Македонија
Алсат – ЕУ за датумот во март
Амбасадорите на земјите-членки на Европската унија не успеаја денеска во Брисел да ги донесат заклучоците за Македонија, јави телевизијата Алсат М од Брисел.Според истиот извор во нацрт-документот се поздравуваат направените реформи, но се додава дека од Советот ќе зависи препораката
Амбасадорите на земјите-членки на Европската унија не успеаја денеска во Брисел да ги донесат заклучоците за Македонија, јави телевизијата Алсат М од Брисел.
Според истиот извор во нацрт-документот се поздравуваат направените реформи, но се додава дека од Советот ќе зависи препораката на Европската Комисија за започнување на преговорите.
„За прашањето околу одредување датум ќе се вратиме повторно на Самитот во март 2010 година“, се вели во еден од параграфите на нацрт-заклучоците за Македонија, што ги пренесе Алсат М.
Во истиот документ се потсетува суштинското значење на добрососедските односи, како и значењето за наоѓање прифатливо решение за двете страни за името под закрила на Обединетите Нации.
Но и овие заклучоци кои се движат во насока на одложување на одредувањето датум до самитот во март, не се очекува да ги усвојат министрите за европски прашања, бидејќи во Советот на амбасадорите не се согласиле за вклучување на делот за Македонија.
„Овие заклучоци не се усвоија и преминуваат за одлука на европскиот самит“, се вели во документот.
Параграфот за Македонија со ова автоматски преминува во надлежност на лидерите на државите и владите на ЕУ кои се состануваат на 10 и 11 декември во Брисел.
Доколку тие најдат заеднички јазик да ги усвојат овие предложени нацрт – заклучоци за Македонија во рамките на разгледувањето на стратегијата на Европската Комисија за проширување, тоа ќе значи дека максималната очекувана одлука ќе биде одложување за одредувањето датум за почнување на преговорите, за март./крај/алсат/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.