна кампања, кампања на проекти, кампања на надеж, кампања која ќе ја врати довербата во институциите по шест и половина години многу криминал грабеж на институциите на Македонија, рече претседателот на ВМРО-ДПМНЕ, Христијан Мицкоски кој денеска е во Охрид, а коментирајќи каква кампања ќе води партијата и каква кампања очекува воопшто.
Мицкоски рече дека идејата е да се води кампања со која ќе им се врати надежта на граѓаните.
„Малкумина се граѓани од прв ред, тука пред се мислам на неколкумина од ДУИ и малкумина измеќари од раководството СДСМ, сите други имаат чувство дека се граѓани од втор ред“, вели Мицкоски.
Според Мицкоски тоа е работа која мора да се смени во наредниот период.
„Тоа мора да се смени и по 8 мај да има и одговорност. Желни сме да го оставиме срцето на терен за интересот на Македонија“, кажа Мицкоски.
Македонија
Левицата: Неспособната влада повторно ги остави на цедило вработените во ,,Македонски шуми”
Вработените во јавното претпријатие ,,Македонски шуми” три месеци безуспешно се борат да ги добијат своите плати, задолжителните придонеси од плата, теренските додатоци и униформи за работа, реагираат од Левица.
„Тие прво штрајкуваа со присуство на работното место, па денес пред просториите на нивната дирекција, а трет чекор ќе биде да излезат пред Владата. Генералниот директор, Валентин Груевски од ЛДП и менаџерите на ова претпријатие не понесуваат никаква одговорност за неефикасното работење на ова претпријатие кое тоне во долгови. Додека безмилосно се касапат, македонските шуми и се богати зелената мафија, затоа што претпријатието не инвестира во нова опрема, сите пари се трошат за создавање неефикасен административен кадар од партиските редови на власта. ,,Македонски шуми” немаат доволно средства за шумски полицајци, додека претпријатието прима партиски кадри. За расипничкото менаџирање говори скандалот со купувањето нa луксузни службени возила за раководството, додека нема средства за теренски возила, кои се апсолутно потребни во борбата со шумската мафија“, истакнуваат од оваа партија.
Ова, како што потенцираат, не е изолиран случај само со ова јавно претпријатие, туку стана пракса во изминатите 30 години – јавните претпријатија да бидат најголеми загубари, за да ги задоволат апетитите на клиентелистичката машинерија на секоја власт.
Додаваат дека длабоко вкоренатата партизација ги уништува институциите кои треба да се јавен сервис.
„Но, јасно е дека без партиски вработувања, триото СДС-ДУИ-ДПМНЕ нема како да егзистира на политичката сцена!
Затоа, на престојните избори, македонскиот народ треба, конечно, да стави крај на тридецениското уништувачко владеење на овие партии и, конечно, нови генерации политичари да докажат дека може и мора да се управува поинаку“, истакнуваат од Левица.
Македонија
Мицкоски: СДСМ е измеќар на ДУИ
Тоа е едно исто тело, бидејќи СДСМ во изминативе 2 недели од претседателската кампања не кажа ниту еден лош збор ниту пак ниту една критика за работењето на Демократската унија за интеграција што не е случај обратно, вака претседателот на ВМРО-ДПМНЕ, Христијан Мицкоски за време на денешната посета на Охрид одговори на новинарско прашање околу реакцијата на СДСМ за наводната жестока реторика и нивно поистоветување со ДУИ.
Мицкоски исто така додаде дека фактот што ДУИ во кампањата ја критикува работата на СДСМ, а СДСМ нема кажано збор против ДУИ покажува дека СДСМ се само измеќари на ДУИ.
“ДУИ ја критикува работата на СДСМ. Така што, како можам да судам и што можам друго да кажам освен тоа дека тие практично се ништо повеќе од едни обични измеќари на ДУИ?“ потенцираше Мицкоски.