Македонија
Објавени кредитните рејтинзи за Струмица и Велес
Проектот на УСАИД за локална самоуправа и Македонскиот центар за финансиска обука во соработка со меѓународната агенција за кредитен рејтинг Moody’s Investitor Services, во четвртокот на прес-конференција ги објавија кредитните рејтинзи на Општините Струмица и Велес.
Проектот на УСАИД за локална самоуправа и Македонскиот центар за финансиска обука во соработка со меѓународната агенција за кредитен рејтинг Moody’s Investitor Services, во четвртокот на прес-конференција ги објавија кредитните рејтинзи на Општините Струмица и Велес.
Рејтинзите на Moody’s за општините Струмица и Велес се оценети со Б1, оценка за кредитоспособност. Со тоа овие градови стануваат подобри од Киев, исти како Истанбул.
„Доделениот Б1 рејтинг на општина Велес ја одразува неговата флексибилна расходна политика која и овозможи да ја задржи фискалната рамнотежа во текот на децентрализацијата“, рече Питер Винс, потпретседател на Мудис за Централна Европа.
Тој додаде,„одржувањето пак на здравите оперативни резултати на општината Струмица ќе биде особено значајно за нејзината кредитоспособност во наредните години“.
Рејтингот Б1 доделен за општина Струмица е поддржан од добрите финансиски резултати на општината, нејзината соодветна ликвидност и непостоењето на директен долг.
Со проектот на УСАИД за локална самоуправа се додели гарант за јакнење на капацитетите за кредитен рејтинг на Македонскиот центар за финансиска обука и со тоа им се овозможи на локалните самоуправи во Македонија достапна експертиза за развој на нивните стратегии за финансирање на долгорочните капитални потреби.
Велес и Струмица го добија првиот рејтинг.
Рејтингот што го добија двете општини ќе им послужи полесно да ги добиваат кредитите што ги бараат од меѓународните финансиски институции за да инвестираат во инфраструктурата.
Ќе можат да издаваат и обврзници, но за таква опција ќе размислуваат откако ќе помине кризата.
Велат ова е уште еден чекор кон создавање силни општини, помалку зависни од централната власт.крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.