Македонија
Аналитика: Македонија користи репресивни, а не превентивни мерки против насилниот екстремизам
Македонските власти претежно се потпираат на репресивните мерки во борбата против екстремизмот преку извршната и судската власт, а превентивните мерки не се доволно вклучени, покажува истражувањето на Аналитика тинк тенк.
Аналитика го спроведе истражувањето во периодот од септември 2015 година до септември 2016 година за кое обрнавме внимание на спецификите на насилниот екстремизам во Македонија и институционалната подготвеност да се спротивстави на овој феномен.По првата полициска акција „Ќелија“, бројот на македонски граѓани кои се приклучуваат на Исламската држава, или други формации во Сирија и Ирак, значително опаднал. Но според Аналитика, ова не значи дека екстремистичките идеи престанаа да циркулираат. Многу е веројатно дека, како резултат на владините мерки за разбивање на регрутацијата за странски групи, екстремистите станаа „невидливи“, и почнаа, или повнимателно да патуваат во Сирија и Ирак, или се фокусираа на зајакнување на домашната поддршка.Истражувањето покажало дека стратегијата на македонските власти претежно се потпира на репресивни мерки, преку извршната и судската власт. Пошироките општествени чинители (религиските заедници, граѓанскиот сектор, општините, политичките партии и др.) играат клучна улога во препознавањето и спротивставувањето на насилниот екстремизам, но овие не се доволно вклучени, посебно не во превентивните мерки. Освен тоа, приоритетно е поставување на нов Национален координатор за спротивставување на насилниот екстремизам, со оглед на тоа што оваа позиција е испразнета веќе неколку месеци и нема никакви информации околу тоа што ќе се случува со истата. Воедно, се уште не се донесени акциони планови за спротивставување на насилниот екстремизам кои произлегуваат како дел од Стратегијата. Истовремено, потребно е да се работи на превентивни мерки за спречување на радикализацијата како и програми за ресоцијализација и реинтеграција на повратниците. Истражувањето исто така покажало дека ако обично првичниот контакт со промотивен материјал се случува преку социјалните мрежи, регрутацијата се врши преку личен контакт со потенцијални регрутери. Промовирањето на овие идеи понекогаш се врши на суптилен начин, преку предавања за општествени и политички случувања на глобално ниво каде се користат пропагандни содржини. Истовремено, дневната политика во државата се злоупотребува за да се убедат младите дека во Сирија или Ирак би имале подобар живот. Целна група се обично лица кои немаат доволно познавања на религијата, а со тоа и немаат доволно (религиозни) контрааргументи кога се соочуваат со теолошки дебати.Младите од најзасегнатите општини обично се способни да препознаат првични знаци на радикализација меѓу своите пријатели. Сепак, понекогаш не умеат да направат разлика меѓу радикализмот и поригорозно практикување на верата, со што повеќето млади изразија дека имаат потреба да религиозните водачи да го дообјаснат овој феномен подобро кај своите следбеници и како тие би требало да се постават кон него, покажува истражувањето на Аналитика тинк тенк. Аналитика тинк тенк во среда организира конференција на која ќе се презентираат наодите од нашето истражување насловено „Напорите на Р. Македонија во спротивставувањето на насилниот екстремизам, од поглед на граѓанското општество“. Конференцијата ќе се одржи во „Хотел Мериот“ во Скопје на 19-ти oктомври (среда) 2016, почнувајќи од 09:45 и истата ќе ја отвори Министерот за внатрешни работи. Целосната агенда на настанот е во прилог./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојчевски: Родена е третата политичка сила во македонскиот политички блок
Даниел Стојчевски, носителот на листата на Движењето ЗНАМ за Наша Македонија во ИЕ 2 истакна дека е родена третата политичка сила во македонскиот политички блок.
„Граѓаните испратија јасна порака. Изборното востание со својата незапирлива позитивна енергија се шири низ цела Македонија. На граѓаните им е доста од неказнета корупција,неправда,сиромаштија,лажни ветувања и криминална власт. Ние од Движењето ЗНАМ за Наша Македонија,искрено и чесно сме посветени на идејата нашата татковина да ја иградиме како просперитена држава во која обединето живеат среќни граѓани ,и никогаш нема да дозволиме граѓаните да бидат поделени по политичка, етничка или верска припадност“, истакна Стојчевски.
Се заблагодари на подршката на граѓаните и гласот кој го дале за како што рече, просперитетна Македонија.
„Ви благодариме за довербата која ни ја давате, да стигнеме до нашата заедничка цел, да ја видиме Македонија таму каде што заслужува да биде“, посочи тој.
Македонија
Таравари по веста дека имал тајна средба со Ахмети: Тоа е лага, но навикнат сум на понудите на Ахмети и не би било изненадување доколку дојде до мене
Претседателскиот кандидат на албанската опозициска коалиција „Вреди“, Арбен Таравари ја демантира веста дека вчера тајно се сретнал и добил понуда од претседателот на Демократската унија за интеграција, Али Ахмети по резултатите од претседателските избори.
