Македонија
Со масовен петочен обред против Скопје 2014
Со масовен петочен обред на местото каде што се наоѓала Бурмали џамија, координативното тело за нејзина изградба ќе го изрази незадоволството, по презентација за тоа како ќе изгледа Скопје во 2014 година, каде изградба на џамијата не е предвидена.
Со масовен петочен обред на местото каде што се наоѓала Бурмали џамија, координативното тело за нејзина изградба ќе го изрази незадоволството, по презентација за тоа како ќе изгледа Скопје во 2014 година, каде изградба на џамијата не е предвидена.
Од таму очекуваат петочниот обред да се одржи наредниве недели, штом ќе завршат потребните подготовки за негова организација.
„Ние цениме дека ова е многу тажна и многу опасна порака, и секој од Премиерот па надолу, треба да знаат дека плоштадот на главниот град, кој им припаѓа на сите граѓани не е поле за играње „Фармавил“ туку е сериозна работа за која треба да се имаат предвид и другите култури, цивилизации и етникуми“ изјави Рамадан Рамадани од Координативниот одбор за изградба на Бурмали џамија.
Тие бараат од Владата земјиштето да се додели на легалниот сопственик, спред нив, Исламската верска заедница (ИВЗ), за да можат во најблиска иднина да ја изградат џамијата.
„Од следната недела веќе интензивно ќе почнеме да контактираме со целиот меѓународен фактор во земјава, за да укажеме дека оваа работа е многу сериозна и да им го пренесеме притисокот што го имаме од нашето членство од Скопје и другите градови во Македонија“ додаде Рамадани. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.
Македонија
Силјановска-Давкова со 8 прашања, како граѓаните да се решат дали и за кого ќе гласаат на изборите
Во својот говор на синоќешниот митинг во Крива Паланка професорката Горданa Силјановска -Давкова порача дека оваа власт не креира рационални политики, оти да креираше рационални политики, почнувајќи од образованието, здравството, социјалната заштита, меѓународната политика, граѓаните немаше да се чувствуваат понижени.
– Се наоѓате пред многу важен момент, да донесете клучна одлука. Како да го направите изборот? Прашајте се, прво, дали подобро живеете? Дали ви е подобра економијата? Дали ви е подобро здравството? Дали ви е подобра социјалната заштита? Дали се чувствувате посигурни? Дали вие сте горди на оваа власт? Дали мислите дека власта е горда на вас? Дали мислите дека се горди на Македонија ако се плашат да го изговорат тоа име? Дали мислите дека се горди на сите кои гинеле за Македонија ако постапуваат, не според државните и националните интереси, туку според личните и олигархиските интереси?, рече Силјановска-Давкова и додаде „дека часовникот го отчукува заминувањето на оваа делигитимирана власт и дека набрзо ќе го отчука времето на промените врзани со новата власт, како на претседателско ниво, така и на парламентарно.