Македонија
Фудбалското првенство пред длабока криза
Четири екипи од македонската прва лига во неделата не се појавија на фудбалските терени, во знак на протест на реизборот на Харалампие Хаџиристески за прв човек на ФФМ.
Четири екипи од македонската прва лига во неделата не се појавија на фудбалските терени, во знак на протест на реизборот на Харалампие Хаџиристески за прв човек на ФФМ. Само два натпревара се одиграа денеска, додека преостанатите четири средби не се играа.
Само два натпревара се одиграа денеска, дербито Ренова – Работнички 2:0 и Победа – Тетекс 2:0, додека преостанатите четири средби не се одиграа.
Во соопштението до јавноста потпишано од екипите на Македонија ЃП, Слога Југомагнат, Пелистер и Хоризонт Турново, клубовите најавуваат бојкот на првенството се додека нивните барања не се исполнат.
Тие бараат ново Изборно собрание, обвинувајќи дека вчерашното е нелегитимно, поради, според нив, грубото кршење на Статутот на фудбалската федерација.
Незадоволните екипи бараат и формирање на Здружение на екипите во прволигашката и второлигашката конкуренција, како и нивна партиципација во давањето делегати кои ќе учествуваат во работата на Собранието на ФФМ.Преставниците на четирите клуба, очекуваат наскоро уште неколку клубови да им се приклучат кон нивните барања. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.