Македонија
Адвокатите на Заев: Барањето за техничка влада е чисто политичко, а не загрозување на безбедноста
Неиздржано обвинение во коешто нема никакви докази за кривичните дела, осомничени кои се товарат за комуникација со странски служби, а не е се знае со кои странски служби, политички барања кои се оквалификувани како обид за загрозување на Уставниот поредок на земјата и безбедноста на државата, се дел од приговорите на адвокатите на обвинетите во случајот „Пуч“, во којшто осомничен е и лидерот на опозициската СДСМ, Зоран Заев.
Адвокатот на Заев и на другите обвинети, Филип Медарски, повеќе од еден час пред Советот за оцена на обвинителниот акт за случајот „Пуч“ образложуваше зошто обвинението против осомничените, според него, е неиздржано и Советот треба да го одбие.На јавната седница не присуствуваше лидерот на СДСМ, кој, како што објаснија адвокатите, не можел да дојде „поради службени обврски“.Во овој случај единствено Заев кој е четвртоосомничен, од вкупно петмина осомничени, не е во притвор, а се товари за обид за насилство спрема претставници на највисоките државни органи. Според обвинението, Заев делувал со намера да го загрози Уставниот поредок и безбедноста на државата. Барањето за формирање на техничка влада, според Медарски, е чисто политичко барање на опозицијата и со ништо не го загрозува државниот поредок.„Дали барањето за промената на составот на Владата и формирање техничка влада и барањето за предвремени парламентарни избори значи загрозување на Уставниот поредок и безбедноста на државата? Од осамостојувањето на Македонија се одржале повеќе парламентарни избори и имало техничка влада, и тоа не значело загрозување на Уставниот поредок. Се работи за чисто политичко барање на опозицијата“, рече Медарски.Заканите дека доколку не се формира техничка влада Заев ќе објави компромитирачки материјали за премиерот Никола Груевски, според Медарски, не може да се квалификуваат како сериозни закани, бидејќи вакви закани во политиката „се користат постојано“, и не била употребена никаква сила кон лицето кон кое била упатена заканата. „Овие политички барања не се упатувани кон Никола Груевски како премиер, туку како лидер на владејачката партија, ВМРО-ДПМНЕ“, рече Медарски.Тој побара да се издвојат доказите обезбедени преку Посебни истражни мерки, односно следењето на комуникациите на осомничениот Заев, како и разговорите и комуникацијата меѓу осомничениот и Заев како и снимките од разговорите меѓу Заев и Груевски, во Кабинетот на премиерот коишто беа објавени јавно.Според Медарски, Заев бил незаконски прислушуван бидејќи за прислушувањето немало наредба од судија од Врховниот суд. Според Законот, како што објасни Медарски, за вакво кривично дело наредба за следење на комуникациите треба да побара Министерот за внатрешни работи или лице овластено од него. Тоа барање се поднесува до Јавното обвинителство, а за следењето, наредба треба да даде судија од Врховниот суд. Според Медарски, ваква наредба за Заев не постоела. Првоосомничен во случајот „Пуч“ е поранешниот директор на Управата за безбедност и контраразузнавање, Зоран Верушевски кој се товари за неовластено прислушување и тонско снимање, шпионажа и за помагање во насилство спрема претставници од највисоки државни органи.Според обвинението, Звонко Костовски, вработен во Министерството за внатрешни работи, кој се спогоди со обвинителството и е веќе осуден за ова дело, по барање на Ѓорѓи Лазаревски, техничар во УБК и Верушевски, вметнувал телефонски броеви на повеќе лица во постоечкиот систем за следење на комуникациите. „Звонко Костовски немал фактичка можност за внесување на телефонски броеви без системот да алармира за тоа. Дали во системот има трага за вметнувањето на броевите. Што бил предметот на тоа прислушување, колку лица биле неовластено прислушувани?“, праша Медарски кој тврди дека за овие прашања во обвинението нема никаков доказ. Во обвинението, кое го товари Верушевски за шпионажа, според Медарски, нема наведено дали податоците требало да бидат предадени на странска држава, организација или лице од странска држава и за која земја конкретно станува збор. „Тоа е исто како да се подигне обвинение за убиство, а во обвинението да нема кое е лицето кое било лишено од живот“, рече Медарски. Податоците и документите на Верушевски коишто се предмет на обвинение, според Медарски не се тајни и се јавно достапни. Сопругата на Верушевски, Соња Верушевска е обвинета за помагање при шпионажа, односно дека му ги преведувала на англиски документите на сопругот, додека петтообвинетиот Бранко Палифров, вработен во општина Струмица е обвинет за помагање при кривичното дело насилство спрема највисоките државни органи.Обвинителот Златко Биковски, пак, побара Советот да го одобри обвинението, бидејќи според него, постојат доволно докази од коишто може да се донесе осудителна пресуда на за обвинетите.
