Македонија
Османи: Јавното здравството ќе остане непрофитен сектор
Ќе се менуваа Законот за здравството и ќе се адаптира системот, а јавното здравство ќе остане непрофитен сектор, соопшти Министерот за здравство, Бујар Османи…
Ќе се менуваа Законот за здравството и ќе се адаптира системот, а јавното здравство ќе остане непрофитен сектор, соопшти Министерот за здравство, Бујар Османи, една недела откако стапи на сила одлуката на Уставниот суд која предвидува граѓаните со сини картони да можат да се лекуваат и во приватните болници.
По одлуката на Уставниот суд, која според Османи внела дисторзија во здравствениот систем, властите биле оставени да направат избор дали јавното здравство ќе стане профитабилно и здравствените услуги да се поскапат енормно, втората да укинат непрофитабилните услуги или пак да се направат измени во Законот за здравство.
“Ние ја избравме третата опцијата, која нема да го наруши здравствениот систем, опцијата која нема да дозволи 90 отсто од граѓаните да останат без никакви здравствени услуги“ изјави Османи.
Со измените, доколку некој се лекувал во приватна болница за да може да добие рефундација на парите од Фондот ќе му биде потребен упат од матичен лекар и целосна документација за направената здравствена услуга.
Измените кои министерството ќе ги предложи ќе бидат разгледувани на владина седница по што најверојатно ќе бидат испратени до Собранието. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
На 12,78 отсто се искачи одѕивот до 11 часот, најголем во Демир Капија 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија, 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјава право на глас имаат 1.814.317 граѓани на 3480 избирачки места.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.