Македонија
Анкета: Власта има поголема контрола врз Собранието отколку што Собранието ја контролира Владата
Перцепцијата на граѓаните е дека извршната власт има поголема контрола врз Собранието отколку што Собранието ја контролира Владата, според својата уставна надлежност, покажуваат резултатите од теренската анкета за перцепциите на граѓаните за работата на Собранието на Република Македонија што на направи Институтот за демократија „Социетас цивилис“ Скопје.
За 57 отсто од анкетираните контролата на Владата врз Собранието е голема или соодветна, а за 55 отсто Собранието има мала или нема никаква контрола врз извршната власт.Повеќе од половината од граѓаните (55 отсто) сметаат дека законите во Македонија се менуваат често или премногу често. Вработените во приватниот сектор најчесто одговараат (59 отсто) дека законите се менуваат премногу често.Kако најважни функции на Собранието ги оценуваат надгледувањето на трошењето на Буџетот, носењето на што е можно поквалитетни закони и да се грижи како се спроведуваат законите. Како најмалку важна функција го оценија носењето на што поголем број на закони и законски измени.Над две третини од испитаните граѓани сметаат дека пратениците во Собранието секогаш ги застапуваат интересите на нивните политички партии и своите лични интереси. Половина од испитаниците сметаат дека пратениците секогаш застапуваат бизнис интереси. Околу 53 отсто од анкетираните сметаат дека пратениците само понекогаш ги застапуваат интересите на граѓаните.За 56 отсто од испитаниците Собранието е целосно или делумно затворено за учество на јавноста во неговата работа. За 46 отсто пратениците се затворени за забелешките на јавноста и граѓанските организации при изработката на законите. Околу 42 отсто сметаат дека во некоја мера се земаат предвид овие забелешки.За повеќе од една третина (38 отсто) од испитаниците имињата на пратениците од нивната изборна единица/општина/регион беа непознати. Околу 47 отсто одговорија дека пратеникот од нивниот регион не е достапен за средби со граѓаните, а само 29 отстапен дека е достапен.Според 62 отсто владеачкото мнозинство воопшто или во најголем дел не ги зема предвид арументите на опозицијата при носењето на одлуките.Испитаниците сметаат дека пратеничките прашања се користат за рекламирање на Владата (60 отсто) и за критикување на Владата и другите институции (52 отсто). За 50 отсто пратеничките прашања се корисни за полагање отчет на институциите, а за 44 отсто се корисни за информирање на граѓаните за работата на Владата.Испитаниците се поделени околу впечатокот дали овој инструмент има влијание врз обезбедувањето одговорност на институциите. Еднаков дел од нив се согласуваат (45 отсто) и не се согласуваат (45 отсто).Односот меѓу пратениците во Собранието, анкетираните најчесто го опишуваат како непријателски (42 отсто), а потоа како напреварувачки (27 отсто). Мнозинство од испитаниците (56 отсто) сметаат дека Собранието има некакво влијание врз квалитетот на законите.Околу 61 отсто имаат впечаток дека пратениците на собраниските седници користат говор со кој ги омаловажуваат и деградираат своите политички противници. Перцепцијата на 72 отсто е дека пратениците во Собранието се целосно зависни од волјата на лидерите на политичките партии.Околу 51 отсто сметаат дека доволен дел од пратениците имаат минимално потребно знаење за да може да носат одлуки во име на граѓаните, 78 отсто од испитаните не знаат како можат самите да се вклучат во иницирањето или носењето на законите, а 64 отсто сакаат здруженијата на граѓани да бидат повеќе вклучени во работата на Собранието.Повеќе од половината од испитаниците (54 отсто) сметаат дека политичката криза требаше да се разрешува во Собранието наместо со лидерски преговори во Пржино.Интернетот е главен извор на информации за Парламентот за граѓаните на од 18 до 34 години. Телевизијата за доминантен дел од граѓаните од 35 до над 75 годишна возраст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
МВР, ЈО и АНБ комплетно подготвени за претстојните претседателски избори
Во врска со претстојните избори, денеска, во просториите на Министерството за внатрешни работи, министерот Панче Тошковски одржа состанок, на кој присуствуваа дополнителниот заменик-министер Митко Бојмацалиев, директорот на Бирото за јавна безбедност, Сашо Тасевски, директорот на Агенцијата за национална безбедност, Зарко Милошевски, републичкиот јавен обвинител, Љупчо Коцевски, и претседателот на комисијата во Јавното обвинителство на РСМ за следење евентуални изборни нерегуларности, Џељаљ Бајрами.
На состанокот министерот Тошковски најпрвин се заблагодари за одвоеното време и досегашната успешна соработка на сите фактори одговорни за безбедно спроведување на изборниот процес и потенцира дека досега не се констатирани посериозни активности, кои се насочени кон нарушување. Исто така, побара од присутните секој во својот делокруг да сподели информации што се од интерес за спроведувањето на изборите и начинот на кој ќе постапуваат институциите за време на изборниот ден.
Од страна на дополнителниот заменик-министер за внатрешни работи, Бојмацалиев, беше потенцирана тенденцијата од година на година да имаме сè помирни избори, со исто очекување за годинешните изборни процеси, бидејќи МВР е подготвено да биде на висината на задачата да спроведе уште едни фер, слободни и демократски избори по европски терк.
