Македонија
Државните обврзници значително го кренаа прометот на берзата
Прометот при денешното тргување на македонската берза за хартии од вредност изнесуваше 22.487.119,41 денари
Прометот при денешното тргување на македонската берза за хартии од вредност изнесуваше 22.487.119,41 денари.
Во вкупниот обем на тргување повторно доминираа државните хартии од вредност за денационализација чии промет изнесуваше 17.495.725,41 денари кој се реализираше преку 11 трансакции.
На официјалниот пазар прометот изнесуваше 20.007.754,41 денари, додека на редовниот пазар изнесуваше 2.479.365,00 денари.
МБИ-10 порасна за 1,14% и се искачи на ниво од 2.540,94 индексни поени. МБИД незначително се намали за 0,01%, а неговата вредност изнесуваше 2.290,10 индексни поени. ОМБ истотака минимално се намали за 0,01%, при тоа позиционирајќи се на ниво од 103,28 индексни поени.
Од хартиите од вредност кои котираат на официјалниот пазар, најмногу се тргуваше со државната обврзница за денационализација од осмата емисија при остварен промет од 9.662.332,19 денари. Остварената просечна цена од 77,01% значеше намалување од 0,77%. Вкупно се истргуваа 205.194 обврзници од оваа емисија.
Втора по ликвидност беше државната обврзница за денационализација од петтата емисија со промет од 2.847.031,94 денари. Просечната цена од 82,40% од номиналната вредност порасна за 0,49% во однос на претходниот трговски ден. Вкупно се истргуваа 56.503 обврзници.
Со државната обврзница за денационализација од седмата емисија се оствари промет од 2.797.605,94 денари, а истргувани беа 58.001 обврзници. Просечната цена изнесуваше 78,88% со што се зголеми за 1,13%.
Од акциите на редовниот пазар најтргувана беше акцијата на Стопанска Банка Скопје со која беше остварен промет од 1.826.450,00 денари. Просечната цена изнесуваше 220,05 денари по акција, а падот беше 0,46% на дневна основа. Вкупно беа истргувани 8.300 акции кои беа реализирани преку 16 трансакции.
Втора по обем на промет од редовниот пазар беше акцијата на Солун-2001 Гевгелија со промет од 257.725,00 денари. Просечната цена од 305,00 денари по акција беше без промена. Истргувани беа вкупно 845 акции.
Акционерските друштва ЕМО, Комуна, Технометал Вардар, Скопски Пазар, како и Охридска Банка, објавија неревидиран биланс на успех за период од 01.01.2009 до 30.06.2009 година.
Пет најтргувани хартии од вредност
1. Р.Македонија – Денационализација 08
2. Р.Македонија – Денационализација 05
3. Р.Македонија – Денационализација 07
4. Стопанска Банка Скопје
5. Р.Македонија – Денационализација 04
Хартии од вредност со најголем пораст
1. Раде Кончар Скопје 12,43%
2. Макстил Скопје 4,40%
3. ЗК Пелагонија 2,99%
4. Бетон Скопје 2,98%
5. Р.Македонија – Денационализација 03 1,53%
Хартии од вредност со најголем пад
1. Хотели Метропол Скопје 5,11%
2. Скопски Пазар Скопје 4,76%
3. Р.Македонија – Денационализација 08 0,77%
4. Македонски Телеком Скопје 0,61%
5. Стопанска Банка Скопје 0,46%
Copyright 2009 makfax. Сите права се задржани. Текстов не смее да
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Први април, вториот ден на Велигден, неработен за граѓаните од католичка вероисповед
Министерството за труд и социјална политика соопштува дека во согласност со Законот за празниците на РМ („Службен весник на РМ“ бр. 21/98 и 18/07), 1 Април 2024 година (понеделник), Велигден, вториот ден на Велигден, според грегоријанскиот календар, е неработен за граѓаните од католичката вероисповед во Република Северна Македонија.
Истовремено, Министерството за труд и социјална политика на граѓаните од католичка вероисповед им го честита празникот.
Македонија
Донесено упатство за радиодифузерите за претседателските и парламентарните избори
Агенцијата за аудио и аудиовизуелни медиумски услуги, со цел појаснување на начинот на примена на правилата од Изборниот законик донесе Упатство за радиодифузерите за Претседателските и Парламентарни избори 2024.
