Контакт

Дијаспора

ММДЧП од Стејт департментот побара осуда за Тиранската платформа

Објавено пред

 

dobivaj vesti na viber

Претседателот на Македонското меѓународно движење за човекови права, Бил Николов, повторно се сретна со релевантни претставници на американскиот Стејт департмент и го повтори барањето на ММДЧП за САД да ја осудат Тиранската платформа, наместо истата да ја оправдуваат и да се залагаат за неа.

 

ММДЧП побара амбасадорот Џес Бејли веднаш да се отстрани од функцијата амбасадор на САД во Република Македонија, Заменик-помошникот државен секретар Хојт Брајан Ји да го повлече своето барање за доделување на мандат на анти-македонската коалиција и за задоцнетата политика за Македонија на претседателот Трамп да се спроведе веднаш.

 

Николов изрази огорченост заради намерите на САД активно да ја поддржат коалицијата чија цел е да се сменат името на Македонија, идентитетот, знамето, химната, што претставува закана за територијалниот интегритет на Македонија. Тој ја потенцира иронијата со револтот од САД поради руската интервенција во неодамнешните претседателски избори, со оглед на тоа што јадрото на американската надворешна политика во последните седум децении е токму тоа – странски интервенционизам. Тој побара од американскиот Стејт департмент и особено американската амбасада во Македонија, да се држат до принципите на новата администрација на Трамп кои што ветија дека ќе стават крај на американското мешање во внатрешните работи на други држави.

 

Николов го повтори и барањето на ММДЧП за САД да се откажат од преговорите за името – со што ќе се покаже вистинската американската заложба за суверенитетот на Македонија – за разлика од актуелните напори да го поткопаат истиот. Со ова ќе се елиминира проблемот кој што доведе до нестабилност во регионот, која што е присутна уште од осамостојувањето на Република Македонија во 1991 година.

 

Потенцирана беше и потребата за САД да ги осудат антимакедонските изјави, постапки и уцени од страна на ЕУ, Европскиот парламент и соседите на Република Македонија, а особено бизарната Резолуција на Европскиот парламент со која што македонското малцинство во Албанија беше прогласено за „бугарско”, како и изјавата на Високата претставничка на ЕУ за надворешна политика и безбедност Федерика Могерини дека разговорите за влез во ЕУ за „оваа земја” ќе бидат во прекин, доколку не биде даден мандат за формирање на Влада на антимакедонската коалиција. Иронијата е во тоа што на Македонија и’ е всушност блокиран влезот во НАТО и ЕУ додека не го смени името за да се задоволи Грција, земја-членка на ЕУ која што ја има поддршката на Унијата во негирање на постоењето на македонската нација.

 

Николов изрази бес дека македонското малцинство на Балканот не само што не уживаат во човековите права “загарантирана” од страна на Европската унија, но и дека често мора да се одбрани од нападите врз нејзините етнички потекло од страна на самата Европска унија, вклучувајќи одбивањето од страна висока главен Могерини и ЕУ да ја нарекувам Македонија со нејзиното име. Николов повика на годишниот Стејт Департментот Извештај за човекови права да се вклучат сите случаи на кршење на човековите права на Македонците во балканските земји како оваа информација е постојано се предвидени за нив од страна на ММДЧП. Тој, исто така, потврди дека прогрчки, анти-македонски термини како “словенски групи” не смее да се користи за опишување на Македонците, бидејќи ова е термин кој се користи од страна на Грција за да го негираат етничко потекло Македонци.

 

Николов изрази огорченост затоа што македонските малцинства на Балканот, не само што не ги уживаат човековите права што треба да се „гарантирани“ од страна на Европската Унија, туку и заради тоа што многу често се во ситуација да мора да се бранат од нападите врз своето етничко потекло. Напади кои што доаѓаат од самата Европска Унија, вклучувајќи и одбивањето на Високата претставничка Могерини и државите членки на Европската Унија да и’ се обратат на Македонија со нејзиното вистинско име. Николов побара во годишниот Извештај на Стејт департментот за човековите права во земјите од светот да бидат вклучени и сите кршења на човековите права на Македонците во балканските држави, од информациите кои што континуирано ги добиваат од ММДЧП. Тој исто така нагласи и дека про-грчки, анти-македонски термини како „словенски групи“ не смеат да се употребуваат во опишување на Македонците, бидејќи тоа е терминот што се користи од страна на Грција за да го негираат етничкото потекло на Македонците.

 

На крајот Николов побара уште и истите права кои што се загарантирани за албанското малцинство со Охридскиот рамковен договор да се имплементираат и за македонското малцинство во Албанија, Бугарија, Грција, Косово и Србија.

