Македонија
ДУИ без изборни активности, СДСМ во Неготино и во Кавадарци, ВМРО-ДПМНЕ во Велес
Во понеделник ВМРО-ДПМНЕ и Коалицијата „За подобра Македонија“ митинг ќе имаат во Велес во 19 часот, додека СДСМ и Коалицијата „За живот во Македонија“ во Неготино (17:30) и Кавадарци (19:00)
Коалицијата за промени и правда денеска ќе имаат средби со граѓани во Центар и со стопанствениците во Трговскиот центар, Бит пазар и други места во Скопје. Носителите на кандидатските листи за пратеници во првата и втората изборна единица, Павле Трајанов и Јове Кекеновски, ќе одржат прес-конференција пред Јавното обвинителство во Скопје (пред мостот „Око”/13:00)
Демократската партија на Албанците (ДПА) денеска во 20 часот митинг ќе има во Велешта.
Претставници на Алијансата за Албанците ќе ја посетат Стопанската комора на северозападна Македонија, која ќе им ја претстави својата економска платформа.
Во чест на 28 Ноември, Денот на националното албанско знаме, Демократската унија за интеграција соопшти дека ги прекинува активностите од изборната кампања.
Во текот на овој ден, претседателот на ДУИ, Али Ахмети и претставници на Партијата, вклучувајќи ги кандидатите за пратеници, ќе учествуваат само на свечени активности./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево и топло време со температура до 27 степени
Времето денес ќе биде сончево и топло со мала локална облачност. Ќе дува слаб ветер од јужен правец.
Минималната температура ќе биде во интервал од 2 до 9, а максималната ќе достигне од 20 до 27 степени.
Во Скопје сончево и топло со слаб ветер од јужен правец.
Минималната температура ќе се спушти до 5, а максималната ќе достигне до 25 степена, јавува УХМР.
Во наредните денови следува период на сончево и топло време со пораст на температурата кон викендот. Утринските температури ќе бидат постојано над нулата, а поголемо наоблачување со услови за појава на дожд се очекува на почетокот на следната недела и ќе биде проследено со умерено спуштање на температурата.
Македонија
Нема подолги задржувања за влез и излез од државата
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Без струја дел од Карпош
Регионалниот центар за управување со кризи на Град Скопје, по добиеното известување од ЕВН, информира дека, поради технички зафати во електродистрибутивната мрежа, без електрична енергија ќе остане дел од Карпош.
Од 9 до 14.30 часот корисниците од улицата Мексичка, улицата Хаванска и дел од улицата Варшавска во општина Карпош ќе бидат без струја.