Со Упатството се опфатени правилата за лимитите за платеното политичко рекламирање (ППР), означувањето на нарачателот на рекламирањето, распределбатата на времето во вести кај Јавниот сервис, бесплатното политичко претставување на Собранискиот канал, обезбедувањето пристапност на содржините за изборниот процес за лицата со попреченост, правилата за известување во деновите на изборниот молк особено за периодот на преклопување на двата изборни процеси.
За време на изборната кампања за Претседателските избори, во првиот круг на гласање, радиодифузерите може да емитуваат вкупно девет минути и триесет секунди дополнително време за рекламирање на реален час емитувана програма, исклучиво наменети за ППР. Во Упатството е точно утврдена распределбата на овие минути меѓу седумте подносители на листи/кандидатите за претседател. Во вториот круг на гласање вкупното време за ППР ќе зависи од времето за ППР што го користат подносителите на листи/кандидатите за претседател кои ќе ја продолжат изборната кампања во вториот круг.
За време на изборната кампања за Парламентарните избори, радиодифузерите имаат право на дополнителни девет минути и триесет секунди за рекламирање на реален час, исклучиво наменети за ППР. По потврдувањето на поднесените листи на кандидати за пратеници од страна на Државната изборна комисија, Агенцијата соодветно ќе го дополни Упатството за радиодифузерите за Претседателските и Парламентарни избори 2024.
За време на изборниот молк за Претседателските избори, на 23 и на 24 април (до 19 часот) 2024 година, продолжува изборната кампања за Парламентарните избори, но запира медиумското покривање во вестите и во посебните-информативни емисии на учесниците во изборните кампањи за двата изборни процеси.
Јавниот сервис и телевизиите на државно ниво што ќе објавуваат платено политичко рекламирање, треба да емитуваат содржини поврзани со изборниот процес во формат пристапен за лицата со попреченост.
Упатството за радиодифузерите за Претседателските и Парламентарни избори 2024 е достапно на веб страницата www.avmu.mk.
Македонија
МТЕЛ со нова понуда за стриминг-платформата Move TV, корисниците одсега имаат избор од над 250 канали
Неспоредливо забавно патување со Move TV, стриминг платформа со најголем број на ТВ канали во Македонија
Подгответе се да се нурнете во свет на бескрајни можности за забава бидејќи стриминг платформата на МТЕЛ, Move TV отсега е со најголем број ТВ канали понудени од кој било телеком провајдер во Македонија. На и досега широкиот избор од ТВ канали компанијата додава бесплатно нови ТВ канали.
Со ова корисниците добиваат избор од над 250 канали вклучени во претплатата кои опфаќаат различни жанрови, јазици и култури, избор што може да воодушеви секој.
„МТЕЛ како компанија не само што го редефинира уживањето во квалитетната телевизиска понуда, тука на самиот корисник му даваме моќ да ја преземете контролата врз своето искуството со стриминг платформата. Без разлика дали сте спортски ентузијаст, љубител на филмови или љубители на ТВ серии, нашата разновидна палета на понуди гарантира дека има по нешто за секого. Во три различни пакети по особено поволни цени за корисници во Македонија се вклучени Арена спорт каналите, ХБО, Суперстар, Еуроспорт, БлицТВ“, велат од компанијата.
Покрај изборот од над 250 ТВ канали, МОVE TV нуди и видеотека со над 10 000 филмови и серии, можност за слушање на најдобрите домашни и регионални радио-станици. МОVE TV може да се користи на телевизиски уред (обичен со MOVE Android Box или смарт телевизор), на телефон и таблет.
Една од главните придобивки за корисниците е можноста за паузирање и премотување сите телевизиските канали во реално време, до 7 дена наназад. Освен тоа, со МОVE Android Box секој телевизиски уред станува паметен, а МOVE TV може да се користи на 5 уреди истовремено во зависност од избраниот пакет. А, сите ваши активности на платформата се синхронизираат на различните уреди на кои ја користите. Повеќе информации може да добиете на телефонскиот број 15010 или на mtel.mk.
ПР