Македонија
Трајановски:Владата нема политичка волја да се бори против дискриминацијата
Владата нема политичка волја да се бори против дискриминацијата, затоа што во првата година на имплементирањето на законот
Владата нема политичка волја да се бори против дискриминацијата, затоа што во првата година на имплементирањето на законот е предвидено во борбата против дискриминацијата да се потрошат десет пати помалку пари, отколку што се трошат во било која друга кампања.
Ова го изјави Жарко Трајановски, активист за човекови права на денешната прес-конференција по повод Законот за заштита од дискриминација.
„Ќе се потрошат минимум сто пати помалку пари отколку што ќе се потрошат на споменикот на Александар Македонски. Тоа значи дека Владата планира на борба против дискриминација или имплементација на овој закон да потроши колку што чинат копитата на Букефал“ изјави Трајановски.
Според професорката Мирјана Најческа, во предлог-законот за заштита од дискриминација, каков што е даден во собраниска процедура, се направени суштински измени, што го прават неупотреблив, односно граѓаните не можат врз основа на вака подготвениот закон ниту да очекуваат дека ќе се заштитат.
„Вака како што е даден предлог-законот во собраниска процедура не ги исполнува минималните стандарди на ЕУ, не е прилагоден на директивите за недискриминација на ЕУ“ вели Најческа.
И Либералната партија денеска ја истакна потребата од внесувањето на основот по сексуална дискриминација во законот на заштита и спречување на дискриминација.
Четириесет и осум граѓански организации од целата земја поднесоа барање до Владата за повлекување на Законот за заштита од дискриминација. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.