Македонија
Тренковски осомничен за двојно платени лекови и штета од 451.000 €
Поранешниот директор на Фондот за здравство, Ѓорѓи Тренковски се сомничи дека во текот на 2007 година два пати платил исти лекови, со што ја оштетил државата за 27,7 милиони денари (околу 451.000 евра)
Поранешниот директор на Фондот за здравство, Ѓорѓи Тренковски се сомничи дека во текот на 2007 година два пати платил исти лекови, со што ја оштетил државата за 27,7 милиони денари (околу 451.000 евра)
Управата за финансиска полиција со Управата за јавни приходи денеска поднесе кривична пријава против Тренковски поради постоење основано сомнение дека сторил кривично дело „несовесно работење во службата“ и против управителот на Приватна здравствена установа (ПЗУ) „Градска аптека“ Скопје, Весна Огненовска за „злоупотреба на службена положба и овластување“.
Тренковски и Огненовска, се уапсени и треба да бидат изнесени пред истражен судија.
Тренковски во својство на Директор на Фондот за здравствено осигурување, во содејство со Огненовска во текот на 2007 година со несовесно работење, два пати платил исти лекови, еднаш на добавувачите и еднаш на ПЗУ„Градска аптека“ Скопје, се наведува во соопштението од Управата за финансиска полиција
Тренковски со тоа овозможил ПЗУ „Градска аптека“ да се стекне со противправна имотна корист во вкупен износ од 27.764.147 денари со што го оштетил Фондот, односно Буџетот на Република Македонија.
Управата за финансиска полиција соопшти дека Тренковски, во текот на 2007 година потпишал договор со ПЗУ„Градска аптека“ за начинот на плаќање на лекови кои паѓаат на товар на Фондот, за месец март – април 2007 година, без претходно да склучи спогодба со која залихата на фондовски лекови од Јавна здравствена организација (ЈЗО) „Градска аптека“ Скопје ќе се пренесат како залиха на фондовски лекови на ПЗУ „Градска аптека“ Скопје.
Со ова фондовските лекови кои веќе еднаш веќе биле платени на добавувачите за ЈЗО „Градски аптеки“, истите ги платил по втор пат на ПЗУ „Градска аптека“ Скопје во износ од 27.764.147 денари.
Пријавената Огненовска, според Финансиската полиција, иако знаела дека фондовските лекови веќе еднаш биле платени од страна на Фондот за здравство на ЈЗО „Градски аптека“ Скопје, бидејќи истата во текот на 2007 година во исто време била директор на ЈЗО „Градска аптека“ и на ПЗУ „Градска аптека“, лековите од Фондот пријавената повторно ги фактурирала доставувајќи ги фактурите преку Фондот за здравствено осигурување со што овозможила ПЗУ „Градска аптека“ Скопје да се стекне со противправна имотна корист во висина од 27.764.147,00 денари./крај/со/амп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Герасимовски: Конечно, Работнички се враќа на шампионските патеки
Градоначалникот на Општина Центар Горан Герасимовски вчера вечер присуствуваше на тренингот на КК Работнички во салата Кале. Со кошаркарите разговараа за издигнувањето на тимот и потребите за достигнување на високи резултати и на следните натпревари.
„Сакам да се заблагодарам пред се и на тренерот на цел стручен тим но и на сите играчи за одличните резултати коишто ги имаме годинава. Успеавме со клубот од невозможно да направиме возможно. Клубот којшто го начекавме пред две години на 10то место со 4-5 неисплатени плати и долг од 600 000 евра да го вратиме на победничките патеки. Важно е што во моментов табелата трепка што сме на прво место и се надевам дека тоа така ќе остане и до крај. Јас верувам дека ќе имаме успех оваа сезона и уште поголем успех следната“, им порача Герасимовски на кошаркарите.
При средбата Герасимовски ги извести играчите дека општина Центар го има имотниот лист на салата и успеа да го исполни ветувањето дека ќе ја врати сопственоста на салата под ингеренции на општината.
Општина Центар на крајот на минатата година доби финансиски средства од Владата во вредност од 30 милиони денари наменети за реконструкција на салата, при што Герасимовски ги информираше играчите со процесот и проект планот кој е веќе во изработка за реновирање на матичната сала на Работнички. Конечно Работнички се враќа на шампионските патеки, ви благодарам за тоа, порача Герасимовски.
Македонија
Петровска: Судот донесе одлука дека Ковачки неправедно ме клеветел
Министерката за одбрана, Славјанка Петровска објави дека судот донел одлука со која се утврува дека пратеникот од ВМРО-ДПМНЕ, Драган Ковачки, неправедно ја клеветел.
„Основниот граѓански суд во Скопје по сите прикажани докази од моја страна донесе одлука со која се утврдува дека тужениот Драган Ковачки искажал невистини и лаги односно неправедно ме клеветел во јавност со цел да ми го наруши угледот и честа во очите на јавноста, Овој е само еден од низата примери на неодговорно, нечесно и валкано однесување на политичката сцена од страна на Ковачки“, пишува Петровска.
Во продолжение таа додава дека не сака пари од нечесник и се откажува од паричниот надомест.
„Секој го прави тоа што најдобро го знае, тие со лагите, јас со труд и одговорна и чесна работа“, додава Петровска.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.