Контакт

Дијаспора

Македонците од Канада од Стејт Департментот побараа поддршка за македонското име

Објавено пред

 

Претседателот на Меѓународното македонско движење за човекови права, Бил Николов, на 19-ти октомври се сретна со претставници на американскиот Стејт Департмент и побараа САД веднаш да се откаже од барањето Македонија да го смени своето име и да стави крај на преговорите за името, соопштуваат од ММДЧП. Николов побара од САД да стават крај и на угнетувањето на Македонците во соседните балкански држави и конечно, да прекинат со мешањето во актуелната политичка ситуација во Македонија.

 

Николов го потенцираше ставот на ММДЧП од кој што никогаш не отстапиле, дека Македонија никогаш не треба да се занимава, или да дозволи да биде принудена да се вклучи во било какви преговори за името. Единствен начин да се реши овој вештачки создаден спор за името е преговорите да завршат и дека ММДЧП очекува од САД да застанат во одбрана на своите принципи и да ги квалификуваат преговорите за името како напад врз најосновните права на Македонците. Николов ги повтори позициите на ММДЧП во врска со името кои што му беа предочени и на Специјалниот претставник на ОН, Метју Нимиц, за време на средбата што се одржа на 18 октомври, оваа година.. Едноставно кажано, било каква дискусија за името на Македонија, на Грција и’ дава можност да ги оспорува етничкото потекло на Македонците, името, јазикот, културата и идентитетот. Македонија отсекогаш била позната по тоа име, а грчките тврдења дека името Македонија им припаѓа нив се само тактика во од Грција произведениот спор за името. Николов истакна и дека САД можат да стават крај на овој проблем со осуда за грчкиот став и со целосна поддршка за Македонија.

 

Николов побара од САД да се заложат да прекине дискриминацијата против Македонците, особено од страна на Грција, Бугарија и Албанија, и да инсистираат овие држави да се придржуваат до меѓународните конвенции за човекови права, на кои што и самите тие се потписници. Тој истовремено побара во годишните извештаи на Стејт Департментот за почитување на човековите права во државите, пообемно да се наведат сите прекршувања на човековите права против Македонците. Тој објасни дека во извештаите за Грција да се употребува терминологија која што недвосмислено ќе укажува на непризнавање на македонскот малцинство во таа држава. На пример, досегашната пракса од Стејт департментот да се употребуваат термини како „самоидентификувани Македонци“, или „словенски групи“ само им помага на Грците да го негираат етничкиот идентитет на Македонците и затоа е неприфатлива. Исто така, се наведува дека „…повеќе од два милиона етнички (и лингвистички) грчки граѓани за самоидентификација го употребуваат терминот ‘македонски’…“ не само што не соодвествува со фактите, од причина што етничките Грци никогаш себеси не се идентификувале со терминот ‘македонски’, туку уште и’ помага на Грција да го негира постоењето на македонско малцинство. Поради сето тоа, грчките обиди за искоренување на македонската нација и обидите за незаконско присвојување на терминот ‘Македонија’ – мора да се осуди од страна на Стејт Департментот.

 

Конечно, Николов побара од САД да не се мешаат во внатрешните работи на Македонија и во политичката ситуација. Тој го повтори ставот на ММДЧП дека САД мора да се откажат од својата политика на странски интервенционизам и ако веќе чувствуваат дека мора да дадат насоки за другите демократии во светот, нека го направат тоа со сопствен пример. И не постои подобар пример од најтранспарентниот чин на угнетување на Грција кон Македонија, преку спорот за името – и да стават крај на преговорите./крај/мф/бс

 

Дијаспора

Османи во Швајцарија и Шпанија ќе се сретне со дијаспората за да бара поддршка за пописот

Објавено пред

Министерот за надворешни работи, Бујар Османи, од утре ќе престојува во работна посета на Швајцарија и Шпанија.

„Во рамките на престојот во Берн, министерот Османи ќе оствари средба со бројни здруженија на граѓани и членови на нашата дијаспора од кои ќе побара поддршка за процесот на Попис 2021“, соопшти Министерството за надворешни работи.

