Македонија
Четирикратно зголем бројот на мигранти во првите пет месеци од годинава
Бројот на мигрантите во првите пет месеци од годинава на територијата на нашата држава е четирикратно зголемен, а кривичните дела и сторителите поврзани со криумчарење мигранти во однос на истиот период од минатата година е двојно зголемен, покажуваат податоците на Министерството за внатрешни работи презентирани на Регионален форум на министри за внатрешни работи од земјите на Регионалната иницијатива за азил, бегалци и миграција – МАРРИ кој се денес одржа во Скопје.
„Ескалацијата на проблемот со незаконските миграции не се регионални или национални, тие се меѓународен проблем и затоа потребно е и меѓународен одговор на овој проблем“, рече министерот за внатрешни работи Митко Чавков.Според министерот Чавков, земјите од регионот изминатиов период беа и сѐ уште се под огромен притисок предизвикан од миграциските текови кои се должат на конфликтите и жариштата кои траат во повеќе држави. „Особено последниве недели Македонија од јужната граница се соочува со огромен притисок на илегални мигранти кои се обидуваат да ја искористат нашата територија како транзит упатувајќи се кон север, односно во богатите членки на ЕУ“, потенцираше Чавков.„Македонската полиција максимално ги вложува своите капацитети за справување со овој проблем, но сите заедно сме свесни за неговите димензии, рече Чавков, дотолку повеќе што проблемот со мигрантите не е локално или регионално прашање, туку тоа претставува глобален предизвик“, рече Чавков.Во однос на последните случувања за злоупотреба на мигрантите од криминални групи, Чавков потенцираше дека МВР ги мултиплицира сите мерки и активности кои што резултираа со кривични пријави.Покрај другите дискутанти на форумот на МАРРИ свое излагање имаше и амбасадорот на Велика Британија во Македонија, Чарлс Гарет којшто истакна дека регионалните иницијативи и органи се од огромна важност во решавањето на прекуграничните прашања и особено кога се зборува за чувствителни прашања како што е миграцијата.„Миграцијата не е првпат една од клучните меѓународни приоритети и целата меѓународна заедница е запрепастена од смртта на стотици па дури и илјадници мигранти кои се обидуваат да го преминат медитеранот. Сведоци сме на жртви и овде во Македонија. Бројките се чини дека растат неверојатно. Нелегалната миграција е прашање кое што бара сеопфатни решенија и Регионалниот центар МАРРИ кој што Британсакта амбасада го поддржува преку нашиот проект за подобрување на постапките за воспоставување на идентитетот на нелегалните мигранти во регионот на МАРРИ е дел од тој сеопфатен приод“, рече амбасадорот Гарет.Тој, покрај ова, најави дека Велика Британија, како и меѓународната заедница во глобала ќе ги поддржи националните институции во изградбата на одржливи и ефективни механизми за заедничка акција во идентификацијата на нерегуларните мигранти. „Ова ќе го направиме преку развивање и усвојување регуларна правна рамка во регионот на западниот Балкан за толкување на ретките јазици, а ќе се воспостави и заедничка база на податоци за преведувачи на ретки јазици коишто ќе ги користат националните миграциски служби во земјите членки на МАРРИ“, нагласи Гарет.Форумот на МАРРИ е организиран во рамките на Претседателството на Република Македонија 2014-2015 со оваа регионална иницијатива, а во рамки на денешниот собир претседателството со МАРРИ го превзеде Црна Гора./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Стојаноска од Јегуновце: Оваа криминална власт вчера го доби жолтиот картон, а црвениот и следува на 8 мај
Од победничко Јегуновце, најпрво се заблагодарувам и им честитам на сите граѓани на Република Македонија, особено на тие од изборната единица шест, затоа што вчера ја направија Македонија горда, кажа Дафина Стојаноска, носител на ВМРО-ДПМНЕ во изборната единица 6.
„Вчерашниот датум, 24 април, оваа криминална власт го доби жолтиот картон, а црвениот и следува на 8 мај.
Денес продолжуваме со стисок на рака повеќе и барање на глас повеќе, заедно да се обединиме против криминалот“, порача таа.
Ова политичко зло, како што рече, „да го испратиме во пензија и Македонија повторно да ја направиме ваша и повторно горда“.
Македонија
Милица Џаровска се прости од својот татко: Не ти кажав, ама ти знаеше дека ми беше идол
Велибор Џаровски – Џаро, познатиот менаџер, почина денес на 75-годишна возраст, по кратко боледување, додека веста за неговото испраќање ја објави неговата ќерка Милица.
– Чао Благојче мој, знам дека и горе ќе се снајдеш и ќе најдеш некоја сигурица за играње. Не ти кажав, ама ти знаеше дека ми беше идол“.
Тој зад себе ги остави сопругата Виолета, внуците Лара и Лука, но и единствената ќерка Милица, позната естрадна новинарка. Таа минатата година ја издаде книгата „Живот на коцка” која му ја посвети токму него.
Џаро соработуваше со најголемите југословенски естрадни ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Беше познат и како крал на местенките во фудбалот.
Македонија
Тошковски во посета на ЕВР Центар и Бит Пазар: во фокусот недостатокот на човечки ресурси, возила и материјално-технички средства
Министерот за внатрешни работи Панче Тошковски денес оствари работни посети на Полициската станица Центар и Полициската станица Бит Пазар кои функционираат во рамките на Единицата за внатрешни работи Центар и Бит Пазар каде одржа состаноци со раководството.
Оваа Единица се соочува со најголем обем на работа на ниво на целата држава имајќи ја предвид структурата на теренот кој го покриваат кадешто се наоѓаат голем број на државни институции, културни објекти и дипломатско-конзуларни претставништва поради што на дневна основа има многу голема фрекфенција на луѓе.
Во однос на вчерашниот изборен ден министерот Тошковски беше информиран дека не се забележани поголеми нарушувања, освен констатирано едно кривично дело каде член на изборната комисија се обидел да гласа за друг. Исто така, беше потенцирано дека за вториот круг потребно е да се зголеми бројот на полициски службеници со цел овозможување на непречено спроведување на изборите.
„ЕВР Центар и Бит Пазар се соочува со сериозен недостаток на човечки ресурси, како во делот на униформираната полиција така и во делот на инспекторите. ОД аспект на условите за работа во двете полициски станици и опременоста со материјално-технички средства и возила состојбата е алармантна. И покрај овие проблеми, сепак беше потенцирано дека бележат солидни резултати во расчистувањето на кривични дела.“, издвои министерот Тошковски.
Заеднички беше констатирано дека во иднина треба да се размислува за дислокација на Полициската станица Центар во посоодветен објект со подобри просторни услови, со што ќе се овозможи подобро и поефикасно постапување на полициските службеници.