Македонија
Нема приближување на ставовите на професионалните војници и на одбрана
Нема приближување на ставовите на Министерството за одбрана и на новоформираниот Независен синдикат на професионални војници на првата средба по неговото формирање.
Нема приближување на ставовите на Министерството за одбрана и на новоформираниот Независен синдикат на професионални војници на првата средба по неговото формирање. Министерот за одбрана Зоран Коњановски остана на претходно понуденото решение, според кое по истекувањето на договорите на 38 годишна возраст, војниците остануваат во активна резерва, за што ќе им биде исплаќан месечен надомест од 6.000 до 7.000 денари. „Јас им повторив дека ние им нудиме решение кое не значи решавање на нивните барања, но значи подобрување на состојбата во однос на тоа што беше“, вели министерот Коњановски. Наспроти ставот на првиот човек во одбраната, од независниот синдикат на средбата ги повториле своите барања. „Бараме професионалните војници да останат на работа, со распоредување во други единици, со преместување во други институции и во краен случај да се изнајде модел за префрлање во други фирми и тоа да биде вработување за кое државата ќе гарантира“, изјави Веле Крбалески од Независниот синдикат на професионалните војници. Од новоформираниот синдикат информираат дека дополнително ќе одлучат дали повторно ќе организираат протест доколку нивните барања не бидат исполнети. Велат дека работат на окрупнување на нивното членство и формирање и оформување на структурата на синдикатот. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Патот Штип-Кочани во прекин поради сообраќајка
Од 17:10 часот, поради сообраќајна незгода на патниот правец Штип-Кочани, сообраќајот е во прекин во една насока, информираат од АМСМ.
Македонија
Маричиќ: Имаме план за зелена Македонија во која граѓаните ќе станат акционери на енергетските компании
Секретарот за меѓународна соработка на СДСМ Бојан Маричиќ денес во изјавата за медиуми се обврза дека СДСМ и Коалицијата за европска иднина нема да се откажат од стремежот за енергетска независност и од зелена енергија.
Во своето обраќање посочи дека е време да се сопре со фосилните технологии.
Изјави дека постоечките енергетски капацитети на фосилни горива да ги трансформираме во соларни електрани кои произведуваат зелена енергија.
„Тој процес го продолжуваме со голема новина: Државните енергетски компании ги даваме во рацете на граѓаните! Граѓаните стануваат акционери во енергетските компании. Висок процент од вкупниот број издадени акции во државните енергетски компании ќе се поделат еднакво на граѓаните. Секој граѓанин, вклучително и децата, ќе добие по најмалку 8.000 денари од вредноста на енергетските компании или 500 евра за едно четиричлено семејство.
Нашиот план е производството на енергија да се зголеми за најмалку 70% за да ги задоволиме домашните потреби за струја. Во наредните четири години за 100% да се зголемат капацитете со обновливи извори на енергија да достигне 60% од вкупната потрошувачка во државата.“
Маричиќ во својата изјава потврди дека целта и програмата на СДСМ е иста со онаа на Европската Унија и Европскиот зелен договор кој предвидува нула штетни гасови од фосилни горива до 2050 година.
„Нашата визија е зелена Македонија како здрава животна средина за граѓаните. Чиста вода за пиење во секое населено место, одржливо управување со отпад и расчистување на дивите депонии. Пречистување на отпадните води за здрава почва за здрава храна.“
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.