За време на престојот во Швајцарија, Османи ќе се сретне и со својот колега, сојузниот министер за надворешни работи на Швајцарија, Игнацио Касис. Тема на разговорите ќе биде севкупниот развој на односите меѓу двете земји, со посебен фокус на билатералната развојна помош на Швајцарија кон Република Северна Македонија.

Директно од Швајцарија, министерот Османи патува за Мадрид на средба со својот домаќин, министерката за надворешни работи, Европска Унија и соработка на Шпанија, Аранча Гонзалес Лаја. Османи во Мадрид ќе се сретне и со Аурора Мехија, директор за Европска Унија и главен советник во кабинетот на претседателот на Владата, Педро Санчез, а ќе има средба и со претседателот на Комисијата за надворешни работи во Сенатот, Антонио Гутиерез Лимонеси. Главен акцент во разговорите ќе бидат билатералните односи, економската соработка и европските перспективи на државата.

Во рамките на престојот во Мадрид, Османи ќе се сретне и со директорот на Светската туристичка организација Зураб Пололикашвили, а ќе има одделни средби и со претставници на дијаспората на Република Северна Македонија во Шпанија.

Работните посети на Османи на Швајцарија и Шпанија се дел од дипломатските активности за презентација на европското досие на земјата, но и во насока на мобилизација на нашата дијаспора за вклучување во процесот на само-попишување во рамките на Попис 2021.

Прикажи повеќе...

Дијаспора

Дијаспората бара прекинување и поништување на преговорите со Бугарија

Објавено пред

Како реакција кон недоличните барања на бугарската дипломатија за ревидирање на македонската историја, јазик и постоење како посебен народ, Македонците во светот повикуваат на прекинување на сите преговори со Бугарија поврзани со идентитетски прашања.

„Секоја негација на македонскиот јазик, историја и идентитет од страна на соседите повлекува морална, национална и лична одговорност на Македонецот во одбраната на истите.Македонците во светот, со голем гнев и разочараност го осудуваат секој понатамошен “договор” со Софија со кој експлицитно се бара преименување на историјата и бришење на македонската вековна историска поврзаност и посебност. Причина повеќе и поради ставот на Советот на ЕУ од 25 март годинава, во кој се внесени забелешките на Бугарија за отпочнување на идни преговори“, се вели во соопштението на Обединетата македонска дијаспора.

Според нив, Бугарија како сосед и земја членка на ЕУ, отворено бара од Македонија да се откаже од македонскиот јазик и да се употребува само “службениот јазик на Република Северна Македонија.” Истовремено, Бугарија бара да се откажеме од постоењето на македонско малцинство во Бугарија, да прифатиме бугарско толкување на сопствената историја, што вклучува откажување од најзначајните македонски херои и нивно префарбување во Бугари.

„Со неотфрлањето на овие бугарски барања, ЕУ ги погазува своите сопствени вредности и принципи содржани во Договорот на Европската Унија, каде експлицитно се наведува во член 4 , “ ЕУ ги почитува и се залага за националниот идентитет на секоја држава“ како и промоција и реализирање на националните културни и историски вредности (член 167).Поаѓајки од фактот што ЕУ се заснова на ‘почитување’ на основните вредности за човечко достоинство, слобода и демократија во правна држава и има за цел почитување на различните култури и јазици (член 2 и 3), тогаш логички се поставува прашањето, зошто Македонецот е третиран надвор од овие принципи и критериуми? Дали Македонецот не е доволно човек за му се почитува основното право на изразување, самосвест, и самосознание на своето минато?

Ја повикуваме Европската Унија да го почитува нашето постоење како Македонци, да го уважи нашето право да си ја вреднуваме сопствената историја и да си го негуваме сопствениот јазик. Идентитетските прашања никогаш не биле и не треба да бидат предмет на разговори и преговори. Тие се право на поединецот и заедницата, што се над секоја држава или политички субјект.Можеби е време да се смени процедурата на тотален консензус во ЕУ, каде некои земји членки од злонамера го кочат проширувањето и наметнуваат анти- цивилизациски услови за земјите кандидати. Консензусот не е добродет ако со него се газат многу повозвишени вредности и се подриваат темелите на демократска, обединета, различна но сплотена, ЕВРОПА.И покрај сите премрежја со кој се среќаваме, Македонците во светот ја продолжуваат својата борба за промовирање на националните вредности преку изучување на македонскиот јазик, култура и историја, како и комплетна негација на “северната творба и нејзините институции”, се вели во соопштението Координативно тело на Македонците во светот.

