Македонија
АРМ домаќин на ЛОГЕКС 09
Деновиве македонската армија е домаќин на логистичка вежба Логекс 09 на која учествуваат армиите на земјите од Јадранската група.
Деновиве македонската армија е домаќин на логистичка вежба Логекс 09 на која учествуваат армиите на земјите од Јадранската група. Целта на вежбата е да се зголемат интероперативноста, да се запознае персоналот, да се подобрат соработка и координацијата на армиите, а сето тоа во насока да се обучи персоналот за давање логистика во високо ризични мисии.
Оваа вежба се одржува по највисоки НАТО стандарди и под будното око на американската армија. Домаќинот на вежбата Генерал Мирослав Стојановски не го криеше задоволството пред присутните гости и рече дека Македонија на овој начин уште еднаш ја докажува способноста да се носи рамо до рамо со останатите армии што се членки на НАТО.Тој изрази благододарност до армијата на САД за подршката што им ја даваат за да се подобрат способностите на македонската армија.
Вежбата ја поздравија и амбасадорот на САД во Македонија, Филип Рикер и адмиралот Енди Браун од европската команда на американската армија стационирана во Штутгард кои напоменаа дека Македонија уште еднаш се докажува како добар сојузник на САД. Во квалитетот на вежбата можеа да се уверат и шеестина офицери и подофицери од армиите на Македонија, Хрватска, Албанија и САД, а во својство на набљудувачи се појавија и преставници од армиите на Украина, Данска, Црна Гора и Грузија./крај/вм/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на Јавното обвинителство за следење евентуални кривични дела поврзани со изборите, извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец’, со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите наводно го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело, и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.
Македонија
Одѕивот до 13 часот е 26,35 отсто – најмногу гласале во Новаци, а намалку во Врапчиште
Процентот на избирачите што гласале до 13 часот е 26,35 отсто, информира претседателот на Државната изборна комисија, Александар Даштевски.
Според податоците, најголем е одѕивот во Новаци – 42,87, а најмал во Врапчиште – 10,18 отсто.
Заклучокот е дека досега гласањето се одвива мирно на сите избирачки места.
До ДИК се доставени 140 приговори за заштита на избирачко право, од нив 16 се усвоени и на избирачите им е овозможено да остварат право на глас, 8 се отфрлени како неуредни, а 9 одбиени. Другите се во обработка.