Македонија
Решение на спорот со името е клуч за напредокот на Македонија
Политичките партии треба да ги закопаат секирите, да престанат со личните напади и да воспостават дијалог за да може Македонија што поскоро да ги исполни своите стратешки цели влез во НАТО и Европската унија (ЕУ).
Политичките партии треба да ги закопаат секирите, да престанат со личните напади и да воспостават дијалог за да може Македонија што поскоро да ги исполни своите стратешки цели влез во НАТО и Европската унија (ЕУ).
Ваква порака во петокот упатија амбасадорите на САД и на ЕУ Филип Рикер, односно Ерван Фуере на Дебата „Македонија во 2010 година“ организирана од Европската бизнис асоцијација.
„Немањето на политички дијалог и личните напади помеѓу политичките партии е особено обесхрабрувачко“, изјави Рикер.
„Би сакале во оваа 2010 година политичките партии да ги закопаат воените секирите и заеднички да се посветат кон пристапувањето на Македонија кон НАТО и ЕУ“, рече Рикер
Тој порача дека Македонија не смее да дозволи во наредните 10 години да биде надвор од НАТО.
Рикер потсети дека проблемот што го блокира напредокот на Македонија кон ЕУ и НАТО е прашањето со името.
„САД ги повикуваат Македонија и Грција заеднички да го решат спорот со името, за да може евроатлантската интеграција на Македонија да продолжи. САД не е страна во спорот, но нашиот став останува ист без разлика на промените на составот на американската влада“, рече Рикер.
„Како што ние слушаме и како што сме разговарале во Вашингтон за ова прашање, големото недоразбирање е огромно“, додаде Рикер.
Според него, прашање е единствено кое име ќе се користи во меѓународна употреба и кој опфат ќе го има користењето на тоа име.
Тој укажа дека САД веруваат дека ова прашање може да се реши без да ги засега личните работи, како што се идентитетот и наследството.
„Во првата половина на 2010 година треба македонските политичари ова прашање да го стават на дневен ред и да го разрешат еднаш за секогаш. Сметаме сега е најдобар момент. Претседателот Обама и неговата администрација бараат конкретни активности и заложби“, нагласи Рикер.
Евроамбасадорот Фуере истакна дека 500 отсто се согласува со пораката на Рикер дека е неопходен политички дијалог.
„Жално е како политичките партии се јадат меѓу себе и си ги кршат нозете. Потребно е целата енергија да се насочи за постигнување на консензус и кон унапредување на државата“, рече Фуере.
В.Д. амбасадорот на Шпанија Марија Анхелес Гарсија Де Лара истакна дека за време на претседателството на нејзината земја со ЕУ ќе се разгледа прашањето на отворањето на претпристапните преговори со Македонија.
Во име на македонската влада во дебата учествуваше државниот секретар во Секретаријатот за европски прашања, Јован Андоновски, кој информираше дека прв и непосреден приоритет на Mакедонија годинава ќе биде добивањето датум за преговори и тоа за време на шпанското претседателство со ЕУ. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Сервисни информации
Променливо облачно со повремени врнежи од дожд, а на планините со повремен снег
Времето денеска ќе биде, променливо облачно со повремени врнежи од дожд, а на планините со повремен снег.
Локално, врнежите ќе бидат поројни, проследени со појава на ретки грмежи. Ќе дува слаб до умерен ветер од северозападен правец. Минималната температура ќе биде во интервал од 5 до 10, а максималната ќе достигне од 11 до 18 степени.
Во Скопје променливо облачно со повремени врнежи од дожд. Кон крајот на денот врнежите ќе престанат. Ќе дува слаб до умерен ветер од северен правец. Минималната температура ќе се спушти до 8, а максималната ќе достигне до 15 степени.
Од петок следува период на претежно стабилно и потопло време со пораст на температурите на воздухот.
Скопје
Осум скопски општини денеска без струја
Според добиеното известување од ЕВН Македонија АД, Регионалниот центар за управување со кризи-Град Скопје, информира дека, поради планирани технички зафати во електро дистрибутивната мрежа, денеска без електрична енергија ќе останат неколку скопски општини.
