Контакт

Македонија

95 новозаразени со сипаници, бројката се намалува, но епидемијата не стивнува

Објавено пред

Во последните шест дена, од 20 до 25 април, пријавени се 95 нови случаи на заразени со сипаници. Во споредба со претходната недела, бројката на новозаразени е намалена, но епидемиолозите велат дека тоа не значи оти епидемијата стивнува. Претходната недела има 121 нов случај на заразени со сипаници.

„Информацијата е пократка за еден ден од вообичаениот период за кој правиме пресметка поради празникот. Може да се случи до утре да се пријават уште десет заболени и да имаме приближно иста бројка. Намалување не може да констатираме за недела или две. Потребно е да поминат барем од три до четири недели за да можеме да кажеме дали има надолна тенденција. Она што е добро е што бројот не расте. Ќе се одржува едно ниво, особено поради случаите што не се од Скопје. Исти мерки се преземаат во сите градови, но очекувано е бројот на заболени што не се од Скопје да се одржува подолго време оти се работи за повеќе градови и на повеќе места на кои треба да се интервенира“, изјави епидемиологот Владимир Микиќ од Институтот за јавно здравје, за „А1 он“.
Во неделниот извештај за состојбата со сипаниците во последната недела стои дека од вкупниот број нови заболени, 60 случаи се од Скопје, а другите 35 се од 8 други градови во С. Македонија – Струга (11), Гостивар (7), Куманово (6), Тетово (6), Охрид (2), Велес (1), Прилеп (1) и Валандово (1).

Во тек на оваа недела најголем број случаи (62) се на возраст над 20 години.

Според вакциналниот статус, 68 отсто, односно 71,6 отсто од регистрираните случаи се невакцинирани, непотполно вакцинирани или со непознат вакцинален статус. Вкупно, од почетокот на епидемијата во декември 2018 регистрирани се 1.175 случаи на мали сипаници со стапка на заболување од 56,8 на 100.000 жители, што претставува највисок број регистрирани случаи во последните 10 години.

Поради исполнување на епидемиолошките критериуми, епидемија од мали сипаници е прогласена на целата територија на Републиката.

Според местото на постојано живеење, случаи на мали сипаници се регистрирани во 21 град од Македонија, од нив 751 случај се од Скопје, Куманово – 109, Тетово – 99, Струга – 61, Кичево – 30, Гостивар – 27, Велес – 25, Гевгелија – 18, Дебар – 17, а во другите градови се регистрираат по помалку од 10 случаи.

Најголем број од случаите се од возрасната група над 30 години – 504. Пријавени се 200 деца на возраст под една година, а децата на возраст од 1 до 4 години се регистрираат со 202 случаја. Според вакциналниот статус, 895 или 76,1 отсто од заболените лица се невакцинирани, некомплетно вакцинирани или со непознат вакцинален статус. Од невакцинираните лица, 200 се на возраст под 12 месеци и не подлежат на вакцинација во согласност со календарот за имунизација.

Од 202 заболени деца на возраст од 1 до 4 години, 88,1 отсто се невакцинирани или со непознат вакцинален статус, а од 674 заболени кај лицата над 20-годишна возраст, 65,4 отсто се невакцинирани, непотполно вакцинирани или со непознат вакцинален статус.
Од пријавените случаи, 480 или биле хоспитализирани, а кај 205 се регистрирани компликации. Од нив, најголем број компликации – 54 биле кај деца на возраст под една година, а во 43 случаи се кај деца на возраст од 1 до 4 години, што укажува дека оваа возрасна група е најзасегната и подложна на компликации, известуваат од Институтот.

Во Скопје од почетокот на епидемијата вакцинирани се 12.848 деца до 14-годишна возраст.
Во другиот дел од државата вакцинирани се 8.320 деца до 14-годишна возраст со прва или втора доза.
Вкупниот број вакцинирани лица на возраст до 14 години со МРП-вакцина од почетокот на епидемијата во целата република изнесува 21.168.

Македонија

Враќањето на работа од 1. јуни не важи за хронично болните и родителите со деца до 10 години

Објавено пред

Владината одлука од вчерашната 57-ма седница за враќање на работа од 1. јуни не важи за хронично болните и за родителите кои имаат деца на возраст до 10 години, или деца на претшколска возраст.

Според одлуката на Владата, од 1. јуни годинава престануваат да важат заклучоците со кои различни категории вработени лица се ослободени по различни основи од редовно и тековно извршување на работните активности, како што се упатување за работа од дома, патување за работа кон градот Скопје, организирање на работниот процес со ротации и другите слични мерки и препораки. Оваа одлука ќе биде придружена со соодветен протокол за работа, дејствување и однесување на работно место кој се однесува на просторните услови, физичкото растојание во работните и другите простории, носењето лична заштитна опрема и слично.

