Македонија
Промет од 18,8 милиони денари на берзата
Македонската берза за хартии од вредност денеска оствари промет од 18.865.308,48 денари.
Македонската берза за хартии од вредност денеска оствари промет од 18.865.308,48 денари. На официјалниот пазар прометот изнесуваше 16.420.534,48 денари при реализирани 106 трансакции. Редовниот пазар оствари промет од 2.444.774,00 денари при реализирани 36 трансакции. МБИ10 забележа намалување од 0,67%, а неговата вредност се намали на 2.876,25 индексни поени. МБИД оствари незначителен пад од 0,01%, додека вредноста му беше 2.788,38 индексни поени. ОМБ се намали за 0,30%, позиционирајќи се на ниво од 104,95 индексни поени. Од официјалниот пазар најголем промет имаа приоритетните акции на Комерцијална Банка Скопје. Вкупниот промет изнесуваше 10.067.314,00 денари, просечната цена изнесуваше 2.749,88 денари, а се истргуваа 3.661 приоритетни акции преку 3 трансакции, од кои една беше со количина од 3.657 акции. Просечната цена забележа дневен раст од 19,56%. Со промет од 1.854.076,00 денари, Алкалоид Скопје беше на втората позиција по обем на тргување од официјалниот пазар. Просечната цена од 4.866,34 денари оствари дневно намалување од 0,39%. Истргувани беа 381 акции. Со обичните акции на Комерцијална Банка Скопје се оствари промет од 1.136.570,00 денари. Просечната цена изнесуваше 2.990,97 денари, а намалувањето беше 1,51%. Вкупно се истргуваа 380 акции.Најтргувани на редовниот пазар беше акцијата на Адинг Скопје со промет од 920.000,00 денари. Просечната цена која беше без дневна промена изнесуваше 460,00 денари. Истргувани беа 2.000 акции преку 6 трансакции.Со акцијата на Стопанска Банка Скопје се оствари промет од 563.846,00 денари. Просечната цена изнесуваше 265,95 денари, а дневниот пораст изнесуваше 0,31%. Истргувани беа 2.120 акции преку 14 трансакции. Пет најтргувани хартии од вредност 1. Комерцијална Банка Скопје – Приоритетни2. Алкалоид Скопје3. Комерцијална Банка Скопје4. Адинг Скопје5. Топлификација Скопје Хартии од вредност со најголем пораст 1. Комуна Скопје 23,79%2. Комерцијална Банка Скопје – Приоритетни 19,56%3. ОКТА Скопје 4,04%4. Македонијатурист Скопје 1,72%5. РЖ Услуги Скопје 1,29% Хартии од вредност со најголем пад1. Тетекс Тетово 2,75%2. Охридска Банка Охрид 2,67%3. Тутунска Банка Скопје 2,65%4. Стопанска Банка Битола 2,33%5. Р.Македонија – Денационализација 03 2,30%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.
Македонија
Пендаровски победи во три општини, а Таварари и Димитриевски само во општините во кои се градоначалници
Кандидатите за претседател Гордана Силјановска-Давкова и Бујар Османи освоија најмногу гласови на претседателските избори по број на општини.
Според податоците на ДИК, Давкова на вчерашниот прв круг победи во 60 општини, а Османи во 15. Понатаму, Пендарвски освои најмногу гласови во три општини, а Арбен Таравари во една, како и Максим Димитриевски.
Со тоа Силајовска има најмногу освоени гласови во Аеродром (51,48 %), Берово (54,92 %), Битола (48,44 %), Богданци (49,59 %), Босилево (57,61 %), Брвеница (33,54 %), Бутел (43,91 %), Валандово (50,29 %), Василево (60,18 %), Вевчани (56,15 %), Велес (53,57 %), Виница (56,71 %), Гази Баба (53,68 %), Гевгелија (52,62 %), Ѓорче Петров (51,58 %), Градско (64,27 %), Дебарца (57,06 %), Делчево (47, 08 %), Демир Капија (54,77 %), Демир Хисар (52,92 %), Дојран (52,58 %), Зелениково (53,35 %), Зрновци (61,15 %), Илинден (62,96 %), Јегуновце (47,49 %), Кавадарци (50,84 %), Карбинци (61,22 %), Карпош (40,82 %), Кисела Вода (57,67 %), Кичево (39,84 %), Конче (57,85 %), Кочани (53,10 %), Кратово (62,84 %), Крива Паланка (47,05 %), Кривогаштани (54,84 %), Лозово (53,09 %), Македонска Каменица (50,96 %), Македонски Брод (55,86 %), Могила (63,48 %), Неготино (49,02 %), Новаци (61,88 %), Ново Село (56,84 %), Охрид (53,89 %), Петровец (59,05 %), Пехчево (53,97 %), Прилеп (51,42 %), Пробиштип (52,03 %), Радовиш (56,34 %), Ранковце (54,34 %), Ресен (47,64 %), Росоман (51,36 %), Свети Николе (57,63 %), Сопиште (49,44 %), Старо Нагоричане (37,59 %), Струмица (47,06 %), Центар (39,98 %), Чашка (32,70 %), Чешиново-Облешево (58,93 %), Чучер Сандево (36,35 %) и во Штип (53,44 %),
Стево Пендаровски освои најмногу гласови во: Крушево (43,02 %), Маврово и Ростуша (44,04 %) и во Центар Жупа (34,95 %).
Бујар Османи победи во: Арачиново (53,51 %), Боговиње (55,33 %), Врапчиште (58,02 %), Дебар (49,88 %), Долнени (32,95 %), Желино (49,45 %), Липково (56,83 %), Пласница (66,91 %), Сарај (55,49 %), Струга (39,38 %), Студеничани (50,54 %), Теарце (41,30 %), Тетово (37,91 %), Чаир (40,65 %), Шуто Оризари (37,11 %)
Арбен Таравари освои најмногу гласови во Гостивар (32,26 %), а Максим Димитриевски во Куманово (22,89 %).
Македонија
Македонскиот концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.