· Во периодот од 08:30 до 14:00 часот, дел од корисниците на ул.Максим Горки, реон Дом на градежници (општина Центар).
· Во периодот од 09:00 до 14:00 часот, поголемиот дел од потрошувачите на ул.Ринхини.(општина Ѓорче Петров)
· Во периодот од 09:00 до 10:30 часот, корисниците од с.Визбегово, дел од с.Мирковци, Бразда, Глуво, Чардак, Оризари.(општините Бутел, Шуто Оризари и Чучер Сандево)
· Во периодот од 09:00 до 15:00 часот, корисниците од ул.Кавалска.(општина Кисела Вода)
· Во периодот од 09:00 до 12:00 часот, корисниците на пат за Долно Лисиче, од Кодакопласт, кон Паци Петрол до реката, од Св.Петар и Павле по патот кон Долно Лисиче.(Аеродром)
· Во периодот од 09:00 до 10:00 часот, корисниците од дел од ул. 4031, село Марино.(општина Илинден)
· Во периодот од 09:00 до 13:00 часот, корисниците на дел од бул.Борис Трајковски (од Техноскоп до кружниот тек пред Драчево).(општина Кисела Вода)
· Во периодот од 10:30 до 12:00 часот, корисниците од с.Сандево, Бањане, Горњане, Дел од с.Мирковци.(општина Чучер Сандево)
· Во периодот од 13:00 до 15:00 часот, дел од корисниците на ул. Исаија Мажовски и Воин Драшкоци.(општина Ѓорче Петров)
Македонија
Димитриевски до Пендаровски: Разликата е огромна, откажете се од оваа битка и оставете нè да победиме во вториот круг
Денеска ЗНАМ заедно со сите свои пддржувачи ја испишува новата политичка историја на македонската политичка сцена, рече вечерва претседателскиот кандидат на ЗНАМ, Максим Димитриевски. Иако е јасно дека не влегува во вториот круг, Димитриевски првиот круг од изборите го смета за голем успех.
„Можам да потврдам дека се роди третата политичка сила во македонскиот политички блок во државата која што имаме намера во следниот период дополнително да ја потврдиме и надградиме, со цел еден ден граѓаните да имаат можност да изберат нешто ново“, рече Димитриевски.
На противкандидатите им честиташе за успехот и се заблагодари на можноста да води кампања за која рече дека не била еднаква за сите оти законот кој е во сила не дава еднаква можност за медиумско претставување на сите партии.
Рече дека е горд на секој глас што го добиле како партија регистрирана пред само три месеци.
„Факт е дека јас како кандидат и ЗНАМ освоивме повеќе од 80.000 гласови. Регистриравме субјект кој постои нешто повеќе од три месеци и со граѓанската поддршка се етаблираше на трето место во политичкиот блок. Сметам дека тоа е одличен појдовен резултат за понатамошна борба. Јас не се сеќавам дека во историјата на плурална Македонија имало вакви примери, да имате партија со некаде три и пол илјади членови, а да освоите над 80.000 гласови. Искрено сум горд на секој тој еден глас што дојде, како поддршка за мене и ЗНАМ. И покрај тоа што трендовите се тие, десницата добива, а левицата губи, единствено десницата доживеа пораз во бастионот на асномска Македонија, а тоа е Куманово“, рече Димитриевски.
Порача на сите политичари дека треба да учат од овие избори оти граѓаните дале јасна насока каде сакаат да се движи државата, а посебна порака упати до Стево Пендаровски, кој освои повеќе 100.000 гласови помалку од Гордана Сиљановска-Давкова.
„Почитуван мој претседателе, разликата е огромна. Доколку сакате да опстане централната и левата идеја во државата, откажете се од оваа битка и оставете не да победиме во име на граѓаните во вториот круг“, порача Димитриевски.
Кога ќе завршат парламентарните избори, Димитриевски е уверен дека ЗНАМ ќе биде политички фактор за стабилност во државата без кој нема да може да се формира идната влада. Најави дека кога ќе ги почнат преговорите за формирање парламентарно мнозинство, на сите политички партии ќе им ги испорачаат нивните предлози за црвените линии на македонскиот народ.