Прикажи повеќе...

Дијаспора

ОМД ги осудува бугарските провокативни побарувања од Македонија

Објавено пред

Обединетата македонска дијаспора жестоко ги отфрла непристојните барања на Бугарија за Македонија како предуслов за пристапување во ЕУ.

„Красимир Каракачанов, бугарскиот министер за одбрана, изјави дека Македонија cè согласи да го смени знамето, да го смени името на земјата, а исто така дека ќе cе согласи да ја смени својата историја во замена за поддршката на Бугарија за македонското пристапување во ЕУ.

Бугарската држава исто така достави меморандум за објаснување на сите земји членки на ЕУ, со кое cе намалува македонскиот идентитет и јазик, понатаму инсистирајќи за Македонија да ги негира правата на македонското малцинство, кое живее во границите со Бугарија. Овие видови активности cе длабоко загрижувачки и потсетуваат на ера во европската историја што не треба да cе повтори. Тие ги зачудија Македонците и во Македонија и во дијаспората“, се вели во соопштението.

Според ОМД, во важен момент во долгоочекуваниот процес на пристапување на Македонија во ЕУ, многу е очигледно дека Бугарија cе занимава со опортунистичко политичко стратегирање против ранливата македонска држава како средство за извлекување политички отстапки. Бугарија користи се и сешто за да го казни македонскиот народ, дури и за основните работи, како што cе јазикот, националниот идентитет и историјата.

ОМД смета дека бесрамните изјави на бугарската влада не се ни конструктивни во легитимно унапредување на преговорите со ЕУ ниту, пак, придонесуваат поттикнување пријателски односи меѓу двете соседни држави. Наместо тоа, тие ги нарушуваат кредибилитетот и транспарентноста на процесот на пристапување кон ЕУ, а истовремено го исмејуваат и наводниот договор за пријателство меѓу двете држави.

„Агресивниот став на Бугарија кон Македонија погодно ги намалува значајните домашни проблеми со кои cе соочува владата на Борисов, вклучувајќи и широката распространета корупција, организираниот криминал и опаѓањето на придржувањето кон демократските процеси. Актуелната влада cе соочува со растечки протести и секојдневни собири на незадоволни граѓани.

Неуспехот на ЕУ да реагира активно на бурното поткопување на македонската државност од страна на Бугарија, претставува усогласеност со Бугарија. ЕУ не треба да ѝ овозможи несоодветни постапки на нејзината земја членка со неактивност од нејзина страна.

ОМД апелира до ЕУ, во духот на демократските принципи и почитта кон националните држави, веднаш да ја осуди Бугарија за нејзините постапки. Тие немаат место во модерната ЕУ, која cе стреми да постигне мир и соработка во Балканот. Признавајќи дека процесот на пристапување на Македонија во ЕУ до денес беше еден од најтешките процеси за една национална држава, ЕУ е должна барем да осигури дека преостанатиот пат на Македонија кон пристапувањето кон ЕУ е фер и разумен, без да биде растоварен од бугарските интереси“, се додава во соопштението.

Прикажи повеќе...

Најново

Спорт3 часа

Пандев: Не може ништо да се спореди со овој свет дрес

Горан Пандев заминува од македонската репрезентација, како рекордер со 122 настапи и 38 гола, со остварено ветување за пласман на...

Спорт4 часа

ЕУРО 2020 заврши за Македонија, Холандија и Австрија во осминафиналето

Македонија со 0:3 пораз од Холандија го заврши историскиот настап на ЕУРО 2020, во меч кој носеше големи емоции за...

Спорт4 часа

Моменти за солзи – цела Амстердам арена со поздрав за Пандев

Горан Пандев имаше емотивно збогување со националниот дрес, откако селекторот Игор Ангеловски реши да го повлече од игра во 68....

