Како резултат на континуираните заложби на претседателката Гордана Сиљановска – Давкова за поголема отвореност и непосредна комуникација со граѓаните, денеска во Скопје беше отворена Народната канцеларија на Претседателот.

Во присуство на бројни граѓани и претставници на граѓанскиот сектор, Сиљановска-Давкова истакна „канцеларијата ќе биде жив простор на дијалог, дебата, едукација и граѓанско учество, место, коешто ќе ги поврзува институциите и заедницата и ќе придонесува за зајакнување на демократската култура“.

За Сиљановска-Давкова, возобновувањето на Народната канцеларија е резултат на домашните искуства и потреби, но идејата е инспирирана од практиката во САД. Целта е да се создаде достапен простор во срцето на градот, каде што секој граѓанин ќе може слободно да дојде, да побара помош, да постави прашање, да предложи иницијатива, или да упати критика.

Во Народната канцеларија таа препознава отворено демократско катче за сите: за граѓаните, невладините организации, средношколците, студентите, пензионерите, а особено за младите кои сакаат да ги искажат своите таленти и знаења.

Повикувајќи на силен граѓански активизам, претседателката укажа дека просторот ќе биде достапен за организирање на трибини, едукативни настани, младински и волонтерски иницијативи, културни и хуманитарни проекти.

Со цел институцијата Претседател да биде подостапна и поблиска до граѓаните низ целата земја, Сиљановска-Давкова ја искажа намерата вакви народни канцеларии да бидат отворени и во други градови низ државата.

Воедно, таа се заблагодари на Националниот младински совет на Македонија за досегашната работа, посакувајќи успешна соработка во идина.

По поздравното обраќање, претседателката оствари средба со граѓани меѓу кои активисти во различни области, доктори, професори, спортисти, студенти, волонтери, како и лицa со оштетен вид.

Тие ги претставија предизвиците со коишто се соочуваат; споделија успешни професионални приказни; дадоа предлози и иницијативи за подобрување на здравствените услуги; побараа поддршка за реализација на општокорисни активности; упатија покани до претседателката за присуство на настани и ги разгледаа можностите за соработка со Кабинетот.

Разбираме дека Дејвид Гета не му е по вкусот на Филипче кој го преферира Харис Џиновиќ, но разликата помеѓу Дејвид Гета на Стадион, достапен за сите граѓани и Харис Џиновиќ на приватна журка на Филипче и Заев во Дубаи платен со крадени пари од граѓаните е евидентна и огромна, реагира ВМРО-ДПМНЕ.

Во реакцијата се додава дека срамно е што СДСМ е и против прослава на независноста на Македонија, бидејќи очигледно го чекаат славјето на денот за независност на Бугарија.

СДСМ претходно побара одговори од Владата во врска со најавениот концерт на Дејвид Гета во Скопје по повод 35 години од независноста.

Од партијата прашаа колку ќе ги чини граѓаните целиот настан, наведувајќи дека само хонорарот на Дејвид Гета, изнесува најмалку еден милион евра.

Актуелната власт нема кредибилитет и граѓаните се соочуваат со застој и манипулации во однос на европскиот процес, изјави претседателот на СДСМ, Венко Филипче, во одговор на новинарско прашање.

„Реформите се викаат Уставни измени и почеток на преговори, отворање на поглавјата. Тоа е вистинскиот пат напред. Ниту Христијан, ниту бандата нека не мачкаат очи, нека не лажат. И ако не сакаат, нека си заминат, затоа што ќе одговараат сите“, рече Филипче.

Филипче потенцираше дека власта две години не испорачала реални резултати во рамки на реформската агенда.

„Гледаме дека најавуваат работа на реформска агенда, а што правеа две години? Ништо не направија, не сакаат да работат. Еве докажаа, и секој ден се докажува дека лажеле граѓаните и Гордана и Христијан и Тимчо. Лажеле. На тие луѓе не може да им се верува. Тие луѓе немаат кредибилитет да водат државата. Ги интересира само нивниот интерес, а не интересот на сите граѓани. Ги злоупотребија и ги излажаа, вклучувајќи ги членовите на ВМРО, коишто после заминувањето на оваа група на власт, повторно ќе живеат во изолирана Македонија и сиромашни. А кога таа банда ќе си замине, ќе им биде добро, затоа што живеат од украдени народни пари, ама ќе одговараат и ќе враќаат пари“, порача Филипче.