Македонија
Бучковски: ВМРО-ДПМНЕ и понатаму се инаети за законот за пушење
Предлог законот за изменување и дополнување на Законот за заштита од пушењето не беше дел од денешните комисиските расправи во Собранието поради неприсуството на предлагачите.
Предлог законот за изменување и дополнување на Законот за заштита од пушењето не беше дел од денешните комисиските расправи во Собранието поради неприсуството на предлагачите.
„Денешната комисиска расправа покажа дека ВМРО-ДПМНЕ и понатаму сака да се инаети со законот за забрана за пушењето“, изјави пратеникот од СДСМ, Владо Бучковски.
Тој рече дека Владата одбила да врши законски измени во овој момент, но според него на денешната комисиска расправа требало да се појави Влатко Ѓорчев и опозицијата и власта да се соочат со аргументи.
„Влатко Ѓорче од оправдани причини не присуствуваше, разбирам дека пет дена ја слави приновата, но тоа не значи дека другите пратеници не можат да седнат на маса со нас и да се договориме за решение кое ќе биде применливо“, истакна Бучковски.
Според него ваквото, како што рече, инаетење на ВМРО-ДПМНЕ за либерализација на законот за пушење без аргументи. ќе има и економски и социолошки последици, а со тоа се покажува дека не функционира правната држава.
„Сведоци сме дека овој закон ја подели Македонија и ова е закон што ги дискриминира пушачите“, истакна Бучковски.
Опозиционерот Бучковски апелираше да го погледнат моделот што го предлагаат бидејќи тој може да функционира.
Според опозицијата најдобро решение е да има локали и за пушачи и непушачи. Најадекватно решение е со добра вентилација на едно исто место да бидат и пушачи и непушачи.
„Во која држава има таков закон каков што е сегашниот закон за пушењето во Македонија, која претендира да биде тутунска нација и да одвојува над 10 милиони евра субвенции за тутунарите и притоа да се фали дека тоа е жолтото злато. На овој начин посредно тутунопроизводителите се ускратени за 10 отсто од приходите кои ги добиваат од секоја продадена цигара“, подвлече Бучковски.
Тој додаде дека најдобро е опозицијата и власта да се обединат околу овој предлог закон и да донесат решение прифатливо за сите. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ванковска: Преспанскиот и бугарскиот договор се колонизаторски договори
Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека кога политичарите говорат за прашањата за Преспа и другите договори, тоа е само губење време и одвлекување на вниманието од реалните проблеми на земјата, сиромаштијата, невработеноста, корупцијата и сл..
„Точно е! Мнозинството граѓани едвај врзуваат крај со крај, очајни се од непостоење здравствен или образовен систем, сакаат развој а не вртење кон минатото.
Она што овие млади (а инаку умни) луѓе уште не го научиле е дека геополитиката (која ни ја наметнаа) е тесно поврзана со геоекономијата. Би очекувала својот критички ум да го свртат кон, на пример, поврзаноста на нашата колонијална положба со Преспа и Митилинеос. Или дури и со Бехтел и Енка… и уште многу ситни и не толку ситни зделки на македонските компрадорски елити кои нѐ продадоа како на сточен пазар, ни ги одзедоа и идентитетот и достоинството, ама и ги наполнија своите џебови врз база на бајките за ЕУ интеграција со смена на името и уставот.
It’s all about geopolitics, stupid!“, пишува Ванковска.
Според неа, Преспа и Бугарскиот договор не се само национални, идентитетски прашања, туку и класни и социоекономски. Ние, додава таа, сме во класично ропство, а принудени да аплаудираме на колонизаторите кои не се тука за наше добро, туку за свои интереси.
Македонија
ВМРО-ДПМНЕ: Идната наша влада ќе изгради нов објект за Клиничкиот центар во Скопје и ќе ја доизгради Клиничката болница во Штип
Идната влада на ВМРО-ДПМНЕ ќе изгради нов објект за Клиничкиот центар во Скопје и ќе ја доизгради Клиничката болница во Штип, велат од ВМРО-ДПМНЕ.
„Главен фокус на идната влада во здравството ќе биде укинување на дуализмот. Ќе се спроведе спојување на клиниките во еден интегриран Универзитетски Клинички центар „Мајка Тереза“. Интегриран Клинички центар во Скопје ќе значи подобри услуги за пациентите и намалување на трошоците при јавните набавки, кои ќе бидат вршени централизирано. Владата предводена од ВМРО-ДПМНЕ ќе го заокружи целиот процес со Клиничкиот центар во Скопје со изградба на нов објект“, дополнуваат од ВМРО-ДПМНЕ.
Како што велат, истовремено владата ќе биде силно фокусирана и на довршување со градбата на Клиничката болница во Штип.
„По изградбата на Клиничката болница истата ќе биде опремена со најсовремена опрема и истата ќе се доекипира со соодветен медицински кадар. Владата на ВМРО-ДПМНЕ ќе го има здравјето на граѓаните на прво место, затоа континуирано ќе вложуваме во здравството. Време е да ја вратиме државата на народот“, завршуваат од ВМРО-ДПМНЕ.
Македонија
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, кои е вклучен во кампањата на Стево Пендаровски и СДС, велат од ВМРО-ДПМНЕ.
„Како и секогаш Пендаровски, Ковачевски и СДС кога се фатени во скандал или криминал се служат само со навреди, лаги и манипулации наместо да дадат конкретни одговори на релевантни прашања поврзани со скандалот. Повеќе од десетина дена, откако признаа дека се среќавале со контроверзниот израелски консултат Еисин, нема одговор како тој е ангажиран во нивната кампања, како го исплаќаат и дали тој е ангажиран за црна кампања, кампања на поделби и етикетирања. Јавноста заслужува одговори како овој балкански мешетар СДС и Ковачевски го исплаќаат, бидејќи во ниту еден извештај за финансиско работење неговиот ангажман не е заведен, и дали истиот е плаќан со црни пари, кеш на рака, од криминалните тендери на власта, пари украдени од граѓаните“, дополнуваат од ВМРО-ДПМНЕ.
Како што посочуваат, од СДС треба да одговорат, дали покрај ангажирањето на Еисин, во Македонија се дојдени и две други лица, кои се локална поддршка на консултантот на Еисин, кои се сместени во центарот на Скопје во еден хотел и веќе активно работат на црната кампања на СДС за претстоините избори.
„Ги повикуваме надлежните институции веднаш да се одважат и да се ангажираат за расчистување на овој скандал, да го откријат финансирањето на консултантот и вклучувањето на странски државјани во кампањата за изборите. Време е за промени. Следува одговорност за секој сторен криминал, за секој скандал и за секое крадење на народни пари“, завршуваат од ВМРО-ДПМНЕ.