Македонија
Запленетата гардероба на мадам Пепи вреди 200.000 евра
Брендираната гардероба, што беше пронајдена и запленета при претресот на два објекти на Персида Момировска, има продажна вредност од приближно 12 милиони денари (200.000 евра, објави македонската полиција, потсетувајќи дека Персида беше уапсена поради пратка со кокаин.
Брендираната гардероба, што беше пронајдена и запленета при претресот на два објекти на Персида Момировска, има продажна вредност од приближно 12 милиони денари (200.000 евра)
Ова во неделата го објави македонската полиција, потсетувајќи дека Персида беше уапсена поради пратка со кокаин.
Во врска со претресите и откриената и одземена брендирана стока, против М.П.(39) поднесена е уште една кривична пријава поради постоење на основано сомнение дека во повеќе наврати наназад, сторила кривично дело „Прикривање на стоки кои се предмет на криумчарење и царинска измама“, се вели во соопштението.
Според полицијата, пријавената во подолг период наназад континуирано набавувала, држела и продавала криумчарена трговска стока – гардероба (текстилна, кожена, крзнена, обувки, женски чанти, очила за сонце и др.) која е од странско производство и не се произведува во нашата земја.без соодветна документација за потеклото и документација со која стоката е внесена во Македонија.
Персида, која во јавноста е попозната како мадам Пепи, продажбата и наплатата на неевидентираната трговска стока, ја вршела во готово, без финансиска евиденција и без издавање фискална сметка.
Според нејзина, стоката претежно ја набавувала од Италија и ја пренесувала со патнички автобуси, авионски, како и лично, со приватно моторно возило, притоа избегнувајќи го плаќањето на царината и други со закон предвидени давачки.
МВР во соработка со Истражниот судија продолжува да работи на утврдување на начинот како ја внесувала стоката и дали при извршувањето на кривичното дело биле инволвирани и други лица.
Во наредниот период треба да биде извршен увид во стоката и од овластени лица кои треба да потврдат дали се работи за оригинали или фалсификати на познатите брендови.
При претресот во изнајмен стан на ул. „Лондонска“, кој всушност претставувал нерегистриран малопродажен објект, била пронајдена поголема количина од наведената трговска стока, од странско потекло и познати светски брендови (CALVIN CLEIN, VALENTINO, GALIANO, HUGO BOSS, DISEL, ARMANI, CUSTO, ROBERTO CAVALI, VERSACE, DOLCE / CABANA, PALL ZILERI, LA PERLLA, BURBERY),
Во претресот на ул.„Франц Прешерн„ во семејната куќа на осомничената, пронајдени се шест куфери и една патна торба со текстилна стока Outlet.
Одредени медиумите во изминатите денови шпекулираа дека кај мадам пепи се облекувала многу познати лица од естрадата/крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери