Македонија
Борба против семејното насилство
Медиумската кампања за борба против семејното насилство, во која се вклучени врвни македонски спортисти започнува денеска во Скопје.
Медиумската кампања за борба против семејното насилство, во која се вклучени врвни македонски спортисти започнува денеска во Скопје.Кампањата е дел од тригодишната програма на агенциите на Обединетите нации (УНДП, УНИЦЕФ, СЗО, УНФПА и УНИФЕМ) и Министерството за труд и социјална политика, насловена „Зајакнување на националните капацитети за превенција на семејно насилство 2008-2011″.Целта на програмата е да ги поддржи напорите на Владата и на граѓанското општество за подобрување на националниот систем на превенција на семејното насилство, но и обезбедување соодветни услуги за поддршка и заштита на жртвите.Во тој процес неопходно е да се подигне општата јавна свест за исклучително негативните последици врз здравјето, развојот и целокупната психо-физичка состојба на членовите на семејството во кое се применува насилство, и кое како основна клетка на општеството имплицира поткопување на социјалното ткиво во целина, генерирајќи подалекусежни и посериозни последици. Целта на оваа широка едукативна кампања, во која без никаков надомест и со голем ентузијазам се вклучија врвните македонски спортисти Кирил Лазаров, Артим Шаќири и Примислав Димовски, е да им се обрати пред сé на припадниците на машката популација кои посегнале по насилство во домот; да се обиде да придонесе кон промена или модификација на нивните убедувања и делувања, како и на општествено прифатените стереотипи, се наведува во соопштението./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Инспекторатот ќе контролира дали рабодавачите ја почитуваат владината одлука за неработен ден
Државниот пазарен инспекторат им укажува на сите работодавачи дека согласно Заклучокот на Техничката Влада деновите на изборите – 24 април 2024 година (среда) и 8 мај 2024 година (среда) се неработни денови за сите граѓани.
„Работодавачите во наведените денови не треба да извршуваат дејност со исклучок на оние работодавачи каде работните процесите заради својата природа не можат да се прекинат“, порачаа од инспекторатот.
За наведените денови, Државниот пазарен инспекторат ќе воведе дежурства и преку државните пазарни инспектори ќе контролира дали Заклучокот на Техничката Влада се почитува од страна на работодавачите.
Македонија
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање.
УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ
1. Гласањето се врши лично на гласачките места во Република Северна Македонија и во ДКП/КК.
2. Избирачкиот одбор на гласачите им го објаснува начинот на гласање и им овозможува да гласаат.
3. Гласачот може само еднаш да се појави на гласачкото место за остварување на своето избирачко право.
4. Гласачот го приложува документот за лична идентификација – важечка лична карта или патна исправа, односно лична
карта или патна исправа чија важност истекла во периодот од 24 јули 2023 до 24 април 2024 година.
5. Гласачот става отпечаток од показалецот од десната рака на уредот за биометриска идентификација, а доколку
гласачот нема десен показалец се зема отпечаток од показалецот од левата рака или во случај на гласачот да му
недостигаат овие два прста се зема отпечаток од наредниот прст од десната рака.
6. Доколку гласачот нема две раце гласачот се внесува во техничката опрема со пребарување преку неговиот единствен
матичен број (ЕМБГ).
7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во
електронскиот избирачки список, гласачот се внесува во УБИГ преку отчитување на личниот документ на МРЗ скенерот
или преку внесување на единствениот матичен број (ЕМБГ), а потоа гласачот става отпечаток од прст на УБИГ.
8. По потврдувањето на идентитетот, гласачот го става својот потпис во изводот од Избирачкиот список.
9. Гласачкото ливче се откинува од кочанот по нумерички редослед, му задолжително се става печат на предната страна
на местото определено за печат и потоа му се дава на гласачот.
10. Гласачот добива едно гласачко ливче.
11. Гласачот гласа сам, тајно зад гласачки параван.
12. Гласачот гласањето го врши на тој начин што го заокружува редниот број пред називот/името на листата со хемиско
пенкало со мастило во сина боја.
13. Превитканото гласачко ливче гласачот го става во гласачката кутија.
14. Гласачот го подигнува документот за лична идентификација.
15. Гласач кој има физички недостаток или е неписмен и поради тоа не може да гласа на начин утврден со Изборниот
законик, со себе има право да доведе лице кое ќе му помогне при гласањето. Ако не доведе со себе лице кое ќе му
помогне при гласањето, тогаш избирачкиот одбор ќе определи друго лице од редот на гласачите. Лицето не смее да
влијае врз одлуката на гласачот.
16. Забрането е семејното и групното гласање, како и гласањето за друго лице.
17. Забрането е фотографирање на гласачкото ливче со мобилен телефон или апарат за фотографирање.
18. Забрането е носење оружје на гласачкото место.
Македонија
Беќаровски навести дека си оди од Токсикологија: Дон Кихот, конечно, го напушта оклопот
Доктор Нико Беќаровски навести дека ќе си замине од Клиниката за токсикологија.
Во статус на социјалните мрежи Беќаровски порача дека е време на приватните клиники да се отвори одделение за детоксикација и клиничка токсикологија.
„35 години бев најголем борец за здрав јавен здравствен сектор. Дон Кохот, конечно, го напушта оклопот. Време е во некоја од приватните болници да се отвори одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од стручниот колегиум на Клиниката за токсикологија јавно ја прозваа економската директорка на Клиниката за токсикологија, Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица што немаат соодветно образование.
Беќаровски, кој е раководител на Одделението за интензивна нега на Клиниката, рече дека едниот од нив, болничар, вршел притисок врз лаборант – барал урина во која имало наркотици да биде сменета со урина која е чиста, ама лаборантот не прифатил.
За образованието на Иљази лекарите не знаат ништо, ниту за познавањето јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство, Илир Демири, најави разрешување на медицинскиот директор на Клиниката за токсикологија, д-р Данил Петровски, но не и на економската директорка бидејќи немал сознанија за прекршок.