Македонија
Македонија останува во преговорите за името
Македонија ќе остане активно вклучена во дијалогот со Грција за прашањето со името, што се води под покровителство на Обединетите нации.
Македонија ќе остане активно вклучена во дијалогот со Грција за прашањето со името, што се води под покровителство на Обединетите нации.
Ова е заклучокот од вечерашната средба одржана во Скопје, на која што присуствуваа македонскиот претседател Ѓорѓе Иванов, премиерот Никола Груевски, министерот за надворешни работи Антонио Милошоски, преговарачот за името Зоран Јолевски и вицепремиерот Абдулаќим Адеми.
Македонскиот државен врв се надева дека Грција ќе ги почитува нормите и одредбите од времената спогодба и нема да ги попречува евроинтеграциите на земјава.
Посредникот Метју Нимиц, на последната средба со преговарачот Јолевски, во спорот со Грција околу името, го известил за максималистичките позиции на Атина во однос на спорот за името.
„Овие позиции не се големо изненадување за нас, затоа што до сега на еден или на друг начин биле наговестувани. Но, можеби во македонската јавност се создаде едно чувство на изненаденост, пред се’ затоа што одредени опозициони политичари и нивните манипулативни настапи создадоа погрешно чувство и очекувања во однос на прашањата поврзани со македонскиот идентитет, со националноста на македонскиот народ и со други сегменти кои што се дел од овие максималистички позиции кои сега за прв пат се соопштија на еден поексплицитен и поофицијален начин“, рече по вечерашнава средба министерот Милошоски.
Македонскиот државен врв очекува дека Грција ќе се придржува до нормите на времената спогодба во мандатот којшто го има посредникот Нимиц и врз основа на кој може да определува динамики и да отвара дискусии по определени прашања.
„Сметаме дека со почитување на времената спогодба Владата во Атина ќе посвети доволно внимание и на нормите и одредбите на оваа времена спогодба кои се однесуваат на поддршката на нашата држава кога станува збор за евроатланските интеграции во меѓународни организации и институции каде Република Грција е веќе член“, рече Милошоски.
Тој соопшти дека специјалниот пратеник Јолевски, во наредните денови ќе биде на располагање на „релевантните политички партии и на нивните политички првенци“ за да ги извести од прва рака за најновите случувања./крај/фо/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери