Контакт

Македонија

МБИ 10 оствари пораст од 1,46 отсто

Објавено пред

Вкупниот промет при денешното тргување на македонската берза за хартии од вредност беше 5.893.999,54 денари

Вкупниот промет при денешното тргување на македонската берза за хартии од вредност беше 5.893.999,54 денари.

Прометот на официјалниот пазар изнесуваше 5.070.199,54 денари, додека на редовниот пазар прометот беше 823.800,00 денари.

МБИ-10 се покачи за 1,46% така што достигна ниво од 2.470,91 индексни поени. МБИД се зголеми за 0,26%, а вредноста му изнесуваше 2.317,01 индексни поени. ОМБ се зголеми за 0,26% и се позиционираше на ниво од 102,53 индексни поени.

Најголем обем на тргување од официјалниот пазар со вредност од 1.092.680,00 денари имаше акцијата на Топлификација при истргувани 293 акции. Со остварената просечна цена од 3.729,28 денари се постигна пораст од 1,11% на дневна основа.

Државната обврзница за денационализација од петтата емисија оствари вкупен промет од 990.860,04 денари. Со просечната цена од 81,00% се оствари промет од 5,19% при истргувани 20.000 обврзници.

Прометот со Комерцијална Банка Скопје изнесуваше 878.314,00 денари при истргувани 359 акции. Просечната цена од 2.446,56 денари беше доволна за пораст од 3,77%. Акциите се тргуваа во распон од 2.374,00 денари до 2.500,00 денари.

Од редовниот Пазар најтргувана беше акцијата на Прилепска Пиварница со која беше остварен промет од 365.000,00 денари при истргувани 50 акции. Се постигна просечна цена од 7.300,00 денари која беше без промена.

Од редовниот пазар втора по промет беше Тутунска Банка Скопје, со која се оствари тргување во вредност од 325.360,00 денари, а се истргуваа 83 акции. Со просечната цена од 3.920,00 денари се постигна пораст од 0,51%.

Тутунски комбинат АД Прилеп донесе одлука за усвојување на годишна сметка, финансиските извештаи и годишниот извештај за работа на друштвото за 2008 година, како и за друштвата Тутунски комбинат Цигари Дооел Прилеп и Тутунски комбинат Тутун Дооел Прилеп. Донесени се и одлуки за покривање на загубите на друштвото како и за поврзаните друштва.

Објавена е одлука за зголемување на основната главнина на Тутунски Комбинат АД Прилеп со издавање на втора емисија на хартии од вредност-обични акции по пат на приватна понуда. Непаричниот влог кој ќе биде внесен од познат купувач Влада на Р. Македонија изнесува 4.176.299.783,00 денари односно 68.278.794,60 евра. Со оваа емисија Тутунски Комбинат АД Прилеп во својство на издавач издава 1.335.395 обични акции. Номиналната вредност на една акција е 51,13 евра. Продажната цена на хартиите од вредност изнесува 51,13 евра.

Тутунски комбинат Прилеп донесе и одлука за измена на статутот.

Гранит АД Скопје известува дека неревидираниот неконсолидиран биланс на успех за период 01.01.09 – 30.06.2009 год. ќе биде објавен на 06.08.2009 год. на СЕИНЕТ во 13,30 часот.

Пет најтргувани хартии од вредност

1. Топлификација Скопје

2. Р.Македонија – Денационализација 05

3. Комерцијална Банка Скопје

4. Бетон Скопје

5. Алкалоид Скопје

Хартии од вредност со најголем пораст

1. Арцелормиттал (ХРМ) Скопје 7,84%

2. Р.Македонија – Денационализација 05 5,19%

3. РЖ Услуги Скопје 4,35%

4. Реплек Скопје 3,78%

5. Комерцијална Банка Скопје 3,77%

Хартии од вредност со најголем пад

1. Бентокварц Крива Паланка 92,95%

2. Винарска Визба Тиквеш Скопје 27,10%

3. ОХИС Скопје 3,91%

4. Бетон Скопје 1,09%

5. Р.Македонија – Девизни Влогови 0,91%



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

Експретседателот на кривичниот суд, Владимир Панчевски, осуден на три ипол години затвор

Објавено пред

Поранешниот претседател на скопскиот кривичен суд, Владимир Панчевски, е осуден на три години и шест месеци затворска казна за злоупотреби на АКМИС-системот, потврдија од судот во Велес за „Макфакс“.