 

Двојниот стандард за Македонија и Македонците мора да прекине веднаш. ММДЧП очекува САД да ги почитуваат сопствените декларации за демократија и човекови права и да обезбеди услови тоа конечно и да се оствари./крај/мф

Дијаспора

Османи во Швајцарија и Шпанија ќе се сретне со дијаспората за да бара поддршка за пописот

Објавено пред

Министерот за надворешни работи, Бујар Османи, од утре ќе престојува во работна посета на Швајцарија и Шпанија.

dobivaj vesti na viber

„Во рамките на престојот во Берн, министерот Османи ќе оствари средба со бројни здруженија на граѓани и членови на нашата дијаспора од кои ќе побара поддршка за процесот на Попис 2021“, соопшти Министерството за надворешни работи.

За време на престојот во Швајцарија, Османи ќе се сретне и со својот колега, сојузниот министер за надворешни работи на Швајцарија, Игнацио Касис. Тема на разговорите ќе биде севкупниот развој на односите меѓу двете земји, со посебен фокус на билатералната развојна помош на Швајцарија кон Република Северна Македонија.

Директно од Швајцарија, министерот Османи патува за Мадрид на средба со својот домаќин, министерката за надворешни работи, Европска Унија и соработка на Шпанија, Аранча Гонзалес Лаја. Османи во Мадрид ќе се сретне и со Аурора Мехија, директор за Европска Унија и главен советник во кабинетот на претседателот на Владата, Педро Санчез, а ќе има средба и со претседателот на Комисијата за надворешни работи во Сенатот, Антонио Гутиерез Лимонеси. Главен акцент во разговорите ќе бидат билатералните односи, економската соработка и европските перспективи на државата.

Во рамките на престојот во Мадрид, Османи ќе се сретне и со директорот на Светската туристичка организација Зураб Пололикашвили, а ќе има одделни средби и со претставници на дијаспората на Република Северна Македонија во Шпанија.

Работните посети на Османи на Швајцарија и Шпанија се дел од дипломатските активности за презентација на европското досие на земјата, но и во насока на мобилизација на нашата дијаспора за вклучување во процесот на само-попишување во рамките на Попис 2021.

Прикажи повеќе...

Дијаспора

Дијаспората бара прекинување и поништување на преговорите со Бугарија

Објавено пред

Како реакција кон недоличните барања на бугарската дипломатија за ревидирање на македонската историја, јазик и постоење како посебен народ, Македонците во светот повикуваат на прекинување на сите преговори со Бугарија поврзани со идентитетски прашања.

dobivaj vesti na viber

„Секоја негација на македонскиот јазик, историја и идентитет од страна на соседите повлекува морална, национална и лична одговорност на Македонецот во одбраната на истите.Македонците во светот, со голем гнев и разочараност го осудуваат секој понатамошен “договор” со Софија со кој експлицитно се бара преименување на историјата и бришење на македонската вековна историска поврзаност и посебност. Причина повеќе и поради ставот на Советот на ЕУ од 25 март годинава, во кој се внесени забелешките на Бугарија за отпочнување на идни преговори“, се вели во соопштението на Обединетата македонска дијаспора.

Според нив, Бугарија како сосед и земја членка на ЕУ, отворено бара од Македонија да се откаже од македонскиот јазик и да се употребува само “службениот јазик на Република Северна Македонија.” Истовремено, Бугарија бара да се откажеме од постоењето на македонско малцинство во Бугарија, да прифатиме бугарско толкување на сопствената историја, што вклучува откажување од најзначајните македонски херои и нивно префарбување во Бугари.

„Со неотфрлањето на овие бугарски барања, ЕУ ги погазува своите сопствени вредности и принципи содржани во Договорот на Европската Унија, каде експлицитно се наведува во член 4 , “ ЕУ ги почитува и се залага за националниот идентитет на секоја држава“ како и промоција и реализирање на националните културни и историски вредности (член 167).Поаѓајки од фактот што ЕУ се заснова на ‘почитување’ на основните вредности за човечко достоинство, слобода и демократија во правна држава и има за цел почитување на различните култури и јазици (член 2 и 3), тогаш логички се поставува прашањето, зошто Македонецот е третиран надвор од овие принципи и критериуми? Дали Македонецот не е доволно човек за му се почитува основното право на изразување, самосвест, и самосознание на своето минато?

