Македонија
Австриски пратеник тврди дека Македонија бара од Австрија гумени куршуми и шок бомби за бегалците
Пратеникот во австрискиот парламент од Зелените, Петер Пилц тврди дека македонската полиција бара од Виена опрема за одржување на ред и мир и тоа не само заштитна опрема, туку и опрема за одбрана и разбивање на собири.
Австрија најави воено-техничка помош за Македонија во совладувањето на бегалската криза, но на прашањето на Пилц до министерката за внатрешни работи, Јохана Микл-Лајтнер дали оваа поддршка предвидува и испорака на гумени куршуми, таа демантира дека постојат било какви конкретни планови за испорака на оружје на Македонија.Пилц тврди дека дошол до писмо од македонската полиција во кое се бара опрема за разбивање на собири.„Покрај пендреци, бибер спрееви и електро – шокови, Скопје за својата полиција бара и оружје со гумени куршуми, како и шок бомби“, тврди Пилц.Пилц побара одговор од Министерката и гаранции дека оваа опрема нема да се употребува против деца, бидејќи, како што предупреди, со такво оружје би можеле да се нанесат тешки повреди.Според информациите на австрискиот пратеник, слични барања македонските власти упатиле до Виена, Будимпешта и Белград, оценувајќи дека станува збор за подготовки за „пукање кон бегалците“ и сето ова според него ќе се претвори од помош за бегалците во борба против бегалците. Барањата на македонската полиција, според Пилц, се последица од состанокот на директорите на полициите на Македонија, Србија, Хрватска, Словенија, Унгарија и Австрија, којшто се одржа на 1 март во Белград, каде според него, е договорена примена на мерки за запирање на бранот на бегалци, кои се усвоени на неодамнешниот собир за Западен Балкан во Виена. Министерството за внатрешни работи на Австрија, кое ги демантираше сите тврдења на Пилц, во соопштение објаснува дека собирот во Белград најпрвин не бил продолжение на на Виенската конференција туку следел по одржаниот состанок во Загреб, а листата на барања од Македонија не била предмет на состанокот.„Таа листа му е позната на Министерството и таа е упатена на Амбасадата во Австрија“, се наведува во одговорот на Министерството во којшто порачуваат дека не постојат никакви конкретни планови во врска со испорака на оружје меѓу Македонија од Австрија. /крај/тј/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонски концепт: Ја поздравуваме одлуката на кандидатот Пендаровски да го истрча и вториот круг
Колку беше важна победата на кандидатката Гордана Силјановска Давкова во првиот круг, толку е важна одлуката на кандидатот Стево Пендаровски да го истрча и вториот круг и да не ги бојкотира претседателските избори, велат од Македонски концепт.
„Бојкот никогаш не бил решение, ниту на Референдуми, ниту на Попис на население, ниту пак на Избори. Мора да се почитува волјата на народот и да биде мирно предадена власта на победничката Коалиција „Твоја Македонија“, предводена од ВМРО ДПМНЕ, а чиј дел е и нашата партија Македонски Концепт.
Партијата Македонски Концепт честита на огромното водство на кандидатката Гордана Силјановска Давкова, што е резултат на нашите политики за обединување на опозицијата, нешто што го депласираше и детронизирање ДУИ и нивните сдса измеќари, а со цел уште поголема победа во вториот круг на 8ми Мај, повикуваме на уште поголемо обединување и окрупнување на Коалицијата „Твоја Македонија“ со останати добронамерни политички партии и членови и симпатизери на останати партии, чии водства се платеници на ДУИ, но нивните поддржувачи се искрени Македонци и искрено се радуваат на оваа голема македонска победа.
Македонски Концепт го реафирмира својот став за граѓански концепт на Уставот на државата и ги повикува сите македонски граѓани, без разлика на етничка, верска, партиска или друга припадност, да се вклучите во нашите активности и на 8ми Мај да дадете поддршка на Коалицијата „Твоја Македонија“ и број 2 на гласачкото ливче и за претседателски и за парламентарни избори“, велат од партијата.
Македонија
ВМРО-ДПМНЕ: Народот избра промени, да излеземе уште помасовно на 8. мај
Огромната поддршка обврзува за промени и брзи резултати, да излеземе уште помасовно на 8-ми мај, а потоа следува економска трансформација на Македонија, порача ВМРО-ДПМНЕ по првиот круг од претседателските избори.
„Народот избра промени. Македонија повторно ќе биде горда и твоја.
Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8-ми мај.
На 8-ми мај СДС ќе доживеат уште поголем пораз, затоа што народот сака промени, и просперитет за Македонија.
ВМРО-ДПМНЕ се обврзува на напорна работа и експресни резултати по 8-ми мај, народот мора брзо да ги почувствува промените и Македонија да тргне напред.
По 8-ми мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8-ми мај следува економска трансформација на Македонија.
Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија.
Македонија повторно твоја“, се вели во соопштението на ВМРО-ДПМНЕ.
Македонија
Силјановска убедливо пред Пендаровски во првиот круг со 40 наспроти 19,93 отсто од гласовите
Кандидатката за претседател поддржана од ВМРО-ДПМНЕ и коалицијата, Гордана Силјановска со убедливо водство влегува во вториот круг од претседателските избори, каде како и во 2019 година ќе се соочи со нејзиниот опонент Стево Пендаровски.
Според пребројани 99,85 отсто од гласовите, Силјановска освои 362.682 гласа, или 40,08 отсто, додека Пендаровски првиот изборен круг го завршува со 180.306 гласа, односно 19,93 отсто.
Зад нив е Бујар Османи од Европскиот фронт со освоени 120.903 гласа (13,36 отсто), потоа Максим Димириевски од ЗНАМ со 83.787 гласа (9,26 отсто), Арвен Таравари од ВРЕДИ со 83.356 гласови (9,21 отсто). Следна е Билјана Ванковска од Левица со освоени 41.172 гласа (4,55 отсто) и Стевчо Јакимовски од ГРОМ со 0,90 отсто, односно 8.103 гласови.
Вториот круг од претседателските избори ќе се одржи на 8 мај, заедно со парламентарните.