Панчевски првпат се појави на судењето во велешкиот суд пред две недели. Инаку, на судењето на 10 јули откако Панчевски не се појави на судењето, судијата му одреди притвор и беше распишана потерница по него. По пет дена, на 15 јули, тој сам се пријавил во Истражниот затвор „Скопје“ во Шуто Оризари.

Панчевски е осуден за кривично дело Злоупотреба на службената положба и овластување.

Според обвинението, тој во периодот од 23 јануари 2013 година до 14 септември 2016 година влијаел врз начинот на електронската распределба на предметите што доаѓале во судот на одлучување.

„Обвинетиот со ставање на писмен „параф“ од негова страна и со усно задолжување на вработени во судската писарница кои имале пристап во АКМИС системот, давал наредба да распределуваат конкретни предмети меѓу судиите надвор од времето на приемот на предметот во судот, како и насока на кој судија да се распредели предметот. Со ваквите дејствија, обвинетото лице на странките во така распределените предмети потешко им го повредил правото на еднаков пристап пред судот во заштитата на нивните права и правно заснованите интереси“, пишува во обвинението.

Прикажи повеќе...

Македонија

ДИК не го тестирала софтверот пред изборите, направила и други пропусти за заштита на личните податоци

Објавено пред

Агенцијата за заштита на личните податоци утврди повеќе повреди на прописите за заштита на личните податоци од страна на Државната изборна комисија, при вонредната супервизија поради хакирањето на веб-страницата на ДИК на денот на одржување на изборите, 15 јули.

АЗЛП утврдила дека ДИК не применила соодветни технички и организациски мерки во однос на заштитата на веб-страниците и информатичката инфраструктура за да обезбеди ниво на безбедност соодветно на ризикот.

Исто така, ДИК не извршила тестирање на софтверскиот систем за спроведување на Парламентарните избори 2020 година на „Дуна“ ДОО Скопје пред неговото имплементирање или по извршените промени со цел да се провери дали системот обезбедува безбедност на личните податоци согласно прописите за заштита на личните податоци.

Во извештајот на Агенцијата, исто така, се наведува дека ДИК при ангажирање на „Дуна“ ДОО Скопје како обработувач, постапила спротивно на прописите за заштита на личните податоци.

„ДИК при користење нови технологии за некој вид обработка (во конкретниот случај софтверскиот систем за спроведување на Парламентарните избори 2020 година на Дуна ДОО Скопје), не извршила проценка на влијанието на предвидените операции на обработката во однос на заштитата на личните податоци. ДИК поставува документи со лични податоци на Google Drive и истите ги објавува на своите веб-страници, со што врши пренос на личните податоци. Воедно, ДИК ги користи услугите на CloudFlare, чија главна инфраструктура е лоцирана надвор од територијата на Република Северна Македонија. Оттука, ДИК постапила спротивно од општото правило за пренос на личните податоци“, се наведува во извештајот.

Исто така, АЗЛП утврдила дека ДИК (како контролор) и „Дуна“ ДОО Скопје (како обработувач) не ја исполниле обврската за известување за нарушување на безбедноста на обработката на личните податоци до АЗЛП.

ДИК не ги документирала нарушувањата на безбедноста на личните податоци и немала воспоставено внатрешен процес на евидентирање на нарушувањата на безбедноста на личните податоци, а не ја исполнила ниту обврската за определување на офицер за заштита на личните податоци и не определила администратор на информацискиот систем.

„За извршената вонредна супервизија АЗЛП донесе решение со мерки за отстранување на утврдените повреди и рокови во кои ДИК треба да постапи и да го усогласи своето работење со прописите за заштита на личните податоци“, соопшти Агенцијата.

Прикажи повеќе...

Македонија

Невреме во Скопје со пороен дожд и град

Објавено пред

Силно невреме со пороен дожд, грмежи и град го зафати попладнево Скопје. Улиците побелеа од градот што паѓаше, а беше со големина на орев.

Според најавите на метеоролозите и утре ќе биде променливо облачно, нестабилно и посвежо време со повремени врнежи од дожд и грмежи во делови од земјата.

„Локално процесите ќе бидат поинтензивни во форма на невреме, особено утре и задутре, кога локално се очекува обилен пороен дожд (над 30 л/м2), силен ветер, елатектрични празнења и изолирана појава на град“, информира УХМР.

Прикажи повеќе...

Најново

Македонија9 часа

Експретседателот на кривичниот суд, Владимир Панчевски, осуден на три ипол години затвор

Поранешниот претседател на скопскиот кривичен суд, Владимир Панчевски, е осуден на три години и шест месеци затворска казна за злоупотреби...