„Со жалење денеска од еден многу сериозен албански медиум дознав дека синоќа се сретнав со господинот Ахмети и други функционери на ДУИ, за да слушнам понуда од господинот Ахмети. Не, не е вистина“, пишува Таравари ан социјалните мрежи.
„Кој ја кажал оваа вест лаже“, додава тој во напишаното.
„Синоќа му честитав на мојот тим и мирно денес продолжуваме со нашата работа кон промена! Навикнат сум на понудите на Ахмети и мислам дека не би било изненадување доколку дојде до мене, но оваа вест е лажна“, потенцира Таравари.
Македонија
Тодоровска: Документите за историјата на македонската држава мора да се заштитат и чуваат соодветно зашто ние сме менливи и минливи, но Македонија мора да постои
Кандидатката за пратеник во ИЕ 1 во Собранието на Македонија на претстојните парламентарни избори, од редовите на Движењето ЗНАМ – За наша Македонија, Катерина Тодоровска, одржа прес-конференција, на која се задржа на тоа зошто Движењето се определило во своите основни документи да ги стави Илинден и АСНОМ.
Таа рече дека современата македонска држава е формирана благодарение на вековната борба на македонскиот народ и останатите жители, за самостојна држава, каде би биле свои на своето. Тодоровска објасни дека во историјата постојат формално, пишано, и неформално, непишано, право, како што го толкуваат историчарите.
„Создавањето на државите, без исклучок, во историјата се одвивало врз основа на стекнато право коешто ние го третираме како непишаното право. Тоа значи дека еден народ може да се повика на историско право за создавање на нова и опстојување на новата држава само врз основа на два принципа. Првиот е принципот на континуитет, т.е. доколку некој народ во минатото имал сопствена држава со сите законски и правно регулирани перформанси. Вториот е принципот на крвта, т.е. колку крв е пролеана за таа територија, за тој народ“.
Тодоровска рече дека ние како Македонци не можеме да се повикуваме по првиот принцип, бидејќи сме немале некоја царска лоза помогната од странски династии како што е тоа случајот во создавањето на државите на нашите соседи, а што се однесува до вториот, принципот на крвта, Илинденското востание и АСНОМ се најголемите и најкрвави показатели за потребата на македонското население да биде самостојно и е подготвено да се жртвува за својот сон – своја држава. За тоа, како што рече таа, сведочи и фактот што ниту една од странските држави не се потрудила ниту да помогне, ниту да ја смири состојбата кога цели села во крушевско по Илинден, заедно со жителите биле пеплосувани. Тодоровска додае дека Крушевската република и нејзниот Манифест се одраз и израз на најдемократска политичка творба во почетокот на 20. век. Следната жртва на македонскиот народ се годините од народно-ослободителната војна 1941-1944 година, која била крунисана со АСНОМ и неговите одлуки. Благодарение на АСНОМ биле донесени шесте најважни документи за формирање на македонската државна единица, меѓу кои и Решението за прогласување на АСНОМ за Врховно Законодавно и Извршно Народно претставничко тело, како и Прогласот на Првото заседание на АСНОМ до македонскиот народ и до целото население кое живеело во македонската држава.
„Документите за историјата на македонската држава од 12 век наваму, а со тоа и најзначајните документи од Илинден и АСНОМ се чуваат во Државниот архив. За жал, таа бесценета документација денес е сместена во несоодветни услови, нешто што ќе бара итна реакција на новата власт за нејзино враќање во наменската зграда. Сите ние што знаеме дека историјата е учителка на животот, но и патоказ за иднината, знаеме и колкава е важноста на бесценетата документација која говори за македонското минато во креирањето на иднината на македонската драва.
Затоа како совесни чувари на македонското минато, ние имаме обврска да ги зачуваме, покрај другите, и документите од овие два грамадни историски столбови на македонската историја, Илинден и АСНОМ“, рече Тодоровска и додаде дека Програмата “Проглас за достоинствена Македонија” на Движењето ЗНАМ – За наша Македонија се залага за обезбедување на патот од минатото кон иднината, вложувајќи се максимум за Македонија, преку максимум заштита на историските корени и националните интереси на македонската драва. Запрашана зошто сега се покренува ова прашање кога со уставните измени при промената на името делумно се редефинираше прогласот од АСНОМ, кои се позициите и што се бара, Тодоровска одговори:
„Едно е да се редефинира, друго е историја. Иторијата не трпи редефинирање, не трпи туширање. Најмалку пак трпи произволност. Она што е многу битно сега е да си ја заштитиме нашата документација. Да ги заштитиме сите темелни документи коишто ги имаме. Доколку се отвора Уставот треба да се говори многу искрено и многу отворено за сите прашања и сите грешки коишто се направени. Она што досега нам, како на историчари, најмногу ни пречи е ставот на партиите коишто имаат едно чувство дека се непогрешливи. Непогрешливоста не постои, секој од нас може да згреши, но секој од нас треба да си ја признае грешката, да си ја исправи грешката и на крајот ние сме сите менливи и минливи, но Македонија мора да постои“, потенцира Тодоровска.