Ја повикуваме Европската Унија да го почитува нашето постоење како Македонци, да го уважи нашето право да си ја вреднуваме сопствената историја и да си го негуваме сопствениот јазик. Идентитетските прашања никогаш не биле и не треба да бидат предмет на разговори и преговори. Тие се право на поединецот и заедницата, што се над секоја држава или политички субјект.Можеби е време да се смени процедурата на тотален консензус во ЕУ, каде некои земји членки од злонамера го кочат проширувањето и наметнуваат анти- цивилизациски услови за земјите кандидати. Консензусот не е добродет ако со него се газат многу повозвишени вредности и се подриваат темелите на демократска, обединета, различна но сплотена, ЕВРОПА.И покрај сите премрежја со кој се среќаваме, Македонците во светот ја продолжуваат својата борба за промовирање на националните вредности преку изучување на македонскиот јазик, култура и историја, како и комплетна негација на “северната творба и нејзините институции”, се вели во соопштението Координативно тело на Македонците во светот.

Прикажи повеќе...

Дијаспора

ОМД ги осудува бугарските провокативни побарувања од Македонија

Објавено пред

Обединетата македонска дијаспора жестоко ги отфрла непристојните барања на Бугарија за Македонија како предуслов за пристапување во ЕУ.

dobivaj vesti na viber

„Красимир Каракачанов, бугарскиот министер за одбрана, изјави дека Македонија cè согласи да го смени знамето, да го смени името на земјата, а исто така дека ќе cе согласи да ја смени својата историја во замена за поддршката на Бугарија за македонското пристапување во ЕУ.

Бугарската држава исто така достави меморандум за објаснување на сите земји членки на ЕУ, со кое cе намалува македонскиот идентитет и јазик, понатаму инсистирајќи за Македонија да ги негира правата на македонското малцинство, кое живее во границите со Бугарија. Овие видови активности cе длабоко загрижувачки и потсетуваат на ера во европската историја што не треба да cе повтори. Тие ги зачудија Македонците и во Македонија и во дијаспората“, се вели во соопштението.

Според ОМД, во важен момент во долгоочекуваниот процес на пристапување на Македонија во ЕУ, многу е очигледно дека Бугарија cе занимава со опортунистичко политичко стратегирање против ранливата македонска држава како средство за извлекување политички отстапки. Бугарија користи се и сешто за да го казни македонскиот народ, дури и за основните работи, како што cе јазикот, националниот идентитет и историјата.

ОМД смета дека бесрамните изјави на бугарската влада не се ни конструктивни во легитимно унапредување на преговорите со ЕУ ниту, пак, придонесуваат поттикнување пријателски односи меѓу двете соседни држави. Наместо тоа, тие ги нарушуваат кредибилитетот и транспарентноста на процесот на пристапување кон ЕУ, а истовремено го исмејуваат и наводниот договор за пријателство меѓу двете држави.

„Агресивниот став на Бугарија кон Македонија погодно ги намалува значајните домашни проблеми со кои cе соочува владата на Борисов, вклучувајќи и широката распространета корупција, организираниот криминал и опаѓањето на придржувањето кон демократските процеси. Актуелната влада cе соочува со растечки протести и секојдневни собири на незадоволни граѓани.

Неуспехот на ЕУ да реагира активно на бурното поткопување на македонската државност од страна на Бугарија, претставува усогласеност со Бугарија. ЕУ не треба да ѝ овозможи несоодветни постапки на нејзината земја членка со неактивност од нејзина страна.

ОМД апелира до ЕУ, во духот на демократските принципи и почитта кон националните држави, веднаш да ја осуди Бугарија за нејзините постапки. Тие немаат место во модерната ЕУ, која cе стреми да постигне мир и соработка во Балканот. Признавајќи дека процесот на пристапување на Македонија во ЕУ до денес беше еден од најтешките процеси за една национална држава, ЕУ е должна барем да осигури дека преостанатиот пат на Македонија кон пристапувањето кон ЕУ е фер и разумен, без да биде растоварен од бугарските интереси“, се додава во соопштението.

Прикажи повеќе...

Најново

Македонија11 часа

Осуда од Ковачевски за каменувањето на македонскиот клуб во Бугарија: Очекувам да го санкционираат вандализмот во најкраток рок

Претседателот на Владата на Република Северна Македонија, Димитар Ковачевски најостро го осудува вандалскиот чин, на каменување на македонскиот клуб „Никола...

Свет11 часа

Папата Франциско: Законите кои ги криминализираат ЛГБТ луѓето се грев и неправда

Папата Франциско денеска изјави дека законите кои ги криминализираат ЛГБТ луѓето се грев и неправда. Папата ова го кажа како...

Свет11 часа

Русија и Украина: Ситуацијата на фронтот се потешка, вели Зеленски, а шефот на Вагнер тврди дека има тепачки за секоја куќа во Бахмут

Од недела, речиси една година од почетокот на руската инвазија на Украина, стапи на сила речиси целосно ембарго за извоз...