Македонија11 час

Нема најава за нови рестрикции по вториот случај на индиски вид во Македонија

Во текот на вчерашниот ден во Македонија беше детектиран и вториот случај на индискиот вид на коронавирусот, но засега нема...

Економија11 час

Се зголемуваат цените на горивата

Регулаторната комисија за енергетика и водни услуги донесе одлука со која се врши зголемување на малопродажните цени на нафтените деривати...

Европа12 часа

Рекорден дневен број на заразени со Ковид-19 во Москва

Бројот на новоинфицирани oд коронавирус во руската престолнина Москва и нејзината област во изминатите 24 часа достигнал 1.800, што е...

Македонија12 часа

Сојузот на средношколци: Да се објават извештаите за училиштата кои наплаќаа свидетелства

Сојузот на средношколци бара од државниот просветен инспекторат јавно да ги објави извештаите за спроведените инспекции во четирите средни училишта...

Топ13 часа

МВР со детали за сообраќајната несреќа во која загинаа две лица

Две лица загинаа вчера во сообраќајната несреќа што се случи на експресниот пат Штип-Кочани, во близина на населбата „Три чешми“. Според...

Македонија14 часа

По отповикувањето, Азески на Црна Гора ѝ посака брз развој и просперитет

Бранко Азески се огласи со коментар по одлуката на Владата во Црна Гора, да го отповика како почесен конзул на...

Свет14 часа

(Видео) Американската морнарица во океан детонираше бомба, предизвикан земјотрес

Експлозија изведена од американската морнарица, предизвика земјотрес. Бомбата тешка 18.143 килограми била активирана крај брегот на Флорида. Експлозијата била извршена...

Македонија15 часа

Владата во Црна Гора го отповика почесниот конзул во Македонија, Бранко Азески

Владата во Црна Гора ваквиот потег го објасни со изјава дека отповиканиот амбасадор се обидел да ги омаловажи и да...

Свет15 часа

САД со ултиматум до Кина, или нова истрага за Ковид-19, или изолација

Џејк Саливан, советник за безбедност на американскиот претседател Џозеф Бајден, рече дека Кина има уште еден избор или да дозволи...

Спорт16 часа

Пандев последен пат ќе ја предводи Македонија

Фудбалската репрезентација на Македонија, вечерва, ќе го одигра последниот натпревар на Европското првенство. Натпреварот против Холандија, на стадионот што го...

Европа16 часа

ЕУ: Црна кутија, задолжителна во автомобилите од следната година

Од следната година, задолжително во сите нови автомобили во ЕУ ќе биде поседувањето т.н Црна Кутија, а од 2024 година,...

Македонија1 ден

За шест часа, казнети 66 возачи за брзо возење на автопатот Скопје-Велес и скопската обиколница

Полицијата за шест часа казни 66 возачи за брзо возење на автопатот Скопје-Велес и скопската обиколница, соопшти Министерството за внатрешни...

Спорт1 ден

„Гранде“ Пандев потврди дека утре го игра последниот меч за Македонија!

Легендарниот македонски капитен Горан Пандев, потврди дека утре против Холандија ќе го одигра својот последен меч за македонската репрезентација, заминувајќи...

Регион1 ден

Џамбаски: Македонија е бугарска, од двете страни на границата Деве Баир живее една нација

Една нација живее на двете страни од границата Деве Баир, а тоа е бугарската, ова го напиша бугарскиот европратеник, Ангел...

Македонија1 ден

Нови осум заболени од Ковид-19, нема починати

Во последните 24 часа се направени 3.265 тестирања, а регистрирани се 8 нови случаи на КОВИД-19 од: Скопје – 3,...

Свет1 ден

(Видео) Петмина градежни работници загинаа при уривање на училиште во Белгија

Најмалку пет лица загинаа а девет се повредени кога училишна зграда во белгискиот град Антверпен се сруши за време на...

Македонија1 ден

Николоски: Нема да дозволиме избори без евидентирање на граѓаните со отисок од прст

Пратеникот на ВМРО-ДПМНЕ Александар Николоски, вели дека ВМРО-ДПМНЕ нема да дозволи локални избори без евидентирање на граѓаните со отисок од...

Досие