Македонија
ДУИ: Мицкоски го држи Меџити под контрола преку судско досие за нелегални градби во Чаир и штета од 72 милиони евра
Демократската унија за интеграција (ДУИ) бара оставка од градоначалникот на Општина Чаир, Изет Meџити. Од партијата му порачаа на Меџити да не го држи народот во заложништво поради своите лични грешки. Од ДУИ тврдат дека премиерот Христијан Мицкоски го држи Меџити под целосна контрола преку судско досие од 320 страници со флагрантни прекршувања на законот во областа на нелегалната градба во Чаир.
„Демократската унија за интеграција (ДУИ) изразува длабока загриженост и негодување кон безпреседентната политичка и правна ситуација која се одвива на политичката сцена. Веродостојни извори потврдуваат дека премиерот Христијан Мицкоски го држи Изет Меџити под целосна контрола преку судско досие од 320 страници, кое документира флагрантни прекршувања на законот во областа на нелегалната градба во Чаир, прекршувања кои предизвикале директна штета на општинскиот буџет во износ од 72 милиони евра. Оваа ситуација не е само правен скандал, таа е политички скандал од прв ред“, велат од ДУИ.
Од таму велат дека фактите јасно покажуваат дека обвинителното досие не се користи како инструмент на правдата, туку како лост за притисок врз градоначалникот на општина Чаир.
„Меџити, опкружен со овој Дамоклов меч, продолжува да ја задржи својата позиција, ставајќи го личниот интерес над интересот на албанскиот народ и граѓаните на Чаир. ДУИ нагласува дека 72 милиони евра штета на општинскиот буџет не се апстрактна бројка, тоа се болници кои не се изградени, улици кои не се асфалтирани, градинки и училишта кои не постојат, и осиромашени граѓани жртви на безодговорно и сомнително управување. Секој ден кој Меџити го поминува на функција, е уште еден ден во кој граѓаните во Чаир ги носи последиците од неговите грешки“, велат од ДУИ.
Партијата бара Изет Меџити да поднесе оставка од функцијата градоначалник на општина Чаир, и, како што велат, индивидуално да се соочи со правните обвинувања против него, онака како што бара секој елементарен стандард на демократијата и чесното управување.
„Правдата не е предмет на преговори. Граѓаните на Чаир заслужуваат лидери кои им служат на граѓаните со интегритет, а не поединци кои го користат мандатот како лично штитење од законот. ДУИ ќе продолжи да стои до граѓаните и ќе се бори за целосна одговорност за секое евро оштетено од буџетот на Чаир. ДУИ им се обраќа на сите политички сили, институции и јавното мислење да се издигнат заедно во одбрана на интересите на граѓаните и на правдата. Молчењето и неактивноста се соучесништво“, велат од ДУИ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Уапсен осомничениот за палењето на возилата на бугарската амбасада во Скопје
Полицијата го пронајде и приведе осомничениот за денешното опожарување на две службени возила во сопственост на Амбасадата на Република Бугарија во Скопје.
Од Министерството за внатрешни работи соопштија дека станува збор за И.Д. (44) од Скопје, кој е задржан во полициска станица.
При преземените дејствија била пронајдена и облеката што осомничениот ја носел во моментот на извршување на делото.
Од МВР информираат дека во координација со надлежен јавен обвинител се преземаат дополнителни мерки и активности за целосно расчистување на случајот, по што против лицето ќе биде поднесена соодветна кривична пријава по итна постапка.
Македонија
Мисајловски од Париз: инвестираме во нова и модерна опрема, зашто безбедноста на нашите граѓани и сигурноста на Алијансата е врвен приоритет
Министерот за одбрана Владо Мисајловски денеска (15 јуни) престојува во Париз, Франција каде присуствуваше на отворањето на меѓународниот саем за одбрана и безбедност „EUROSATORY 2026“, а оствари средба и со Елен Конвеј-Муре, потпретседателка на Комитетот за надворешни работи, одбрана и вооружени сили во францускиот Сенат.
На средбата со сенаторката Конвеј-Муре, министерот Мисајловски се осврна на инвестициите во армијата, видливи преку стабилното зголемување на средствата наменети за одбрана кои оваа година достигнаа 2,18 проценти од бруто-домашниот производ, од кои 32,5 проценти се наменети за набавка на нова и софистицирана опрема за македонската Армија.
