Македонија
Аневски не ѝ ги даде на Јанева случаите „Маѓар“ и за Верушевски
Советот на јавни обвинители одлучи во средата дека секој предмет кој е побаран веќе нема да го даде на Специјалното јавно обвинителство, а дека за сите предмети ќе бидат надлежни само Основно јавно обвинителство за гонење на организиран криминал и Основното јавно обвинителство Скопје.
„Многу непријатно бевме изненадени кога дојде (специјалната обвинителка Катица Јанева) и кажа дека нема да одговори на ниту едно наше прашање. Откако таа си замина, одлучивме со 7 гласа „за“, дека за постапување и во иднина ќе бидат надлежни Основното јавно обвинителство Скопје и Основното јавно обвинителство за гонење на организиран криминал и корупција, Скопје. Значи, сите предмети коишто се кај нас, ќе бидат вратени во овие обвинителства“, рече претседателот на Советот на јавни обвинители, Петар Аневски.Според него, специјалната јавна обвинителка Катица Јанева требало да дојде и да им образложи како предметите кои ги бара се поврзани со и произлегуваат од содржината на неовластеното следење на комуникациите, а откако таа не појаснила, тие изгласале дека не е надлежна. Аневски смета дека Јанева треба да гони само случаи од 2008 до 2015 година.Речиси месец и половина траеше префрлувањето на предметите за кои бараше надлежност специјалната јавна обвинителка Катица Јанева, која во среда одговори на поканата на Советот на јавни обвинители и дојде во Советот, но не образложи пред неговите членови зошто бара да ѝ бидат предадени предметите „Маѓар телеком“, предметот за пиштолот на Зоран Верушевски и предметот за детска порнографија против синот на Верушевски.Само десетина минути таа се задржа во Советот, а потоа рече дека се повикува на својата автономија дадена со Законот за специјално јавно обвинителство кој не ѝ налага да образложува зошто бара определен предмет.Аневски, пак, рече дека на Јанева ѝ било предочено дека таа како јавен обвинител треба да одговара пред Советот за своето законско постапување, но Јанева рекла дека веќе нема да доаѓа во Советот и побарала да не биде повикувана.По најавите на Специјалното јавно обвинителство дека ќе започнат сопствени истраги за спорните предмети доколку не им бидат предадени, Аневски вели дека никој не го спречува СЈО да формира предмети, да продолжи постапки кои се наоѓаат во Советот, да бара отфрлени кривични пријави и запрени истраги и да ги активира./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Штипјанец и скопјанка фатени како ги фотографираат гласачките ливчиња, а жител на Бучим му го покажал ливчето на набљудувач
Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач, изјави портпаролот на МВР, Тони Ангеловски.
„Од отворањето на гласачките места до 11.00 часот регистрираме две фотографирања на гласачко ливче, едно во Штип и едно во Скопје. Во 09.30 часот на избирачко место 2274 во Штип Г.Ј. го фотографирал гласачкото ливче и од страна на полициски службеници од СВР Штип се преземаат мерки за расчистување на случајот. Во 09.20 часот на гласачко место 2844 во ОУ „Јохан Х. Песталоци“ во Скопје, С.М. (57) го фотографирала гласачкото ливче и од страна на СВР Скопје се преземаат мерки за расчистување на случајот“, додаде Ангеловски.
Тој посочи дека досега МВР нема регистрирано посериозни нарушувања на јавниот ред и мир при гласањето, односно гласањето се одвива мирно и без проблеми.
Ангеловски дополни и дека димна бомба има на гласачко место, а пријавени се и летоци врз паркирани автомобили во Чаир и графити.
До 11 часот е пријавено дека на гласање излегле 229.473 граѓани и одѕивот од 3,85, колку што беше до 9 часот, се искачи на 12,78 отсто.
Македонија
Најдена испукана димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информира за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, тоа се одвива мирно, без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територијата на општина Чаир се забележани летоци, кои биле оставени на паркирани возила, а исто така се испишани и два графита. На едно гласачко место во Скопје, покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и учесниците на изборите – во текот на гласањето, до завршувањето, да се воздржат од какви било инциденти.
Македонија
На 12,78 отсто се искачи одѕивот до 11 часот, најголем во Демир Капија – 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија – 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјата право на глас имаат 1.814.317 граѓани на 3.480 избирачки места.