Македонија
Блокадите на крстосниците не им се допаѓаат на скопјани
Три крстосници во централното подрачје на Скопје, во средата, речиси еден час беа блокирани од поддржувачи на граѓанското движење „Протестирам“ и на Шарената револуција, со цел да им се предочи на граѓаните како со години наназад се блокирани државните институции.
Организаторите апелираат за трпение и разбирање од граѓаните коишто напладне на кратко беа заглавени во сообраќајот во Скопје.„Шарената револуција продолжува да делува и блокадата е симболичен начин да се покаже дека ова што денеска се случува на улиците низ Скопје, истото тоа се случува во институциите во Македонија. Револтот ќе продолжиме да го изразуваме се до ултимативниот рок на 18-ти јуни. Сé уште веруваме дека постои мирен начин за решавање на кризата, меѓутоа мораме да делуваме со вакви форми за да им доловиме што се случува на сите граѓани во државата кои немале шанса да ги слушнат бомбите од лидерот на опозицијата и кои не го почувствувале притисокот од државните институции на сопствената кожа“, реч Александар Богоевски.На прашањето што по 18-ти јуни, Богоевски рече дека нема да се престане со протестирање, токму напротив, тогаш ќе настапат големи промени во Македонија.„По 18-ти, мислам дека следуваат големи промени во Република Македонија. Револуцијата нема да заврши со заминувањето на Никола Груевски од власт. Ниту ќе замине со исполнување на трите брања кои засега ги поставуваме како ултиматум. Во оваа држава треба да се направат многу промени. Законите се одлични, но мораме да почнеме да ги почитуваме. Не станува збор за избори, станува збор за криминалот кој се случува во оваа држава и за којшто граѓаните плаќаат даноци и сакаат сѐ да излезе на виделина и да видат транспарентен судски процес“, рече Богоевски.Активистите со шарени бои испишаа порака на асфалтот „Раскрстивме со вас!“ Напладне активистите на Шарената револуција и движењето „Протестирам“ блокираа три крстосници во Скопје кај Соборен храм, кај Судска палата и кај Црвен крст.Протестите главно минаа мирно, освен помал инцидент во кој моторџија упадна на блокадите и почна да ги пцуе и навредува граѓаните што протестираа. И кај Црвен крст, граѓанин на велосипед ги пцуеше собраните што ги блокираа крстосниците и им порача да си одат дома, но тој не застана туку продолжи по улицата.Крстосниците беа блокирани со возила на активистите, но и на истакнати членови на опозициската СДСМ, кои врз регистарските таблички имаат залепено хартија на која пишува „Шарена револуција“ во различни бои. Забележително на блокадата кај Црвен крст беше и тоа што поминаа три амбулантни возила од кои едното од Детската клиника, кои мораа да возат по тротоарите и да ја заобиколат блокадата. Крстосниците ги обезбедуваа десетина полицајци, кои по заминувањето на демонстрантите го воспоставуваа редот во сообраќајот./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.