Македонија
Чауш: Ова ми се случува под директива на Митко Чавков
Обвинетиот во случајот „Фабрика за афери“, Захир Бекири – Чаушот во своите завршни зборови од судот побара да го ослободи и обвини дека целиот случај во којшто е тој обвинет бил конструиран од сегашниот Министер за внатрешни работи, Митко Чавков.
Чауш им се обрати на новинарите и тврдеше дека наводно извесен Мајкл Цивиќ незаконски живее во Струмица и во Македонија, и ја шири, според него, најопасната секта во исламот – како што го реле шиизмот“. Цивиќ имал „огромна фирма“ во Хонгконг и таму, како што рече Чауш, пери пари за синот на министерот, Иван Чавков.„Под директива на Митко Чавков ми се случува цела оваа работа затоа што не му помогнав на Мајкл Цивиќ да влезе во Ирак преку моите пријатели, и таму да го шири шиизмот“, рече Чауштот. Тој му понудил милион евра за да му помогне во ширењето на шиитизмот (исламска конфесија), но Бекири смета дека ова е најопасната секта во Исламот, поопасна и од вехабизмот. Цивиќ поседувал огромно богатство.Иако полицијата во домот на Чаушот изврши претрес за дрога, сепак, најде фалсификувани лични карти, па според Чаушот полицијата имала сознанија дека тој е изумител на „виртуелна дрога“. „Полицијата најверојатно имала сознанија дека ја сум изумил виртуелна дрога што би ме направило појак и од Бил Гејтс“ рече Чауш.Тој не верува во работата на Јавното обвинителство и кога бил повикан таму на 26 февруари се уверил дека актуелната власт има големо влијание врз Обвинителството. Бранителот на Чаушот, Мирослав Вујиќ, рече дека личните документи кои биле најдени во компјутерот на Чауш не биле користени ниту за избори, ниту во некоја постапка пред институциите. „Обвинетите јасно кажаа дека таквите податоци што се најдени кај нив, би можел било кој и во било кое време дополнително да ги стави. Лудост е да помислите дека во куќиштето, лаптопот или УСБ-то се крие дрога“, изјави Вујќиќ. Обвинителството, пак, побара обвинетите да бидат прогласени за виновни и сметаат дека има доволно докази коишто ја докажуваат новата вина.„Експертите за компјутерски науки кажаа дека не би можело да не биде забележано ако во компјутерот дополнително биле внесувани податоци. Тоа би оставило трага на електронските записи“, рече Обвинителката.Во вторник во 9.30 часот судијката закажа соопштување на пресудата за овој случај. Захир заедно со својот брат Имер се сомничат дека стојат директно зад аферата со фалсификуваните лични карти.Според обвинението, Захир Бекири во својот дом имал работилница за изработка на фалсификувани документи, преса, секачи, амблеми, фалсификувани полномоштва од нотари./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан откога беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше коизвестувач на ЕП пред Комитетот за надворешни работи (АФЕТ), а Реслер беше коизвестувач пред Комитетот за буџет (БУДГ).
Реслер за новинската агенција „Хина“ изјави дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофира дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отвори пред две години, а Македонија само делумно, со оглед на тоа што за целосен почеток на преговорите неопходни се уставни измени за внесување на Бугарите во Уставот. Лидерите на земјите членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.