Македонија
Договорена активна регистрација во Избирачкиот список?
Активна регистрација на гласачите во Избирачкиот список договорена е на работната група, составена од претставници на четирите најголеми партии во земјава, за спроведување на договорот од Пржино, се дознава неофицијално.
Имено, по средбата во среда, на која беше повикан и претседателот на граѓанската организација МОСТ, Дарко Алексов за да го презентира предлогот за активна регистрација на гласачите, било договорено за прочистување на списокот да се преземе токму тој модел, па секој полнолетен граѓанин со оставање на отпечаток од прст да се регистрира во списокот, што би било и законск обврска.„Бевме само повикани да ги презентираме нашите ставови околу активната регистрација. Нашата улога е консултативна. Кога завршивме со презентацијата, ја напуштивме средбата“, изјави Дарко Алексов, претседател на МОСТ.Во четврток, средбата е закажана за 15 часот кога би требало да се затвори делот за избирачкиот список, ингеренциите на ДИК и гласањето на дијаспората.На петочната средба треба да се разговара и за конкретен предлог на специјалниот јаен обвинител, чија надлежност се прислушуваните снимки на разговори на високи државни функционери, објавувани од опозицијата во минатиов период.Сепак, претставниците на четирите најголеми политички партии ВМРО-ДПМНЕ, СДСМ, ДУИ и ДПА се уште се далеку околу договрот за надлежностите на специјалниот јавен обвинител, а несогласувањате се околу законската рамка за работата на специјалниот јавен обвинител.Имено, СДСМ бара законски измени или нов закон, а ВМРО-ДПМНЕ смета дека постоечката законска регулатива дава можности за нормално, самостојно функционирање на овој обвинител. За ВМРО-ДПМНЕ, Законот за јавните обвинители предвидува можност за формирање специјализирани одделенија за следење и откривање на криминалитетот со посебна стручна служба. За СДСМ ова е неприфатливо затоа што тоа би значело дека тој ќе работи под ракводство на јавниот обвинител Марко Зврлевски. СДСМ сака да се донесе посебен закон како гаранција за независноста на работата на специјалниот обвинител.Се очекува на средбата во петок да има конкретни предлози за правното регулирање на работата на специјалниот јавен обвинител чија задача треба да биде испитување на сите случаи во прислушуваните, објавени и необјавени, разговори за кои СДСМ поднесе кривични пријави./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан откога беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше коизвестувач на ЕП пред Комитетот за надворешни работи (АФЕТ), а Реслер беше коизвестувач пред Комитетот за буџет (БУДГ).
Реслер за новинската агенција „Хина“ изјави дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофира дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отвори пред две години, а Македонија само делумно, со оглед на тоа што за целосен почеток на преговорите неопходни се уставни измени за внесување на Бугарите во Уставот. Лидерите на земјите членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.