Македонија
Дебатата при крај, ќе се гласа за импичмент на Иванов
Пратениците, во вторник попладне треба да гласаат по Предлогот за покренување постапка за утврдување одговорност на претседателот Ѓорге Иванов, поднесен од опозицијата, откако ќе завршат со дискусија уште девет пријавени пратеници.
Во рамки на 105-та седница, која трае веќе пет дена, пратениците расправаа за одговорноста на Иванов за одлуката за аболиција и за подоцнежното повлекување.Пратениците од СДСМ и ДУИ сметаат дека претседателот мора да сноси одговорност за помилувањето и треба да биде отповикан, додека, пак, пратениците од ВМРО-ДПМНЕ оценија дека иницијативата на опозицијата е несонована.„Претседател на Република Македонија, колку гордо некогаш звучеше. Гордо звучеше и за сите нас неизмерно значеше се до седнувањето на Ѓорге Иванов во претседателската фотелја. Човек кој со својот аматеризам целосно ја деградираше оваа позиција. Човек кој направи повеќе гафови отколку државнички говори. Човек кој направи повеќе глупости отколку официјални посети. Човек кој воопшто не ни заслужува да се ословува како претседател на Република Македонија. Но, за волја на вистината и човек кој со одлуката за аболиција најверојатно, несвесно ја инспирираше Шарената револуција која вчера на дело ја покажа целата своја сила и надмоќ врз режимското сивило на ВМРО-ДПМНЕ. Ѓорге Иванов ги помилуваше сите оние од врвот на ВМРО-ДПМНЕ кои ги слушнавме од бомбите, во „Вистината за Македонија“ заглавени во криминал до гуша. Еден дел од нив вмешани и во изборен криминал и фалсификат“, рече Стефан Богоев од СДСМ. Порача дека на и треба претседател кој ќе се поздравува, наместо да си намигнува, со кој ќе се гордееме, наместо од него да се срамиме, „на Македонија и треба претседател државник, а не дворски шут на кој му се смее целиот свет“.Пратеникот Димитар Стевананџија од ВМРО-ДПМНЕ му рече на Богоев дека бил лошо воспитан и ги идеализирал лидерите на СДСМ.Андон Чибишев од ВМРО-ДПМНЕ додаде дека пратениците од опозицијата продолжуваат со говорот на омраза, непочитувајќи го кодексот на одговорност.Според Ибрахим Енес од Партијата за движење на Турците, претседателот Иванов со своите „непромислени потези, работи против државата и интересите на турската заедница во Македонија“.Ибрахим јавно го праша Иванов дали се согласува со своите тесни соработници од власта кои се фалеа со тоа што можеле да ги фатат Турците за уши и да ги носат на гласање, притоа нарекувајќи ги цигани. Дали и Иванов е исто така соучесник на оваа фашистичко-шовинистичка реторика која е исфорсирана од страна на ВМРО-ДПМНЕ? Пратеникот на ТХП Енес Ибрахим потврди дека Турската заедница веќе не се плаши од овие банални нацистички постапки и дека јасно и гласно се борат со овој режим. Но исто така Ибрахим постави уште едно прашања до Иванов: „’дали и Иванов сака да биде исвиркан од Турците како што тоа го доживеа Груевски?”Претходно, собраниската Комисија за оценување на оправданоста за покренување одговорност на претседателот го оцени Предлогот како неоснован. За да помине на пленарна седница Предлогот треба да го поддржат 82 пратеници, а доколку Собранието го изгласа Предлогот за импичмент на претседателот ќе треба да се произнесе и Уставниот суд./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Отстранети 100 кубни метри отпад од диви депонии во Ѓорче Петров
Во текот на изминатите два дена, екипите на ЈП Комунална хигиена-Скопје, во координација со Градот Скопје, спроведоа акција за отстранување неколку диви депонии лоцирани во скопската општина Ѓорче Петров.
Во рамките на акцијата беа подигнати и транспортирани приближно 100 кубни метри претежно кабаст, градежен и мешан комунален отпад, при што се отстранети 60 кубни метри отпад од обемна дива депонија на улицата Црногорска, во близина на автобуската постојка, како и 40 кубни метри отпад од неколку помали диви депонии лоцирани на улиците Македонска војска, Христо Батанџиев, Борис Сарафов, Никола Пушкаров и Лука Геров.
Градот Скопје и ЈП Комунална хигиена-Скопје апелираат до граѓаните правилно и совесно да го одлагаат својот отпад и на тој начин да придонесат кон заштитата на животната средина и јавното здравје.
Македонија
„Алкалоид“ најпосакуван работодавач за 2023 година – апсолутен победник според „Вработување.ком“
„Алкалоид“ најпосакуван работодавач за 2023 година – апсолутен победник според „Вработување.ком“ „За една успешна и амбициозна компанија огромен предизвик е да се одржат високото ниво на организациска култура, фокусот на резултати и високото ниво на етички вредности. ’Алкалоид’ секогаш се стреми да ги регрутира најдобрите кандидати на пазарот на трудот, без оглед на тоа за која позиција станува збор“.
„Алкалоид“ АД Скопје по вторпат е прогласен за апсолутен победник за најатрактивен работодавач, односно најпосакувана македонска компанија за работа за 2023 година, врз основа на следните критериуми: следење на интересот за објавите и за огласите на компаниите од страна на посетителите на интернет-страницата „Вработување.ком“, интересот на апликантите и спроведената анкета на тема „Во која компанија би се вработиле без размислување?“. Настанот за првпат се реализираше во 2023 година низ симболиката на оскари за работодавачите во земјава, со цел афирмирање на позитивните практики на македонскиот пазар на трудот.
Наградата за работодавач на годината му беше врачена на Генералниот директор и Претседател на Управниот одбор на „Алкалоид“, Живко Мукаетов, кој изјави: „Ова е награда на 3.000 семејства кои работат во ’Алкалоид’ во Македонија и подружниците во странство! Признание за целиот оној труд, знаење и вештини кои се вградени во секој наш производ и во секој наш процес во изминатите 88 години постоење. Ова признание е доказ дека во Македонија навистина има квалитетни луѓе.“
„Алкалоид“ континуирано негува стимулирачка работна средина и постојано го надградува системот на бенефиции за своите вработени, кој вклучува: обезбедено доброволно приватно здравствено осигурување, бенефиции за децата на вработените во форма на субвенциониран износ за вонучилишни активности, новогодишен линеарен надомест за секој вработен, исплата на регрес за годишен одмор во износ над законски утврдениот минимум, награди за вработените за лојалност и дополнителни надоместоци во согласност со вклученоста во успешно завршени интерни проекти, годишен наменски буџет за едукации и за стручни доусовршувања, редовни тим-билдинг активности, можности за кариерен развој во компанијата и надвор од неа, подарок за секое новороденче на вработен, новогодишни пакетчиња за децата на вработените и друго.
ПР
Македонија
Левица на парламентарните избори ќе настапи со слоганот ,,Неподмитливите во Собранието”
Левица со слоганот ,,Неподмитливите во Собранието” ќе настапи на Парламентарните избори.
Партијата ги објави слоганот и првиот предизборен спот.
Во екот на кампањата за претседателските избори, од денеска официјално стартува и кампањата за изборите за пратеници.