Македонија12 часа

Пендаровски: Негирањето на македонската нација стана секојдневие, очекуваме реакција од Софија

Претседателот Стево Пендаровски го осуди каменувањето на македонскиот клуб во Бугарија, но и ставот на бугарскиот европратеник Александар Јорданов кој...

Регион13 часа

Петков: На Македонија треба да и се каже дека за во ЕУ мора да се отстрани омразата

Зборувајќи за односите меѓу Бугарија и Северна Македонија, поранешниот премиер Кирил Петков во изјава за Бугарското национално радио (БНР) изјави:...

Економија14 часа

Европа од денеска воведува забрана за увоз на руски дизел

Од денеска, Европа воведе забрана за увоз на руски дизел гориво и други нафтени деривати, со што дополнително се намалува...

Регион15 часа

Бугарскиот пратеник по протерувањето од Македонија: Очекувам остра реакција од Бугарија и ново вето за Северна Македонија

Ангел Георгиев во саботата отпатува да ја одбележи 151-годишнината од раѓањето на Гоце Делчев и да го посети гробот на...

Македонија17 часа

МНР ќе испрати писмо до Европскиот парламент за навредите од бугарскот европратеник

Министерството за надворешни работи соопшти дека ќе упати писмо до Европскиот парламент во кое ќе информира за недоличното и навредливо...

Регион18 часа

“Србомански измет”, “титовисти”, “ѓубриња” – куп навреди за Македонците од ексбугарскиот амбасадор

Скандалозното однесување на македонската гранична полиција на границата меѓу Бугарија и Северна Македонија, како и уште поодвратното однесување на македонската...

Македонија18 часа

Пиши-бриши понуда: Стојанов веќе не нуди 200 евра за името на полицаецот од „Деве Баир“, не одговара ниту за што му треба информацијата

Кај претседателот на бугарската фондација „Македонија“, Виктор Стојанов, кој нудеше 200 евра за тој што ќе му каже како се...

Регион19 часа

Адвокатот на приведените Бугари: Шест часа биле тепани и врзани со лисици

Тројцата Бугари од партијата „Вазраждане“ кои беа приведени вчера на граничниот премин-Деве Баир, шест часа биле држени со лисици на...

Македонија20 часа

(Видео) Спасовски: Полицијата на границите и кај Свети Спас беше пример за тоа како се постапува по европски стандарди

Министерот за внатрешни работи Оливер Спасовски им оддаде признание и честитки за професионализмот и посветеноста од страна на сите организациони...

Македонија21 час

Димитриевски: Бугарите ќе влезат во Уставот кога ќе има реципроцитет, кога мојата баба во Благоевград ќе може да биде Македонка

Бугарите ќе бидат запишани во Уставот без никаков проблем кога ќе има реципроцитет, кога мојата баба Бранка во Благоевград ќе...

Регион21 час

Првиот човек на бугарската фондација во Македонија: На границата имаше физичко насилство врз приведените бугарски државјани

Претседателот на фондацијата „Македонија“ Виктор Стојанов обвини дека на границата вчера имало физичко насилство врз приведените бугарски државјани. Тој за...

Македонија21 час

Почина судијата Огнен Ставрев

На 63 години почина судијата Огнен Ставрев од скопскиот Кривичен суд. Тој 25 години судеше во двата скопски основни судови....

Свет23 часа

Зеленски им го одзеде државјанството на поранешни политичари: Ја чистиме земјата од руско влијание

Украинскиот претседател Володимир Зеленски вчера им го одзеде државјанството на неколку поранешни влијателни политичари, како последен чекор за „прочистување“ на...

Регион23 часа

Масовни апсења во Турција: Подготвувале терористички напади врз конзулатите на Шведска и Холандија

За време на операција во Истанбул, турските безбедносни сили уапсија 15 лица кои се осомничени дека примале инструкции за подготовка...

Свет23 часа

Почина Первез Мушараф

По долго и тешко боледување во Дубаи почина поранешниот претседател на Пакистан Первез Мушараф, соопшти пакистанската војска. Во изјавата испратена...

Свет23 часа

Пекинг се закани со одговор на американското соборување на кинескиот балон

По вчерашното соборување на кинескиот шпионски балон над Атлантикот, официјален Пекинг денеска жестоко реагираше. Кинеските власти соопштија дека го задржуваат...

Македонија1 ден

Протерани тројцата Бугари, меѓу кои пратеник: Добија времена забрана за влез во Македонија и казна

Тројцата Бугари кои со погрдни зборови навредуваа полицајци на границата „Деве Баир“, по што беа уапсени, се протерани од Македонија....