Македонија
Одбележани 25 години од формирањето на Здружението на деца бегалци
Здружението на деца бегалци од Егејскиот дел на Македонија денеска ја одбележа 25-годишнината од своето формирање.
Здружението на деца бегалци од Егејскиот дел на Македонија денеска ја одбележа 25-годишнината од своето формирање.
Оттаму посочија дека од моментот кога е формирано здружението па се до денеска, многу работи се промениле во нивна корист и дека сега се наоѓаат на прагот да се реши нивното животно прашање.
“Ако во 1988 година, кога е формирано здружението и кога е започната борбата за нашите права значеше страв и трепет да се спомене Егејска Македонија и македонштината, денеска се бориме за враќање на нашите имоти. Тоа говори колкав напредок е постигнат во изминативе 25 години” -рече поранешниот претседател на здружението Ѓорѓи Доневски .
Доневски побара поголема ангажираност од страна на Владата и Собранието во давањето на помош за остварување на нивните права, враќање во родните места и враќање на имотите на Македонците.
Тој е оптимист дека до крајот на годината барем една третина од децата бегалци ќе се вратат во своите родни краишта и ќе ги исполнат националниотe права што им следуваат.
Според него Грција мора да ги промени расистичките закони кои би значеле враќање на граѓаните од негрчко потекло во нивните родни краишта.
Членовите на здружението им се заблагодарија и на другите здруженија на деца бегалци низ светот за постојаната борба во остварување на сопствените права.
Според нивните податоци денеска во светот живеат околу еден милион македонци со потекло од Егејскиот дел./крај/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Државјанин на Турција приложил фалсификуван пасош на Ќафасан
Денеска, на граничниот премин Ќафасан полициски службеници го привеле Т. С. Т. (48) од Република Турција затоа што при пасошка контрола било констатирано дека на увид приложил фалсификувана патна исправа.
Известен бил јавен обвинител, а тој бил предаден на полициски службеници од Полициската станица Струга за понатамошна постапка.
Македонија
Тошковски се сретна со амбасадорот на Турција: врвен приоритет е склучување билатерален договор за соработка во областа на безбедноста
Денеска, министерот за внатрешни работи, Панче Тошковски, и заменик-министерот Назим Буши остварија работна средба со амбасадорот на Република Турција, Фатих Улусој.
Министерот Тошковски на новоименуваниот амбасадор Улусој му посака пријатен престој и успешно вршење на амбасадорската функција со желби за унапредување на билатералните односи меѓу двете земји.
На средбата беа отворени тековни прашања од соработката во областа на безбедноста, внатрешните работи и конзуларни прашања во надлежност на Министерството за внатрешни работи за што се потврдија заложбите за искрена соработка на овие теми.
Една од главните заложби е одржувањето на стабилноста и безбедноста на регионот за што двајцата соговорници се согласија дека од врвен приоритет е склучувањето на билатералниот договор за соработка во областа на безбедноста, кој е во фаза на заемно усогласување.
Скопје
Едукативен мото-настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото-настан од отворен карактер „Сите возиме, но некои знаат“.
На присутните од страна на лиценцирани инструктори ќе им бидат презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Преку дружење со претставници и членови од мото-клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење електрични превозни средства“, велат од Општина Кисела Вода.