Македонија
„Кам фуд“ ќе гради пазар на местото на Цветен пазар
Цветниот пазар во центарот на Скопје набргу ќе биде дислоциран, а на негово место компанијата „Кам фуд“ ќе гради пазар на два ката
Цветниот пазар во центарот на Скопје набргу ќе биде дислоциран, а на негово место компанијата „Кам фуд“ ќе гради пазар на два ката.
Ова е епилогот од денешното јавно наддавање за отуѓување на градежно земјиште, во државна сопственост, кое се наоѓа во Општина Центар, со вкупна површина од 3.710 м2, соопшти Министерството за транспорт и врски.
Најповолен понудувач беше компанијата „Кам фуд“ од Скопје, која по пат на надавање ја понуди највисоката цена во висина од 12.100 денари за метар квадратен, односно вкупно 44,8 милиони денари (околу 730 илјади евра), .
Доколку најповолниот понудувач не ги уплати средства во утврдениот рок од 15 дена од приемот на писменото известување, ќе се смета дека градежното земјиште не е отуѓено и нема да се пристапи кон склучување на договор за отуѓување и депонираните средства на најповолниот понудувач нема да му бидат вратени.
Понудувачот се обврзува дека во рок од шест месеци од извршената солемнизација на договорот ќе обезбеди одобрение за градба од надлежната општина, и дека истиот ќе го изгради во рок од две години од прибавеното одобрение.
Доколку објектот не се изгради во определен рок договорот ќе биде раскинат, а земјиштето ќе се врати во сопственост на Република Македонија . /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: пет имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.