Македонија
Европскиот парламент поддржа укинување на визите
Европскиот парламент денеска ја усвои резолуцијата за укинување на европските визи за граѓаните на Македонија, Србија и Црна Гора, почнувајќи од 19. декември. Резолуцијата е консултативна, конечната одлука ја носи Советот на министрите на ЕУ
Европскиот парламент денеска ја усвои резолуцијата за укинување на европските визи за граѓаните на Македонија, Србија и Црна Гора, почнувајќи од 19. декември.За предлог резолуцијата, што ја претстави известувачот на Европскиот парламент за визна либерализација, Тања Фајон гласаше големо мнозинство од пратениците, 550 беа за, 37- против, а 51 се воздржаа.Резолуцијата е консултативна и има вредност на политичка препорака, а конечната одлука за укинување на визите треба да ја донесе Советот на министрите на ЕУ до 30. ноември. Одлука треба да стапи во сила на 19 декември./крај/б/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.