Судот има дополнителен рок да допнесе одлука, дали ќе го прифати обвинението и ќе закаже судење или ќе го отфрли обвинителниот акт.Опозицијата веќе неколку месеци со ред објавува аудио снимки од разговори за коишто тврди дека се на функционери на власта, и според опозицијата, го докажуваат криминалот на власта.Заев, пак, е обвинет дека со овие снимки пред нивното објавување го уценувал премиерот Никола Груевски да се формира преодна влада, доколку сака да не бидат објавени снимките во јавноста./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: Една година ФРОНТЕКС – прв договор потпишан на македонски јазик со ЕУ
Дополнителниот заменик-министер за внатрешни работи, Митко Бојмацалиев, заедно со директорот на Бирото за јавна безбедност, Сашо Тасевски, и државната секретарка, Магдалена Несторовска, оствари работна средба со раководството на Регионалниот центар за гранични работи „Југ“ по повод одбележувањето една година од почетокот на мисијата на ФРОНТЕКС во Република Северна Македонија, а со цел промоција на соработката помеѓу претставниците на ФРОНТЕКС во локалниот координативен центар и одговорните старешини од РЦ за ГР ЈУГ, како и промовирање на европскиот пристап на координирање на сите заеднички активности и справување со предизвиците.
„Одбележуваме една година од работата на макеоднската полиција заедно со ФРОНТЕКС, со цел да ги одбраниме нашите и границите на ЕУ од прилив на мигранти. Тоа успешно го правиме од 2015 до денеска. Договорот е од историска важност, тогашниот министер Оливер Спасовски ја имаше честа да го потпише со Европската Унија и ја отвори вратата за поинтензивна оперативна соработка заснована на доверба и меѓусебно почитување“, истана Бојмацалиев во изјава за медиумите заблагодарувајќи се до Тасевски и Несторовска за напорите што ги направија договорот да биде на македонски јазик и успешно да функционира во нашата држава.
„Со тоа уште еднаш покажуваме дека македонската полиција е рамо до рамо со европските полиции, заедно работиме и од неодамна имаме барање од други полиции да вршиме обуки на нивните службеници како се справуваме со миграцијата. Од земја што бараше помош од другите држави за справување со миграцијата, сега нудиме помош“, рече Бојмацалиев.
Македонија
Ковачки ги повика неопределените да гласаат: „ Да се обединиме за идејата ‘Македонија повторно твоја’“
Народот е подготвен и обединет за промени, приклучете се кон ВМРО-ДПМНЕ за да ја поразиме оваа ненародна и криминална влада на СДС и ДУИ, порача Драган Ковачки, член на ИК на ВМРО-ДПМНЕ и носител на изборна единица 3.
„Денеска сме во Кратово, Ранковце и Крива Паланка. Тука сме да презентираме проекти од Платформата 1198, ќе поразговараме со сите граѓани. Ги повикувам сите граѓани кои сеуште не се определиле и кои што ја чувствуваат позитивната енергија која што доаѓа од ВМРО-ДПМНЕ, да се обединиме околу идејата за Македонија повторно твоја, да се обединиме околу проблемите“, рече Ковачки.
Како што додаде вчерашниот митинг во Охрид покажал дека народот е подготвен и обединет за промени, а ВМРО-ДПМНЕ е партија за македонско национално единство.
Македонија
Успешна сложена дентална операција – изведена транспозиција на нерв
Вчера, успешно заврши сложениот хируршки зафат – транспозиција на нерв на пациент од земјата.
Оваа комплексна техника ја изведе искусен хируршки тим под водство на професор Мазен Тамими од САД, роден во Јордан.
Интервенцијата се изведе во присуство и во приватната специјалистичка ординација на реномираниот орален хирург и имплантолог од овие простори – Дијана Бојковска. Пациентот е во стабилна состојба, се чувствува добро, но претстои период на целосно заздравување по извршување на операцијата поради прилично атрофираната долна вилица.
Видеоприказ од интервенцијата ќе биде емитуван во рамките на меѓународниот имплантолошки конгрес, кој почнува денес во хотелот „Хилтон“ во Скопје, а ќе трае до 20 април. Напредната хируршка техника првпат ќе биде споделена со пошироката стручна јавност од земјата, но и од светот, бидејќи на конгресот ќе учествуваат врвни стоматолози, орални и максилофацијални хирурзи од четири континенти.
Дигитализација во стоматологијата и новите трендови во имплантологијата се дел од темите што ќе бидат во центарот на вниманието на овој конгрес. Конгресот предвидува теоретски, практичен дел и презентирање напредна хируршка техника во делот на имплантологијата.
Еминентни стоматолози специјалисти од Македонија исто така ќе земат активно учество на конгресот: д-р Митко Франгов, орален хирург и меѓународно лиценциран имплантолог, д-р Златко Вршковски, максилофацијален хирург и меѓународно лиценциран имплантолог, д-р Недим Касами, максилофацијален хирург и имплантолог, д-р Петар Вршковски, орален хирург и имплантолог, д-р Дијана Бојковска, орален хирург и имплантолог.
Во Македонија првпат стоматолозите учесници на конгресот ќе бидат дел од меѓународно акредитирана имплантолошка едукација и ќе добијат CME – европски кредит-поени.