„Македонската Влада силно инвестира во зацврстувањето на одбраната и безбедноста на земјата, а со тоа и на колективната одбрана на Алијансата. Со зголемувањето на одбранбениот буџет и набавката на нова, модерна и софистицирана опрема, вклучително и системите за против-воздушна одбрана Мистрал 3 од Француската Република, несомнено придонесуваме кон посилно НАТО и побезбедни граѓани“, рече министерот на средбата.
Мисајловски на средбата нагласи и дека потенцијалот за развој на одбранбената соработка со Франција е навистина голем, особено во контекст на заедничките обуки и вежби, како и размената на експертиза во доменот на одбраната.
На саемот „EUROSATORY 2026“, македонската делегација одблиску се запозна со новите достигнувања на полето на воената технологија, што е од исклучителна важност имајќи го предвид активниот процес за модернизација и опремување на Армијата.
Македонија
Осуда за инцидентот со возилата на бугарската амбасада, Муцунски најави целосно расчистување на случајот
Осуда за инцидентот во кој денеска беа опожарени возила во сопственост на Амбасадата на Република Бугарија во Скопје изразил министерот за надворешни работи и надворешна трговија Тимчо Муцунски во телефонски разговор со бугарската министерка за надворешни работи Велислава Петрова-Чамова.
Како што соопшти Министерството за надворешни работи и надворешна трговија, Муцунски ја информирал својата бугарска колешка дека надлежните институции веќе преземаат соодветни мерки за целосно расчистување на случајот, утврдување на сите околности и изведување на сторителот пред лицето на правдата.
Тој нагласил дека Министерството за надворешни работи и надворешна трговија дава целосна поддршка на надлежните институции за спроведување брза, ефикасна и транспарентна истрага, со цел утврдување на одговорноста и соодветно санкционирање на сторителот.
Од 50.000 до 2 милиони следбеници за неколку часа: Возиња по дуелот со Шпанија стана стана интернет ѕвезда
Голманот на Зеленортските Острови, Жозимар Жозе Евора Дијаш – Возиња, преку ноќ стана една од најголемите ѕвезди на Светското првенство...
Сензација на Мундијалот: 40-годишниот Возиња со 7 одбрани ја „заклучи“ мрежата против Шпанија
Ниту Лионел Меси, ниту Ламин Јамал, ниту Ерлинг Холанд, ниту Рафиња… најголемата сензација на почетокот на Светското првенство е 40-годишниот...
Работел како банкар, повик во репрезентацијата добил преку социјална мрежа, а денес ја шокираше Шпанија
Повикот за репрезентацијата го добил преку социјалната мрежа LinkedIn додека работел како банкар во Даблин, а денес поранешниот ирски службеник...
Пронајдено тело на 20-годишно момче во Охридското Езеро
Тело на 20-годишно момче било пронајдено во водите на Охридското Езеро кај Машка плажа во Струга. Случајот бил пријавен во...
Трамп за Иран: Се’ е потпишано, многу сум среќен
Американскиот претседател Доналд Трамп објави дека е потпишан договор со Иран со кој се предвидува целосно отворање на стратешки важниот...
Трамп: По Иран ќе се фокусирам на Украина
Американскиот претседател, Доналд Трамп, изјави дека по постигнувањето на договорот со Иран, вниманието ќе го насочи кон војната во Украина...
Маурицио Сари ја презеде Аталанта
Италијанскиот стручњак Маурицио Сари е новиот тренер на Аталанта, објави денес клубот од Бергамо. Сари го замени Рафаеле Паладино на...
(Видео) Прва сензација на СП – Зеленортските острови освоија бод против Шпанија
Дебитантите на светските првенства, Зеленортските острови ја режираа првата вистинска сензација на Мундијалот во САД, Канада и Мексико. Во Атланта,...
Трамп пристигна на Самитот во Франција, Макрон не го пречека лично
Американскиот претседател, Доналд Трамп, пристигна на Самитот на Г7 во француското одморалиште Évian-les-Bains, каде што светските лидери ќе разговараат за...