Свет11 час

Вознемирувачки видеа од Бејрут, за секунда срамнети со земја огромни згради

Стравотни снимки од експлозијата што попладнево се случи во Бејрут се споделуваат во јавноста, а очевидци раскажуваат за драматични сцени...

Свет12 часа

(Видео) Експлoзијата во Бејрут се случила во магацин за пиротехника, десет лица загинале

Најмалку десет лица загинале во експлозијата во Бејрут што, според најновите информации, се случила во магацин за пиротехника во пристаништето...

Македонија14 часа

ДИК не го тестирала софтверот пред изборите, направила и други пропусти за заштита на личните податоци

Агенцијата за заштита на личните податоци утврди повеќе повреди на прописите за заштита на личните податоци од страна на Државната изборна...

Топ15 часа

Уапсена скопјанка, членка на ИСИС

Полицијата уапси 38-годишна скопјанка која патувала во Сирија и учествувала во активности на ИСИС. Според информациите на МВР, Секторот за борба...

Македонија15 часа

Мицкоски: Ќе се фокусираме на предлози што значат борба против криминалот и корупцијата

Претседателот на ВМРО-ДПМНЕ, Христијан Мицкоски, најави дека неговата партија ќе биде фокусирана да состави парламентарно мнозинство и да ја состави...

Македонија16 часа

Пронајдено телото на 16-годишното момче што се удави во Преспанското Езеро

По два дена трагање, пронајдено е телото на 16-годишното момче што се удави во Преспанското Езеро. Од МВР велат дека...

Македонија16 часа

Заев: За 10 до 15 дена ќе има исход од преговорите за влада, сите опции се отворени

Претседателот на СДСМ и пратеник во Собранието, Зоран Заев, посочи дека во деновите што следуваат ќе се разговара со сите...

Македонија16 часа

Петмина починати и 75 новозаболени од Ковид-19 во земјата

Министерството за здравство информира дека во последните 24 часа се направени 830 тестирања, а регистрирани се 75 нови случаи на...

Македонија17 часа

Собранието им ги верификува мандатите на сите 120 пратеници

Со 116 гласа „за“, без ниту еден воздржан ниту, пак, против, верифицирани им се мандатите на сите 120 пратеници, со...

Македонија17 часа

42-годишен маж спасен на Клиниката за кардиологија со стентирање на трауматска трансекција на торакалната аорта

Маж на возраст од 42 години е спасен од сигурна смрт кога на Клиниката за кардиологија му било извршено стентирање...

Македонија18 часа

Јагода Шахпаска избрана за претседател на Верификациската комисија на Собранието

Со интонирање на химната почна првата седница на новиот парламентарен состав, која се одржува во салата Голема купола, со засилени...

Свет19 часа

В година Русите ќе ја тестираат вакцината против коронавирусот врз деца

Националниот истражувачки центар „Гамалеи“ во Русија планира да почне со тестирање на вакцината против коронавирусот врз деца во јануари-февруари в...

Регион20 часа

Грчките премини Дојрани и Ники ќе се отворат по 15 август

Министерството за внатрешни работи ги известува граѓаните дека грчките гранични премини Дојрани и Ники ќе бидат целосно затворени за сообраќај до 15.8.2020...

Топ20 часа

Прегазена жена во Охрид

Деветнаесетгодишен скопјанец со „мерцедес“ на улицата Сирма Војвода во Охрид удрил во пешакот М. Т. (58) од Охрид. Жената била...

Свет22 часа

Гутереш: Коронавирусот ќе уништи генерации поради затворањето на училиштата

Генералниот секретар на Обединетите нации, Антонио Гутереш, предупреди дека светот се соочува со генерациска катастрофа поради затворањето на училиштата во...

Свет22 часа

СЗО ќе распореди меѓународен тим експерти во Вухан

Светската здравствена организација соопшти дека тимот што го истражува потеклото на пандемијата на коронавирусот ја завршил својата мисија во Кина...

Европа23 часа

Расте бројот на тешко заболени од коронавирус во Франција

Бројот на пациенти заразени со коронавирус во одделите за интензивна нега во Франција денеска се искачи на 384, што е...

Македонија1 ден

Привремено е прекината потрагата по момчето кое се удави во Преспанското езеро

Потрагата по момчето кое исчезна во водите на Преспанското езеро е привремено прекината поради временските услови. Како што информираат од...

Регион1 ден

Преглед на состојбата во регионот: Во Албанија почина уште еден лекар, во Србија пад на бројот на новозаразени

Преглед на состојбата со коронавирусот во регионот во изминатото деноноќие. Уште еден лекар почина во Албанија од коронавирус Во болницата...

Досие