Македонија
ГДОМ бара избори на 5-ти јуни за крај на кризата и нема да дозволи сценарија за поделби
Граѓанското движење за одбрана на Македонија (ГДОМ) повторно во вторникот организираше поворки во повеќе градови од земјата со барање предвремените парламентарни избори да се одржат според првично договорениот датум на 5-ти јуни, за кои сметаат дека ќе донесат завршување на долга политичка криза.
Упатувајќи ја пораката „За Македонија се работи“, приврзаниците на ГДОМ и на владејачката ВМРО-ДПМНЕ минаа по улиците на Битола, истакнувајќи дека нивната манифестација е мирна, и критикувајќи ги акциите на спротиставеното движење „Протстирам“ со кои во шарени бои се бојадисуваат споменици и државни згради како уништување на јавната сопственост и напад врз историјата на македонскиот народ.
Приврзаниците на ГДОМ дефилираа и во Делчево под паролата „Делчево будно за одбрана на Македонија“. И тие сметаат дека излез од политичката криза може да има само преку одржување на избори на 5-ти јуни, со што Македонија ќе може да продолжи напред. ГДОМ и во Кичево побара одржување на изборите истакнувајќи го транспарентот со едноставен натпис „Избори“. Истото мислење го искажаа и вечерва жителите на Велес кои на мирниот протест против избегнувањето на изборите од страна на опозицијата порачаа дека мора да се стави крај на долготрајната политичка криза.
Аналитичарот Александар Пандов, еден од иницијаторите за појавата на ГДОМ во вторникот во изјава за дневникот на ТВ Нова рече дека движењето не е изненадено од барањата кои претставниците на албанските вонпарламентарни опозициски партии ги истакнаа на нивниот протест во понеделникот.
Алудирајќи на присуството на спомнатиот протест на поранешниот водач на радикалното косовско движење „Самоопределување“, Албин Курти, Пандов потсети дека тој и неговите приврзаници во Собранието на Косово фрлаа солзавец, а, како што рече, тука се фрла со боја.
„Од друга страна, пак, исто така не нѐ изненадуваат затоа што во минатото, главните претставници на СДСМ и СОРОС, Заев, Фрчковски, Геровски, најгласно и најјасно ги поставуваа истите тие барања: Албанец за премиер, федерализација на Македонија, односно идејата и на едните и на другите е распарчување на Македонија, нејзина поделба, коешто, за нивна жал, а за цела среќа на македонските граѓани, Македонецот ја има препознаено, ја има пресретнато и се спротивставува. Ние како членови на ГДОМ будно ги следиме нивните потези и секако дека со поддршка на македонските граѓани нема дозволиме нивните сценарија да дојдат на сила“, рече Пандов./крај/мф/бб
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари: Земјотресот почна, се надевам дека на 8 мај ќе дојде промената ДУИ да биде опозиција
Масовниот одѕив на гласачите на овие претседателски избори за Арбен Таравари, претседателски кандидат на коалицијата ВЛЕН, е показател дека промените се почнати. На првата прес-конференција по затворањето на избирачките места тој рече дека очекува победа на 8 мај.
„Земјотресот по се изгледа дека денеска почна со масовното учество на граѓаните во изборите, а се надевам дека на 8 мај ВЛЕН ќе победи и ќе дојде долго очекуваната промена ДУИ да биде во опозиција“, рече Таравари.
Тој јавно се заблагодари на граѓаните за масовниот одѕив и изрази надеж дека набљудувачите нема да дозволат злоупотреби на гласовите.
„Сега веќе се знае дека на овие избори имаше многу помасовно излегување на гласање отколку претходните избори што зборува дека промените ни се приближуваат и ни доаѓаат. Ние како ВЛЕН сме пресреќни дека добивме гласови генерално од Албанците. Сега веќе промените се внатре во кутиите кои веќе се отвораат. Се надевам дека нашите набљудувачи ќе ги контролираат и нема да дозволат да има злоупотреби и ќе се гарантира секој глас кој што е даден на демократски начин дека ќе излезе на површина“, рече Таравари.
Македонија
Кузеска: Констатирани се мали прекршувања на изборниот процес, ги очекуваме резултатите и уверени сме дека граѓаните ќе ја поддржат европската иднина
Богданка Кузеска од Изборниот штаб на СДСМ, по затворањето на избирачките места изјави дека изборниот ден бил демократски, а гласањето се одвивало во фер и демократска атмосфера.
„Граѓаните својата волја ја изразија слободно и достоинствено како што доликува на една демократска земја – членка на НАТО со започнати преговори со ЕУ. Констатирани се само неколку многу мали прекршувања на изборниот процес. Сакаме да изразиме благодарност до сите граѓани кои денеска гласаа. Самото гласање е суштински чин кој произлегува од моќта на граѓаните да одлучуваат за својата иднина и иднината на државата. Ги очекуваме изборните резултати и уверени сме дека граѓаните и денеска и на 8 мај ќе ја поддржат европската иднина за Македонија. Иднина во која Македонија е дел од европското семејство и членка на ЕУ“, порача Кузеска.
Повтори дека ги очекуваат изборните резултати и наскоро ќе излезат со точни податоци.
Македонија
Евидентирани 12 случаи на фотографирање гласачко ливче, шест пријави за нудење поткуп и 15 пријави за агитирање, соопшти Тошковски
Според министерот за внатрешни работи Панче Тошковски денешниот изборен ден поминал во безбедна, мирна и демократска атмосфера.
Како што рече, безбедните избори биле резултат на добрата соработка меѓу полицијата, Државната изборна комисија и сите други чинители кои биле вклучени во спроведувањето на изборниот процес
„Овие избори беа уште еден тест за демократијата и во таа насока сакам да им честитам на граѓаните кои излегоа на гласање и ја исполнија својата граѓанска должност и со тоа уште еднаш го истакнаа демократскиот капацитет на државата и значењето на нивната активна улога во градењето на инклузивно општество“, кажа Тошковски.
Истакна дека биле евидентирани повеќе настани кои се однесуваат на прекршување на изборниот процес.
„На ниво на целата држава евидентирани се 12 случаи на фотографирање на гласачкото ливче, два случаи на кинење на гласачко ливче, шест пријави за нудење на поткуп и 15 пријави за агитирање. На подрачје на СВР Скопје во врска со пријавата за испукана димна бомба од страна на тимот за антитероризам извршена е проверка , подигната е направата и предадена е на претседателот на избирачкиот одбор. Констатирани се шест прекршоци, а ќе бидат поднесени и две кривични пријави, една за повреда на тајност на гласањето и една за повреда на избирачко право“, потенцира Тошковски.
Во Охрид било пријавено јавно гласање пред комисијата а во Тетово биле пријавени упатени навреди кон шеф на штаб на политичка партија.
Во Куманово како што додаде, две гласачки места во село Умин Дол биле затворени а избирачкиот материјал бил вратен во канцелариите на ОИК.
Во Струмица едно лице го покажало гласачкото ливче на набљудувач.