Македонија
Неопходна изградба на насип на патот Струга-Дебар
Итно да се започне со изградба на насип на патот Струга-Дебар кој ќе ја акумулира водата што наскоро ќе почне да се испушта од езерото Глобочица и со тоа да се намали нивото на водата во Охридското Езеро.
Итно да се започне со изградба на насип на патот Струга-Дебар кој ќе ја акумулира водата што наскоро ќе почне да се испушта од езерото Глобочица и со тоа да се намали нивото на водата во Охридското Езеро.
Ова е еден од заклучоците на денешниот состанок за ризици во домен на инфраструктурата, каде беше соопштено дека, според податоците на ЕЛЕМ, нивото на водата на Охридското езеро во моментов се наоѓа на 12 сантиметри над дозволената квота од 693,75 метри, но дека состојбата не е критична.
Од Центарот за управување со кризи потсетија на 1986 година кога нивото на водата во Охридското Езеро достигнала 18 сантиметри над дозволената квота.
Состанокот на платформата се одржа под водство на министерот за транспорт и врски Миле Јанакиевски, а во него учествуваа претставници од сите служби и институции надлежни за справување со поплавите.
Од Центарот за управување со кризи информираат дека состојбата будно се следи и во другите кризни делови од Македонија, особено во Пелагонискиот, Струмичкиот и Полошкиот регион кои во последните десетина дена беа поплавени поради неистечени одводни канали./крај/вм/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.