Македонија
Ратификуван договорот за демаркација на границата со Косово
Македонското Собрание го ратификуваше доцна синоќа договорот за демаркација на границата меѓу Македонија и Косово.
Македонското Собрание го ратификуваше доцна синоќа договорот за демаркација на границата меѓу Македонија и Косово.
Пратениците со 72 гласа „за“ и 11 против го изгласаа договорот, кој што вчера предизвика жестока дискусија меѓу опозицијата и власта во Парламентот.
Пратениците од опозицијата сметаат дека со договорот се крши македонскиот Устав, затоа што станува збор за менување на границата, со што на Косово му се отстапува македонска територија.
Тие бараа договорот да биде изгласан со 2/3 мнозинство и референдум на кој што ќе се изјаснат македонските граѓани. Опозицијата му забележа на премиерот Никола Груевски што не присуствуваше на денешната расправа во Парламентот.
Пратениците, претставници на владеачките партии, тврдат дека станува збор за балансирана корекција на границата, а не нејзино менување, поради што нема основа за одржување референдум.
Договорот за демаркација на границата меѓу Македонија и Косово, вчера го ратификуваше и косовскиот Парламент, во рамки на второто гласање со 81 глас „за“, три против, додека двајца пратеници беа воздржани.
Постигнатиот договор за демаркација на границата ги отвора вратите за воспоставување дипломатски односи меѓу Македонија и Косово./крај/ап/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.