Прикажи повеќе...

Македонија

Излегувале од собите, викале и не ги почитувале мерките – кривични за десетина лица кои дивееле во карантин

Објавено пред

СВР Охрид поднесе 10 кривични пријави против С.Љ.(25) од с.Матејче – општина Липково, С.М.(52) од с.Смешница – Струга, Ж.Б.(28) од Скопје, Ф.Р.(40) од Скопје, Р.Љ.(40) од Арачиново – Скопје, В.Н.(39) од с.Липково, општина Липково, Ш.А.(45) од Чаир – Скопје, Ф.Б.(39) од Тетово, А.Х.(27) од с.Отља – општина Липково, Н.А.(38) од Крушево, М.С.(61) од с.Осој – Кичево поради постоење основи на сомнение за сторени кривични дела „непостапување според здравствените прописи за време на епидемија“.

Како што информираат од полицијата, пријавените, додека биле сместени во карантин во хотел, во повеќе наврати излегувале надвор од собите, гласно викале и недолично се однесувале и не ги почитувале мерките, прописите и наредбите укажани од страна на полициските службеници.

Прикажи повеќе...

Македонија

Кафеаните ќе работат до 22 часот, на маса ќе можат да седат четворица само ако се од исто семејство

Објавено пред

Со одлука на Владата од утре може да отпочнат со работа кафетериите и угостителските објекти со посетители во отворените делови на овие објекти, со задолжително почитување на Протоколите утврдени од страна на Комисијата за заразни болести.

Протокол за отворање и работа на угостителските објекти за исхрана утврдува дека работното време е ограничено од 08:00 часот до 22:00 часот, и се дозволува работа само на отворените делови од угостителските објекти за исхрана со послужување, кои се од три страни отворени со кровна конструкција.

Вработените во угостителскиот објект кои послужуваат задолжително носат заштитни маски и зачестено одржуваат хигиена на раце, а се ограничува и бројот на гости, односно ќе се послужуваат само гости кои може да седат или лица кои преку шалтер ќе подигнуваат нарачки, односно не е дозволено послужување на гости на стоење на шанк и стоечки маси.

Протоколот наведува дека е задолжително менаџирање на влегувањето на гостите за кое е потребно да се определи одговорно лице.

На отворениот простор за послужување на гости каде има поставено маси, да се обезбеди растојание од столче до столче од 1,5-2 метри со соседните маси во сите правци, а на една маса со четири столици може да седат и да се послужуваат максимум две лица, додека на една маса со четири столици може да се послужуваат четири лица доколку се од исто семејство.

Протоколот дозволува максимален број од 12 лица на споени маси заедно со задолжително растојание помеѓу секој гостин од 1.5 метри.

Задолжително е поставување на дезинфекционо средство за раце на секоја маса, како и засилени внатрешни контроли на вработените лица за одржување на личната хигиена (често миење раце) во сите фази на подготовка, прием и послужување на храна од страна на одговорно лице.

Се наложуваат засилени санитарно-хигиенски мерки, пребришување на масите со средство за дезинфекција кое делува на вируси според упатство од производителот при заминување на гостите од секоја маса, а на крајот на смената задолжително механичко чистење и дезинфекција со средство кое делува на вируси според упатство од производителот, алтернативно може да се користи 0,05% натриум хипохлорит (5% белило за домаќинство кое се користи во размер 1:100) или 70% алкохол за дезинфекција на горни површини.

Протоколот утврдува дека е задолжително редовно одржување на тоалетите со водење на евиденција за спроведеното чистење и со употреба на наведените дезинфекциони средства.

Во тоалетите е забрането користење на сушачи за раце, а задолжително е користењето на хартиени бришачи за раце за еднократна употреба.

Во оваа фаза протоколот забранува организирање на прослави (свадби, родендени, крштевки и с

Прикажи повеќе...

Најново

Македонија6 часа

Кафеаните ќе работат до 22 часот, на маса ќе можат да седат четворица само ако се од исто семејство

Со одлука на Владата од утре може да отпочнат со работа кафетериите и угостителските објекти со посетители во отворените делови...

Македонија7 часа

Продолжува да важи платеното породилно отсуство до завршувањето на времените мерки

Владата донесе Уредба за примена на Законот за работните односи за време на вонредна состојба, во која е предвидено отсуството...

