Македонија
Електронска распределба на социјалните станови
Софтвер преку кој отсега ќе се бодуваат апликантите за социјални станови и ќе се врши нивната распределба по електронски пат
Софтвер преку кој отсега ќе се бодуваат апликантите за социјални станови и ќе се врши нивната распределба по електронски пат, презентираше денеска Министерството за транспорт и врски.
„Електронската распределба ќе овозможи поедноставна обработка на податоците на апликантите и елиминирање на факторот човек при утврдувањето на ранг листите за добивање социјален стан под закуп“, соопштија на прес конференција, претставници на Министерството за транспорт и врски.
Од Министерството нагласија дека софтверот има висок степен на заштита на податоци и оти распределбата на овој начин ќе биде транспарентна.
Електронската распределба ќе стартува со 102 социјални станови под закуп, кои се изградени и подготвени за вселување во скопската општина Ѓорче Петров.
За овие станови до центрите за социјална грижа се поднесени вкупно 719 апликации од деца без родители, лица погодени од елементарна непогода, самохрани родители, корисници на социјална помош и лица од ромска националност.
Од Министерството за транспорт и врски посочија дека економската криза нема да влијае на продолжување на владината програма за изградба на социјални станови.
За идната, 2010 година, најавено е дека во Скопје ќе бидат изградени четири објекти со вкупно 211 социјални станови под закуп, а на ниво на целата држава вкупно 22 социјални згради.
Цената на закуп на социјалните станови ќе биде 20 денари за метар квадратен и во зависност од квадратурата, закупнината месечно ќе изнесува околу 700-800 денари./крај/ег
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.