Македонија
Состојба на патните правци
Сообраќајот на сите магистрални и регионални патни правци низ државата, се одвива без забрани и застои, по влажни коловози особено на повисоките и осојничави места. Слаби врнежи од снег, кој не се задржува на коловоз, утринава има во Крива Паланка и на Попова Шапка.
Сообраќајот на сите магистрални и регионални патни правци низ државата, се одвива без забрани и застои, по влажни коловози особено на повисоките и осојничави места. Слаби врнежи од снег, кој не се задржува на коловоз, утринава има во Крива Паланка и на Попова Шапка. Поради појава на магла видливоста на Попова Шапка е намалена до 30 метри, а на планинскиот превој Ѓавато на патниот правец Битола-Ресен до 100 метри.На возачите им препорачуваме внимателно возење, и почитување на поставената сообраќајна сигнализација. Крајна внимателност, прилагодување на брзината и одржување на потребното растојание помеѓу возилата, препорачуваме на влажните коловози, на намалената видливост поради појава на магла и низ клисурите и планинските превои поради почестата појавата на поситни одрони. Ова особено се однесува за патниот правец Маврово – Дебар каде се чести поголеми одрони и лизгања на земјиште. Интензитетот на сообраќај е зголемен надвор од градските средини, особено од и кон зимските туристички места. На граничните премини нема подолги чекања.Потсетување за возачите на нивната законска обврска, за задолжително поседување на зимската опрема во возилата. /амсм/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: седум имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.