Европа7 часа

Меркел: Уште сме на почетокот со пандемијата

Германската канцеларка Ангела Меркел ги оцени како позитивни досегашните постигнувања во борбата против коронавирусот, но како што рече, општеството е сè...

Европа10 часа

Европската комисија предлага 1.850 милијарди евра за заздравување на економиите

Европската комисија предложи инструмент за заздравување на економиите од корона-кризата, вреден 750 милијарди евра, и повеќегодишна финансиска рамка (ВФО) од...

Регион11 час

Во Хрватска трет ден нема нови случаи, се укинува забраната за свадби

Трет ден по ред во Хрватска не е потврден ниту еден нов случај на коронавирус. Со ова вкупниот број на...

Македонија11 час

Разрешен поглаварот на ИВЗ, Сулејман Реџепи

Ријасетот на Исламската верска заедница на денешната седница донел одлука да се разреши Сулејман ефенди Реџепи од позицијата реис-ул-улема, претседател...

Македонија12 часа

Тројца починати и 25 новозаболени од коронавирус

Тројца починати и 25 новозаболени се регистрирани денеска во државата. Министерството за здравство информира дека денеска Институтот за јавно здравје...

Македонија12 часа

Бектеши: Угостителите ќе работат до 20 часот, на една маса само по четири лица

На една маса во угостителски објект може да седат до четири лица, а угостителите ќе работат до 20 часот, соопшти...

Македонија13 часа

Чулев: Владата да ја усвои уредбата со која е предвидена награда за полицајците

Министерот за внатрешни работи, Наќе Чулев, ја повика Владата да ја усвои уредбата со која е предвидена награда за полицајците....

Македонија13 часа

Чулев: Пријавите за семејно насилство за април-мај зголемени 44,6 отсто за разлика од лани

Министерството за внатрешни работи регистрира зголемен број поплаки од граѓани за извршено семејно насилство. Техничкиот министер, Наќе Чулев, рече дека...

Македонија15 часа

Активистката Моника Ристеска објави дека татко ѝ сакал да ја убие, полицијата го уапси

Активистката Моника Ристеска, која минатата година беше уапсена бидејќи јавно пушеше марихуана, објави на социјалните мрежи дека вчера била натепана...

Свет15 часа

ЕК ќе го објави планот за заздравување на економиите од пандемијата

Претседателката на Европската комисија, Урсула вон дер Лаен, денеска попладне ќе го објави долгоочекуваниот план за заздравување на економијата од...

Свет16 часа

Јужна, Централна и Северна Америка се светско жариште на пандемијата на коронавирусот

Јужна, Централна и Северна Америка станаа жариште на пандемијата на коронавирусот, изјави директорката на Панамериканската здравствена организација (ПАХО), Кариса Етиен....

Македонија16 часа

Маските, дезинфекцијата и растојанието од два метра остануваат задолжителни

Граѓаните мора во целост да ги почитуваат мерките и препораките на Министерството за здравство за заштита од коронавирусот покрај олабавувањето...

Економија17 часа

Србија забрани слетување на „Монтенегро ерлајнс“ на аеродромот во Белград

На авионите на црногорската авиокомпанија „Монтенегро ерлајнс“ ќе им биде одземена дозволата за слетување на белградскиот аеродром „Никола Тесла“, потврдиле...

Македонија17 часа

Од денеска нема полициски час, од утре со работа почнуваат кафулињата

По 66 дена, од денеска се укинува полицискиот час во земјата воведен поради коронавирусот. Владата вчера на седница донесе и...

Забава19 часа

Андреа Бочели: Мојата сопруга, децата и јас оздравевме од коронавирусот и дониравме плазма

Италијанскиот пејач, текстописец и продуцент Андреа Бочели (61) беше заразен со коронавирус, но оздраве, пишуваат локалните медиуми. Музичарот вели дека...

Македонија1 ден

Караџовски: Изминатите 14 дена беше намален бројот на новозаболени затоа препорачавме олеснување

Жарко Караџовски од Институтот за јавно здравје, член на Комисијата за заразни болести ги објасни причините зошто Комисијата се одлучила...

Македонија1 ден

Филипче: Да бидеме одговорни, за да не се вратиме пак на рестриктивните мерки

Министерот за здравство, Венко Филипче по седницата на Владата за олабавување на мерките, рече дека граѓаните мора да ги почитуваат...

Македонија1 ден

Османи: И покрај пропустите, државата добро се справи со коронавирусот

Вицепремиерот Бујар Османи рече дека и покрај тоа што имало одредени пропусти, прекршувања на мерките и одредени критики, државата добро...

Досие