Македонија
Годишно се иселуваат по 5.000 Македонци?!
На годишно ниво, откако ВМРО-ДПМНЕ е на власт, се иселуваат по 5.000 граѓани, тврдат пратениците од владејачката партија, додека опозициските пратеници сметаат дека тие бројки не се точни, затоа што се однесуваат на оние кои трајно се отселиле, а не и на оние кои се на привремен престој.
Во Собранието во петокот продолжи дебатата по Информацијата за иселувањето, особено на младите луѓе предложена од опозицијата. Пратеничката од НСДП, Соња Мираковска. посочи на бројките на иселени лица од Македонија, на оние кои зеле бугарски пасоши и праша за колку ќе се зголеми овој број имајќи ги предвид новите политики на Бугарија каде од септември, само со една изјава ќе може да се аплицира за нивно државјанство.Бројките кои ги презентира владејачкото мнозинство, според неа не се точни, бидејќи статистика ги бележи само оние кои трајно се иселиле, но не и оние кои привремено се иселиле, а се знае дека и тие нема да се вратат да живеат во земјата.Крсто Мукоски од ВМРО-ДПМНЕ тврди дека трендот на иселување од Македонија се намалува.„Знаете ли кога го има историскиот минимум? Кога избегале најмногу жители од оваа држава? Тоа е случува во 1994 година, кога бројот на жители паѓа за 124 илјади жители. Знаете ли зошто? Заради тоа што во Македонија се спроведе класична мафијашка приватизација!“, рече Мукоски.Најголем број бугарски пасоши биле земени меѓу 2002 и 2008 година.Пратениците од владејачкото мнозинство тврдат дека бројките на миграција се намалуваат за време на владеењето на ВМРО-ДПМНЕ и тие на годишно ниво изнесуваат во просек околу 5.000 лица, што според нив е резултат на правилните политики на актуелната Влада.Мираковска реплицирајќи рече дека нејзините колеги од ВМРО-ДПМНЕ манипулираат со бројки и ги кажуваат оние од 2004 година, додека просечната бројка, според неа, на иселени на годишно ниво во владеењето на ВМРО-ДПМНЕ е околу 12.000, и оти заминуваат најобразованите.Пратеникот Влатко Ѓорчев, од ВМРО-ДПМНЕ смета дека главна причина со децении и векови за иселување на Македонците, се економските причини или политичките фактори односно комунистичкиот прогон.Алим Билали од ВМРО-ДПМНЕ изнесе бројки за иселени државјани на Македонија во Италија, па така до 2003 година во оваа држава биле иселени 34.019 државјани на Македонија, до крајот на 2006-та година 74.162, додека до 1 јануари 2015-та 77.703 лица./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски-Џаро по кусо боледување, потврди семејството. Тој важи за еден од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како крал на местенките во фудбалот.
Соработуваше со големи музички ѕвезди, како Здравко Чолиќ, Мишо Ковач, Маја Оџаклиевска, Оливер Драгоевиќ, „Бјело дугме“, Тереза Кесовија, Лепа Брена.
Своевремено има изјавено дека организирал 5.000 концерти и многубројни турнеи во повеќе од тридецениската кариера како менаџер.