Од страна на директорот на БЈБ беа презентирани информации во врска со оперативната акција претседателски и парламентарни избори 2024 година и во таа насока посочи дека од страна на оперативниот штаб и сите надлежни организациски единици се преземени сите потребни мерки и активности врз основа на претходно изготвен план и притоа не се констатирани никакви позначајни проблеми.
Од страна на АНБ се преземаат организирани и координирани мерки за прибирање сознанија за евентуални изборни нерегуларности, а во насока на безбедно спроведување на изборите.
Републичкиот јавен обвинител, претседателот на комисијата во Јавното обвинителство на РСМ за следење вентуални изборни нерегуларности, Џељаљ Бајрами, јавните обвинители на сите виши јавни обвинителства и основниот јавен обвинител на ОЈО Скопје информираа за активностите во рамките на Обвинителството, каде што определени се зајакнати дежурства за изборниот ден за покривање на целото подрачје на државата и со будно внимание ќе се следи процесот и навремено ќе се известува за сите настани и активности што се од интерес на јавноста, а поврзани со спроведувањето на изборите.
Македонија
ССМ повика на првомајски протест: Бараме враќање на трошоците за храна и превоз и минимална плата од 450 евра во првите 100 дена од новата влада
Сојузот на синдикатите на Македонија (ССМ) повика на првомајски протест за враќање на трошоците за храна и превоз и зголемување на платите во првите 100 дена од новата влада. Претседателот на ССМ, Слободан Трендафилов, најави дека пораките испратени од првомајскиот протест треба да бидат црвен аларм за сите оние што ќе го очекуваат гласот на работниците на 8 мај.
„Ние работниците излегуваме на протест и на Први мај ќе побараме враќање на трошоците за храна и превоз, право што го изгубивме во 2009 година поради бруто-системот за пресметка на платите во Македонија. Ќе бараме зголемување на платите, и тоа во првите 100 дена од новата влада, особено зголемување на минималната плата, на најмалку 450 евра, онолку колку што таа изнесува во регионот за да не се доведеме во ситуација нашите граѓани, работниците од Македонија, да градат туѓи економии и да работат за туѓи интереси“, рече претседателот Трендафилов.
Трошоците за храна и превоз што ССМ бара да се вратат во пресметките за плата изнесуваат 20 отсто од просечната плата. Според сегашните пресметки, ако од минималната плата се одбијат овие трошоци и давачките што сега се плаќаат, излегува дека работниците што имаат минимална плата, работат за 14.000 денари.
„Бараме 20 отсто од просечната плата за трошоци за превоз и за храна ако имаме предвид дека секојдневно поскапуваат не само реагенсите туку и трошоците за храна. Ако се има предвид синдикалната кошничка, над 20.000 денари изнесуваат трошоците за прехранување на едно четиричлено домаќинство. Зборуваме за леб и вода, не повеќе. Сметаме дека трошоците за храна и превоз треба да се вратат во платите на работниците ако имаме предвид дека 22.500 е минималната плата од март, доколку ги пресметате трошоците за храна и за превоз, во согласност со даночните ослободувања, ќе видите дека немате плата ниту 14.000 денари. Поради тоа, работниците го очекуваат од нас барањето за враќање на трошоците за храна и превоз“, рече Трендафилов.
Тој потсети на првомајскиот протест од 2018 година организиран со мотото „Гаси скара, касни плата“ за кое рече дека важи и денес оти доцнат платите во „Македонски шуми“, работниците во културата преку протести издејствуваа усогласување и исплата на платите, а повеќе од 20.000 работници, според податоците од Управата за јавни приходи, земаат плати пониски од минималната.
„Да не се лажеме, ако не излезете на протест, нема да добиеме ништо. Колку ќе дојдеме, колку ќе излеземе на протест, толку и ќе добиеме. Доколку очекувате во наредните пет години некој кога ќе ја води државата да ве слушне, сте се излажале. Денеска е моментот кога треба да излезете на улица и да кажете што барате од сите тие што очекувате да ја водат државата“, повика Трендафилов.
Заедно со протестот Трендафилов најави дека работниците ќе го бранат и Работничкиот дом од институциите што го презедоа. „Нека дојдат и нека си ја пробаат среќата“, порача тој.
Протестот ќе почне во 11 часот пред Работничкиот дом, ќе продолжи пред Собранието, пред Стопанската комора и ќе заврши пред Владата, каде што работниците ќе ги упатат пораките, ќе кажат зошто не се задоволни и ќе им кажат на оние што го чекаат гласот од нив дека треба да се погрижат повеќе за работниците.
Македонија
УЈП: До 26 април продолжен рокот за поднесување на ДДВ-04 пријавите
Управата за јавни приходи информира дека пропишаниот рок за поднесување на пријавите за данокот на додадена вредност, ДДВ-04, кој истекува на 25.4.2024 година, се продолжува за еден ден.
Според соопштението од УЈП, краен рок за поднесување на пријавите ДДВ-04, ќе се смета 26.4.2024 година имајќи ја предвид владината одлука, со која 24.4.2024 година (среда) се прогласува за неработен ден за сите граѓани.