Македонија
Рикер: Можно е решение за името
Конечна резолуција со која ќе се затвори прашањето со името е можна, но таа работа треба да ја завршат владите на двете држави.Ова во вторник во Скопје го изјави американскиот амбасадор Филип Рикер, по работниот ручек на членовите на Американско-македонската стопанска комора (AmCham)
Конечна резолуција со која ќе се затвори прашањето со името е можна, но таа работа треба да ја завршат владите на двете држави.
Ова во вторник во Скопје го изјави американскиот амбасадор Филип Рикер, по работниот ручек на членовите на Американско-македонската стопанска комора (AmCham) со македонскиот претседател Ѓорге Иванов.
„Нашиот став е непроменет. Силно го поддржуваме приемот на Македонија во НАТО, силно го поддржуваме нејзиното членство во Европската унија и силно поддржуваме изнаоѓање на конечно решение за името, кое ќе донесе подобра иднина за сите“, изјави Рикер.
Тој напомена дека дијалогот и конверзацијата се секогаш корисни, што беше случај и со неодамнешната средба во Брисел на премиерите на Македонија и на Грција, Никола Груевски и Јоргос Папандреу.
„Нашиот став е многу јасен. Ова е работа на Македонија и на Грција. Тоа е нешто, што самите две држави треба да го направат и ние не можеме да ја завршиме работата за нив“, рече Рикер.
„Се разбира тука целиот процес се одвива со посредство на Обединетите нации и двете држави можат да ги користат капацитетите на медијаторот Метју Нимиц“, рече Рикер, изразувајќи надеж дека Македонија и Грција ќе дојдат до решение. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.